Þjóðhátíðarrolla
2.990 kr.Þetta ritgerðasafn, sem helgað er þjóðhátíð Íslendinga 1974, hefst á nafntogaðri ræðu höfundar á Þingvöllum 28. júlí. Á eftir fara ritgerðir um forna bókmenntasögu Íslendinga; Forneskjutaut, útfrá átrúnaði í fornöld og siðaskiptunum árið 1000, og Hvað var á undan íslendingasögum?, sem rekur á nýjan hátt samhengi fornbókmenntanna og skilning vorn á þeim gegnum Íslandssöguna. Báðar greinarnar eru stórmerkt framlag til þeirrar lífrænu sögulegu og fagurfræðilegu umræðu um fornbókmenntirnar, sem Halldór Laxness hefir lengi haldið uppi. Það eru einkum þessar greinar ásamt mörgum mannlýsingum, sem skipa Þjóðhátíðarrollu á bekk með beztu ritgerðasöfnum höfundar.
K. K.
Guðsgjafaþula
2.990 kr.Guðsgjafaþula er rituð í endurminningastíl með tilstyrk „sögumanns“, greinargerð um liðið tímabil. Þessi sögumaður er rithöfundur, en verzlar líka með fugla. Hann kemur fyrst við í frásögn sinni árið 1920 í Kaupmannahöfn, þarnæst 1938 í norðlenzk-vestfirzku síldarplássi, Djúpvík. Og loks í London eftir síðara stríð. Þetta er hið mikla „tímabil norðurlandssíldarinnar“. Aðalsöguhetjan, Bersi Hjálmarsson, Íslandsbersi öðru nafni, er síldarspekúlant af þeirri tegund, sem uppi var í þann tíð. Reyndar er þessi síldarkaupmaður varla neinnar tegundar, hann er náttúrufyrirbæri og sögulegt undur. Hann er sömuleiðis einhver skemmtilegasta persóna, sem komið hefur fyrir í sögum Halldórs Laxness.
Síldin er alls staðar í baksýn, dularfull, óútreiknanleg, einnig þegar hún er komin á land. Henni fylgir rökleysi í lífi manna og athöfnum. Guðsgjafaþula er mikill aldarspegill. Siöalögmál, trú, pólitík, einkum verklýöspólitík þessa tíma, hættir manna, hugmyndir og búnaður, allt birtist í óvæntu og stundum miskunnarlausu ljósi. Samt er frásögn sögumanns blandin mikilli mildi. Hann er gestur í heimi athafnanna. Og það er Bersi Hjálmarsson reyndar líka. Hann er a.m.k. af tveimur heimum. En um það fjallar sagan.
Norður í svalann
1.290 kr.Sigurður Pálsson námstjóri sendir hér frá sér fyrstu bók sina ef frá eru taldar kennslubækur, m. a. í umferðarfræðum og kristnum fræðum. Hann er fæddur í Reykjavík árið 1936, lauk kennaraprófi 1957 og BA-prófi í kristnum fræðum og uppeldisfræði 1978. Sigurður stundaði kennslu um margra ára skeið og var um tíma skrifstofustjóri Ríkisútgáfu námsbóka, en hefur frá 1977 verið námstjóri i kristnum fræðum. Kona hans er Jóhanna G. Möller og hefur hún aðstoðað við gerð þessarar bókar.
Norður í svalann hefur að geyma viðtöl við fimm aðflutta Íslendinga. Þeir eru: Baltasar B. Samper listmálari, Ester Gunnarsson hjúkrunarfræðingur og húsmóðir, Carl Billich píanóleikari, Rut Magnúsdóttir organisti og húsmóðir og Einar Farestveit forstjóri. Viðtölin skráir Sigurður Pálsson námstjóri og segir hann m. a. svo í formála sínum að bókinni:
Ekki veit ég hvort Íslendingar eru forvitnari um annarra hagi en almennt gerist. Ég veit heldur ekki hvort þeir eru forvitnari um álit annarra á landi og þjóð en tíðkast meðal þeirra sem annars staðar búa. Hitt veit ég, að þeir eru forvitnir um hvort tveggja. Þess vegna tók ég þetta verk að mér. Það myndi væntanlega svala forvitni minni og annarra, en ekki aðeins það, heldur gefa mér tækifæri til að gleðjast yfir nýjum kynnum og rifja upp gömul og deila þeirri gleði minni með öðrum.
Ég kaus að skrifa í fyrstu persónu og láta viðmælendur mína hafa orðið án athugasemda eða spurninga af minni hálfu. Fingraför min sjást á framsetningunni en inntakið er þeirra. Þau opnuðu mér dyr, rifjuðu upp fyrir mig bernsku og æsku, áhrifavalda í lífi sínu, aðdragandann að komu sinni til Íslands, ástæður fyrir þvi að þau settust hér að fyrir fullt og allt og kynni sín af landi og lýð. Ég þakka þeim elskusemina og vona að ég hafi reynst trausts þeirra verður.
Valtýr Pétursson
2.990 kr.Bókin um Valtýr Pétursson Í er nýjasta útgáfuverk Listasafns Íslands. Valtýr Pétursson var í hópi þeirra listamanna sem settu hvað strekastan svip á eftirstríðsárin á Íslandi. Hann var meðal brauðryðjanda abstraktlistar hér á landi, afkastamikill málari, gagnrýnandi og virkur þáttakandi í félagstarfi listamanna.
Bókin um Valtý og verk hans er samvinnuverkefni Listasafn Íslands og Listaverkasafns Valtýs Péturssonar.
Auður
990 kr.Auður Ketilsdóttir flatnefs vex upp á Suðureyjum, ættstór og skapheit. Allt hennar fólk er heiðið en þegar hún kynnist Gilla munki laðast hún að boðskap hans um Hvítakrist. Hún er gefin Ólafi hvíta konungi í Dyflinni og fer til Írlands með honum. En þangað á hún líka annað erindi og leynilegt…
Vilborg Davíðsdóttir hefur gert líf á norðurslóðum á fyrri öldum að sérsviði sínu. Saga hennar um æskuár landnámskonunnar Auðar djúpúðgu var tilnefnd til Íslensku bókmenntaverðlaunanna og vakti mikla ánægju lesenda og gagnrýnenda.
„Vilborg bregður upp skýrri og grípandi mynd af persónum sínum og því lífi sem þær lifðu: Lesandinn finnur lyktina af þeim, heyrir raddir þeirra, sér þær ljóslifandi … Skemmtileg og innihaldsrík saga …“
– Hrafn Jökulsson / Viðskiptablaðið„… yndisleg bók … þroskasaga Auðar djúpúðgu verður í meðförum Vilborgar bæði sterk og heillandi.“
Jenný Anna Baldursdóttir, bókabloggari„Þetta er saga sem kveikir áhuga á landnámskonunni Auði… skemmtileg og spennandi…“
Ingibjörg Rögnvaldsdóttir / bokmenntir.is
Á eigin vegum
990 kr.Sigþrúður er ekkja og vinnur fyrir sér með blaðburði. Hún ræktar garðinn sinn, hugsar um kettina og sækir jarðarfarir. Hún er ein en ekki einmana; allt frá barnæsku hefur lífið kennt henni að treysta ekki á aðra. Fólkið hennar er horfið á braut og hún fylgir því í huganum en situr sjálf um kyrrt. Djúpt í sálinni búa þó draumar um annað líf, annað land. Geta draumarnir ræst?
Kristín Steinsdóttir hefur hlotið margvíslegar viðurkenningar fyrir ritstörf sin og nafn hennar er þekkt langt út fyrir landsteinana. Á eigin vegum hefur fengið frábærar viðtökur lesenda og gagnrýnenda. Fyrir hana hlaut Kristín Fjöruverðlaunin, bókmenntaverðlaun kvenna.
„Það er alltaf gaman að láta koma sér á óvart… [Verk] sem… er svo miklu meira umfangs en útlitið gefur til kynna.”
– Úlfhildur Dagsdóttir, bokmenntir.is„Kristin slær einhvern óútskýranlegan tón Og skilar af sér frábærri bók… sem skilur ekki við lesandann fyrr en löngu eftir að lestri lýkur.”
– Óttar Martin Norðfjörð, DV„Snertir við lesandanum á áhrifaríkan hátt… Hér er engu ofaukið og ekkert vantar.”
– Auður Aðalsteinsdóttir, Víðsjá RÚV
Útlaginn
990 kr.Jón Gunnar Kristinsson er nýfermdur pönkari í Reykjavík sem er sendur í skóla vestur að Núpi í Dýrafirði. Á meðan fjöllin sofa sínum eilífa svefni iðar allt annað af lífi og drengurinn sem snýr aftur tveimur árum seinna er orðinn maður. En enginn venjulegur maður. Enda var það ekkert venjulegt sem gerðist. Örlög útlagans eru óumflýjanleg. Við tekur stefnulaus ferð um borg óttans.
Útlaginn er þriðja skáldævisaga Jóns Gnarr. Áður hafa komið út Indjáninn og Sjóræninginn. Hér rekur Jón sögu sína á aldrinum fjórtán til nítján ára af djúpri einlægni og alkunnum húmor. Með höfundur bókarinnar er Hrefna Lind Heimisdóttir.
Indjáninn
990 kr.Indjáninn er saga um fjörmikinn strák, örverpi aldraðra foreldra. Drengurinn á við ýmis vandamál að stríða sem valda honum erfiðleikum í uppvextinum, svo sem ofvirkni, athyglisbrest, rautt hár og nærsýni. Hann er hugmyndaríkur og margvísleg uppátæki hans, sum stórhættuleg, vekja litla lukku hjá hinum fullorðnu. Þetta er áhrifamikil uppvaxtarsaga sem sveiflast á milli strákslegrar gleði og nístandi einmanaleika þess sem ekki er alltaf í takt við umhverfið, en jafnframt er hér brugðið upp ljóslifandi mynd af samfélagi áttunda áratugarins frá sjónarhorni barnsins.
Litvindar
4.890 kr.Björg Örvar er myndlistarkona og skáld. Um tíu ára skeið bjó hún á Stokkseyri og var þar með vinnustofu. Dvölin á Stokkseyri var henni mikill innblástur og eru flest ljóðin þaðan runnin. Áður hafa komið út eftir Björgu ljóðabók og skáldsaga.
Ágúst og íslenska veðrið
4.390 kr.Hér er Ágúst – lundi sem elskar ævintýri! Hann ákveður að dvelja á Íslandi yfir veturinn og lendir í vetrarstormi. Með hjálp vitru uglunnar Júlíu uppgötvar hann norðurljósin og lærir hvernig ský, þoka og regnbogar myndast. Hlý og fyndin saga um veður, vináttu og bláberjakökur, fullkomin fyrir forvitna landkönnuði.
Ský – tímarit – nr. 7
2.990 kr.Einar Bragi – Tvö ljóð
Raymond Carver – Fimm ljóð
Bárður R. Jónsson – Tvö ljóð
Jón Karl Helgason 1– Þrá í augum
Kristján B. Jónasson – Úr plöntubókinni
Marína Tsvetajeva – Ljóð
Árni Árnason – Sama og síðast
Bjarni Bernharður – Tvö ljóð
Þorsteinn J. Vilhjálmsson – Tveir textar
Gunnar E. Randversson – Tvö ljóð
Hokusai – Hinn ákafi nemandi
Kæri fáviti
4.690 kr.Í Kæri fáviti skiptast þrjár ólíkar raddir á að segja frá – útskúfaður rithöfundur, þekkt leikkona og róttækur femínisti. Í gegnum tölvupóstsamskipti þeirra fáum við innlit í heim sem er gegnsýrður af kynbundinni valdbeitingu, afleiðingum #MeToo, fíkn, vináttu og leit að merkingu í heimi sem virðist oft vera að hrynja.
Kæri fáviti er óþægilega heiðarleg og snjöll samtímasaga frá einum áhrifamesta höfundi Frakklands. Bókin varð að metsölubók og hratt af stað mikilli umræðu um kynferðislega áreitni og jafnrétti á tímum samfélagsmiðla.
New Yorker valdi Kæra fávita á lista yfir bestu bækur ársins 2024.
Kristín Jónsdóttir þýddi úr frönsku.
Larfur Lauks: Lifandi og deyjandi í Reykjavík
4.990 kr.Brúnt slabb, öskrandi rok, syndaaflausn í eftirpartýi, geislavirk kvennfyrirlitning, æla í pítsukassa, mótsagnir í dós, adrenalín-perrar og 18 ára heimdellingur með fortnite-vandamál. Brotinn kjálki eftir rafhlaupahjólaslys, tæpur gaur með pit viper gleraugu, lifandi á fornri frægð og mamma þín er að chilla með fólki sem þú þekkir ekki.
Í slysabarni íslensku þjóðarinnar, Reykjavík, leynast tuttugu-og-eitthvað ára stefnuleysingjar á víð og dreif um göturnar. Þeir sveiflast um á milli láglaunastarfa, skrá sig í og úr námi, allt gert á ísland.is í hálfkæringi á djamminu. Mjólkin súrnuð, atvinnuleysisbæturnar búnar, morgundagurinn er ekkert nema svikull vinur.
Orðabók Lemprières
1.290 kr.Það er árið 1788. John Lemprière kemur til Lundúna frá Jersey, sjóndapur sláni, ofviti sem fáir standast snúning í fornum fræðum, klaufabárður
og upprennandi hetja í æsilegri atburðarás. Faðir hans hefur nýlega látist á voveiflegan hátt og eftirlátin gögn hans leiða piltinn á furðulega slóð þar sem Austur-Indíafélagið kemur mikið við sögu, landráð, franska byltingin, vélar af ótrúlegasta tagi, ástir og orðabókargerð, og ekki upplýsist fyrr en í lokin hver teymir hvern á asnaeyrunum.Höfundurinn Lawrence Norfolk er fæddur árið 1963 í Lundúnum og hefur fengið gríðarlegt lof fyrir þessa bók sem er engri annarri lík – ástarsaga, gleðisaga, harmsaga, pólitísk spennusaga, söguleg skáldsaga, goðsöguleg alfræðibók…
Ingunn Ásdísardóttir þýddi.