Æskumynd listamannsins
3.990 kr.ÆSKUMYND LISTAMANNSINS kom fyrst út árið 1916 og er persónulegasta verk James Joyce. Bókin sem sumir gagnrýnendur hafa nefnt mögnuðustu æskulýsingu heimsbókmenntanna greinir frá uppvexti drengs í hinu rammkaþólska Írlandi, þjáningum hans í forstokkuðu skólakerfi, unglingsárum með tilheyrandi sektarkennd og ástarfýsn, baráttu hans við að brjótast undan hömlum umhverfisins, finna sjálfan sig og komast burt. „Skáldsagan er ákæruskjal,“ segir Sigurður A. Magnússon í formála sínum að verkinu, „sem beinist jafnt gegn rómversk-kaþólsku kirkjunni og fósturjörðinni.“
Sigurður A. Magnússon hefur þegar unnið það þrekvirki að þýða á íslensku Ulysses – Ódysseif – eftir James Joyce, margslungnustu skáldsögu 20. aldar og kom sú þýðing út á árunum 1992-3, en áður hafði smásagnasafnið Í Dyflinni komið út í íslenskri þýðingu Sigurðar árið 1982.
Höfundur Íslands
990 kr.Fremsti höfundur Íslands vaknar í brekku í afskekktum dal við það að lítill strákur potar í hann. Hvar er hann? Er hann lifandi eða dauður? Ekki minnkar undrun gamals manns þegar þungstígur bóndi, forn í skapi og illúðlegur, tekur hann í fangið og ber hann heim í sitt frumstæða kot, þar sem margt er kunnuglegt. Er hann staddur í eigin höfundarverki?
Höfundur Íslands (2001) eftir Hallgrím Helgason er margslungin og nýstárleg saga sem leiðir lesandann í ótrúlega ferð um íslenskan menningarheim liðinnar aldar. Um leið er tekist á við áleitnar spurningar um samband höfundar og verks, veruleika og skáldskapar, lífs og dauða. Þetta er hrífandi og ögrandi skáldsaga sem öðrum þræði er uppgjör við 20. öldina. Fyrir hana hlaut Hallgrímur Íslensku bókmenntaverðlaunin.
The Christmas cat
4.990 kr.All know well the dreadful Christmas Cat, who finds it nice to hunt poor children rather than mice.Here the cat truly comes to life, cheeky and voracious as he’s always been.THE CHRISTMAS CAT is the classic Christmas poem by Jóhannes úr Kötlum – now with illustrations by Þórarinn Leifsson that put the dreadful Christmas Cat in a fresh and entertaining light.- -43%
Allt frá hatti oní skó
Original price was: 8.690 kr..4.990 kr.Current price is: 4.990 kr..„Enginn veit hvað skáldsaga er …“ – Á þeim orðum danska skáldsins Pouls Borum hefst þessi saga og í takt við þau ögrar hún skilgreiningum, dansar á mörkum skáldskapar og minninga.
Hér segir frá Haraldi sem ætlar að verða skáld og með það að markmiði flytur hann til Kaupmannahafnar með kærustunni haustið 1979. Þar lendir hann strax í suðupotti menningarinnar og kynnist margs konar fólki, ekki síst listamönnum og skáldum, sem og nýjum skáldskap, viðhorfum og tónlist.
Frásögnin af því hvernig skáld verður til, mótast af umhverfinu og mótar sig sjálft – allt frá hatti oní skó – er einstaklega fjörug og teygir sig víða. Skrautlegar persónur, staðir, atvik og sögur lifna við svo úr verður litríkur vefur umleikinn órólegum anda níunda áratugarins þegar allt breyttist – og Haraldur varð skáld.
Einar Már Guðmundsson hefur áður boðið lesendum inn í sama sagnaheim, m.a. í verðlaunasögunni Englum alheimsins frá 1993 og þroskasögunni Passamyndum frá 2017.
- -28%
Birtingur og símabannið mikla
Original price was: 6.390 kr..4.590 kr.Current price is: 4.590 kr.. 
Gleðileg jól – Þín eigin saga #12
3.690 kr.Það er desember og þú ert í jólaskapi. Þig langar að renna þér á snjóþotu svo þú arkar upp í fjall. Í stórum helli sitja þrettán furðulegir kallar við varðeld og í myrkrinu glóa risastór kattaraugu. Þú ræður hvað gerist næst! Í tólftu bókinni í þessum vinsæla bókaflokki spinnur Ævar Þór þráð úr bók sinni Þín eigin þjóðsaga.
- -31%
Jötunsteinn
Original price was: 6.990 kr..4.790 kr.Current price is: 4.790 kr..Jötunsteinn, steyptur hellusteinn sem til stendur að leggja í gangstétt, þýtur í átt að bílrúðu. Fyrir innan hana situr stórtækur verktaki. Úti stendur bugaður arkitekt. Tíminn silast áfram sekúndubrot fyrir sekúndubrot.
Þrjátíu ár eru síðan Andri Snær steig fram á ritvöllinn og skipaði sér í hóp eftirtektarverðustu höfunda landsins. Í þessari kröftugu nóvellu er Jötunsteini kastað inn í heita umræðu um fegurð í borg sem er smám saman að hjúpast svartri klæðningu og gráu þverliggjandi bárujárni. Sagan hefur þegar komið út á dönsku, ítölsku og ensku og hvarvetna hlotið frábærar viðtökur.
Spegill þjóðar
14.690 kr.Gunnar er enda einn áhrifamesti ljósmyndari okkar og margar fréttamynda hans hafa mótað hugmyndir okkar um sögu lands og þjóðar. Ferillinn spannar hálfa öld, frá því hann hóf störf á Tímanum 16 ára árið 1966. Síðar var hann á Vísi, DV og Fréttablaðinu. Og fjölmörg augnablikin sem Gunnar festi á filmu eru greypt í þjóðarsálina.Gunnar velur hér á annað hundrað minnisstæðustu mynda sinna og Sigmundur Ernir Rúnarsson skráir söguna á bakvið hverja þeirra – úr verður einstakt og áhrifamikið sjónarspil; fréttaviðburðir, stjórnmál, íþróttir, náttúra, listir og skemmtanir, innlend og útlend stórmenni og okkar minnstu bræður og systur – allt á þetta sína fulltrúa í myndasafni GVA.- -29%
Vélhundurinn Depill
Original price was: 5.590 kr..3.990 kr.Current price is: 3.990 kr..Vélhundurinn Depill er fjórða sagan í verðlaunaflokknum um Pétur og Stefaníu, alveg skuggalega skemmtileg og ætluð lesendum á aldrinum 6–10 ára. Bókin er ríkulega myndskreytt og með sérvöldu auðlæsilegu letri.
Nornin, vinkona Péturs og Stefaníu, hefur misst hann Lubba sinn og er alveg óhuggandi. Í ofanálag er eitthvað óhugnanlegt á seyði í garðinum sem virðist tengjast gröf Lubba. Hver er að róta í moldinni? Það skyldi þó ekki vera að ljúfi hundurinn Lubbi sé genginn aftur – hauslaus í ofanálag? - -47%
Piparmeyjar: Fröken Thora og saga einhleypra kvenna á Íslandi
Original price was: 9.390 kr..4.990 kr.Current price is: 4.990 kr..Hvaða augum leit fólk piparmeyjar og hvaða augum litu þær sig sjálfar? Höfðu þær eitthvert raunverulegt val í lífinu? Og hvað með ástina?
Þetta fróðlega og aðgengilega skrifaða sagnfræðirit byggir á metnaðarfullri rannsókn á ævi og kjörum einhleypra, íslenskra kvenna á umbrotatímum í kvennasögunni þar sem sjónum er bæði beint að einstökum konum og samfélaginu öllu. Í aðalhlutverki er einstætt safn einkabréfa Reykjavíkurstúlkunnar Thoru Friðriksson.
Bréf Thoru veita einstæða og heillandi innsýn í líf skarpgreindrar konu með stóra drauma sem hún fékk ekki tækifæri til að láta rætast fyrr en á miðjum aldri, eftir að hún var búin að rækja skyldur sínar við stórfjölskylduna. Einnig bregða skrif hennar upp ljóslifandi mynd af hálfdanska smábænum Reykjavík skömmu fyrir aldamótin 1900, þar sem betri borgararnir drukku chocolade og champagne, brugðu sér á skauta á Tjörninni og tipluðu á spariskónum yfir moldarflagið fyrir framan nýbyggt Alþingishúsið.
- -43%
Alfa
Original price was: 8.690 kr..4.990 kr.Current price is: 4.990 kr..Hröð og viðburðarík spennusaga úr nálægri framtíð.
Árið 2052 hefur Alfa stýrt samfélaginu í aldarfjórðung – gervigreind sem leysir úr öllum málum á sem bestan hátt fyrir alla – og sjö manna teymi situr í Ráðuneytinu og hefur umsjón með að allt gangi smurt.
Á heimili Sabínu og Mekkínar er stór dagur runninn upp. Júlíus sonur þeirra er að verða sextán ára og vígist þar með inn í heim fullorðinna. Þá fær hann grædda í sig örflögu til að tengjast Alfa beint og fær um leið að vita hvað honum er ætlað að fást við í framtíðinni.
Birkir bróðir Sabínu er uppreisnarseggur sem vill ekki lúta stjórn Alfa og þarf því að draga fram lífið án allra nútímaþæginda. Þegar hann lætur lífið við undarlegar aðstæður verður ljóst að eitthvað býr undir – einhver olli dauða hans, en hver? Og var það kannski systir hans sem átti að deyja?
Lilja Sigurðardóttir er í essinu sínu í þessari snörpu og hressilegu sögu þar sem hún dregur upp litríkar persónur og kitlandi söguheim, frábrugðinn veröldinni sem við þekkjum. Flest er breytt – en breytingarnar eru ekki að allra skapi.
- -43%
Staðreyndirnar
Original price was: 8.690 kr..4.990 kr.Current price is: 4.990 kr..Við erum ekki á leiðinni í neitt 1984-dæmi, skilurðu. Við erum ekki að fara að banna fólki að segja eitt né neitt. Og við ætlum ekki að fara að þurrka út allar óþægilegar staðreyndir, breyta sögunni jafnóðum og einhverjir hagsmunir krefjast þess.
Eftir hneykslið með hjartað er úti um framtíð Steins í stjórnmálum. Honum er því boðin staða hjá nýstofnaðri Upplýsingastofu og falið að leiða þróun opinbers staðreyndagrunns, vitvélar sem á að gegna lykilhlutverki í baráttu stjórnvalda gegn upplýsingaóreiðu. Verkefnið lofar góðu þar til háskólanemi ber upp eldfima spurningu við vélina um áhrif nasisma á stjórnarfar á Íslandi.
Staðreyndirnar er hárbeitt satíra um ólík tilbrigði við þögn, um uppgjöf andspænis voðaverkum, uppgjör sem aldrei fer fram og þolinmæði þeirra afla sem enn bíða þess í ofvæni að lýðræðis- og frelsisbylgju síðustu áttatíu ára ljúki. Skáldsaga um vélrænt vit, mannasiði og nasista.