Sögur úr Litlaskógi: Sokkarnir hans rebba – Flipabók
3.490 kr.Velkomin í Litaskóg.
Rebbi er búinn að týna sokkunum sínum.
Getur þú hjálpað honum að finna þá?
Lyftu flipunum og gáðu!
Sögur úr Litlaskógi: Kanínan vill kúra – Flipabók
3.490 kr.Velkomin í Litaskóg.
Kanínan er þreytt en getur ekki sofnað.
Getur þú hjálpað henni að finna stað til að fá sér lúr?
Lyftu flipunum og gáðu!
Kúkur, piss og prump – Vísindalæsi #5
5.390 kr.Allt í náttúrunni er hluti af hringrás. Þú líka! Meltingin þín leikur nefnilega algjört lykilhlutverk þar. Heimurinn verður svo fallegur og forvitnilegur þegar við uppgötvum hvernig allt er tengt. Meira að segja kúkur, piss og prump verður bara … spennandi! Það sem mestu máli skiptir er að vera forvitin og þora að spyrja spurninga.
Kúkur, piss og prump er léttlestrarbók úr hinum vinsæla Vísindalæsisflokki Sævars Helga Bragasonar. Hér úir og grúir af frábærum fróðleik og fjörugum staðreyndum úr heimi vísindanna. Elías Rúni teiknar myndirnar í bókinni en hann hefur einstakt lag á að setja flókna hluti fram á skýran og skemmtilegan hátt.
Sigrún í safninu
5.390 kr.Þegar barnabókahöfundurinn Sigrún Eldjárn var lítil stelpa átti hún heima í Þjóðminjasafninu ásamt foreldrum sínum og systkinum. Þau voru samt engir safngripir eins og Valþjófsstaðahurðin eða Þórslíkneskið heldur bjuggu í ósköp venjulegri íbúð í safninu en faðir hennar, Kristján Eldjárn, var þjóðminjavörður á þessum tíma. Þetta sérstæða æskuheimili hafði djúpstæð áhrif á Sigrúnu sem rifjar hér upp æskuminningar, leiki og uppákomur innan um merkilegustu dýrgripi þjóðarinnar.
Dáin heimsveldi
1.290 kr.Dag einn birtist á himni risavaxinn, svartur hlutur. Úkraínski geimfarinn Pi er fyrstur á vettvang og hverfur inn um dyr á hlið fyrirbærisins. Áratug síðar snýr hann aftur en er fámáll um reynslu sína.
Við upphaf 22. aldar lifir fólk í fátækt eftir heimsstyrjaldir og hrun lífkerfa jarðarinnar. Íslenska þjóðin er varla til lengur nema sem hugmynd en við logndauðar strendur landsins lóna snekkjur og á hálendinu er geimlyfta sem flytur vörur í borgir ríka fólksins á braut um jörðu.
Emil, lítt þekktur textamaður af íslenskum ættum, er útvalinn til að fara upp með lyftunni og taka viðtöl við Pi um það sem gerðist inni í fyrirbærinu. Verkið reynist vera snúið, ekkert er eins og það sýnist og í órafjarlægð frá jörðinni saknar hann Sögu, konu sinnar. Það eina sem hann vildi gera var að bjarga framtíð þeirra – en er það of seint?
Ódauðleg ást
1.290 kr.Sögur Ljúdmílu Petrúshevskaju eru sögur um fólk, alls konar fólk, sumir eru ástsjúkir, aðrir drykkfelldir, enn aðrir við það að missa vinnuna. Þær gerast í stórborginni, í yfirfullum íbúðum þar sem fátæklegar drykkjuveislur fara fram, í úthverfum, í skólastofnunum, á rannsóknarstofum — út um alla Moskvu. Engu er líkara en að skáldkonan taki einhvern einn úr hinum nafnlausa múg og einbeiti sér að því að sýna okkur sérstök örlög hans. Sögur hennar eru raunsæjar sneiðmyndir úr lífi borgarbúans, hnitmiðaðar, fyndnar, íburðarlausar og áhrifaríkar.
Sögur Ljúdmílu Petrúshevskaju komu ekki út á bók fyrr en ritskoðun hafði verið aflétt í Rússlandi. Hún er nú talin með fremstu skáldum móðurlands síns.
Ingibjörg Haraldsdóttir þýddi.
Ósýnilega konan
1.290 kr.Í myndlistarmanninum og heimshornaflakkaranum Sigurði Guðmundssyni búa þrjár persónur sem sífellt takast á: Kallinn Sigurður Guðmundsson, Konan Sigurður Guðmundsson og Hulstrið Sigurður Guðmundsson. Þessar persónur lifa lífi höfundar í eitt ár, takast á um verk hans og rökræða allt sem fyrir augu ber horfa á líf hans og list augum kynjanna þriggja. Þetta ár er höfundur staddur í Kína og sjálfur horfir hann sínum vestrænu augum á menninguna þar eystra.
Kyngreining Sigurðar á sjálfum sér og þeirri menningu sem hann er hluti af fæðir af sér óvenjulegar og heimspekilegar myndir af tilvist okkar – myndir sem oft eru spaugilegar og á skjön við viðteknar hugmyndir um veruleikann og tungumálið.„ . . . hvernig höfundurinn brýtur mannlega reynslu til mergjar, hvernig hann lýsir nöglinni á stórutá á blindri nuddkonu í Kína – er ekki á allra færi.“ – Kristján Guðmundsson
