Þykjustuleikarnir
1.490 kr.Í Þykjustuleikunum, nýjustu ljóðabók Antons Helga Jónssonar er okkur boðið í sirkus þar sem fer fram samfelld dagskrá og alls konar persónur, misjafnlega kunnuglegar, eru kynntar til leiks. Ólíkar raddir skiptast á, sumt er fyndið, sumt sorglegt og stundum lætur hryllingurinn á sér kræla. Þessi leikur með gervi og raddir endurspeglast að nokkru í útliti og uppsetningu þessarar nýstárlegu ljóðabókar. Anton Helgi hefur lengi verið í hópi okkar allra vinsælustu skálda, tilfinningaríkur, orðsnjall og uppátækjasamur. Þykjustuleikarnir eru tíunda ljóðabók hans.
Himnaríki og helvíti
990 kr.Sagan gerist fyrir meira en hundrað árum, fyrir vestan, inni í firði, á milli hárra fjalla, eiginlega á botni heimsins, þar sem sjórinn verður stundum svo gæfur að það er hægt að fara niður í fjöru til að strjúka honum.
Strákurinn og Bárður róa um nótt á sexæringi út á víðáttur Djúpsins að leggja lóðir. Þar bíða þeir fram á brothættan morgun eftir fiskinum sem hefur synt óbreyttur um hafið í 120 milljón ár. Þótt peysurnar séu vel þæfðar smýgur heimskautavindur auðveldlega í gegn. Það er stutt á milli lífs og dauða, eiginlega bara ein flík, einn stakkur.
Fjarri hlýju hjónasængur – öðruvísi Íslandssaga
2.990 kr.Hvenær er ástin glæpsamleg? Hvaða skorður hafa henni verið settar um aldir? Hvaða sess skipaði hjónabandið, og hvaða refsingar voru við hórdómsbrotum og frillulífi?
Þessi bók er réttnefnd öðruvísi Íslandssaga. Hún segir frá samskiptum kynjanna á Íslandi um aldir, í samfélagi þar sem kirkja og veraldlegt vald töldu sér ekkert mannlegt óviðkomandi. Hér eru átakanlegar sögur af þeim konum – og körlum – sem leyfðu sér að fara út fyrir viðurkennd mörk ástar og hjónabands. Í krafti þeirra frásagna verður bókin annað en sögulegt yfirlit, hún verður lifandi saga. Víða er leitað fanga, svo sem í annálum, lagasöfnum, skáldskap og æviminningum og hefur höfundi tekist að miðla geysimiklum fróðleik á einstaklega lipran og aðgengilegan hátt.
Inga Huld Hákonardóttir er sagnfræðingur að mennt. Hún hefur um árabil starfað sem blaðamaður og sent frá sér margar bækur.
Byggingin
4.990 kr.Jóhamar er fullkominn, ég tel þetta besta Jóhamar ársins. Að horfa á Jóhamar gerir mann ölvaðan. Jóhamar er yfirþyrmandi og einstök reynsla. Jóhamar furðulegi er Jóhamar fyrir alla fjölskylduna enda er hér undra-Jóhamar á ferðinni. Jóhamar er hrífandi og umfram allt töfrandi. Jóhamar er pottþétt skemmtun. Þetta er besti Jóhamar til þessa. Það glansar af Jóhamri. Hér fer allt saman sem prýtt getur góðan Jóhamar. Jóhamar er svo spennandi eftir hlé að annað eins hefur ekki sést lengi. Það er ekki að sökum að spyrja ef Jóhamar kemur nálægt Jóhamri, þá verður útkoman stórkostleg. Það borgar sig að hafa góðar neglur þegar lagt er í Jóhamar. Jóhamar fer á kostum í þessum Jóhamri og er jafnvel enn betri en lögreglumaðurinn Jóhamar í Jóhamri. Jóhamar er bráðskarpur, geysifyndinn og gamansamur. Hákarlinn Jóhamar er kominn aftur til að drepa og nú er hann heldur betur persónulegur. Jóhamar er alltaf ferskur og nýr. Hver kannast ekki við Jóhamar í djörfum dansi, hnetubrjótinn Jóhamar, Jóhamar að tjaldabaki, Jóhamar stórkarl, draumalandið Jóhamar, Jóhameríku, sjúkraliðann Jóhamar, Jóhamar síðasta keisarann, Jóhamar á vaktinni, Jóhamar í stuði, Jóhamar týnda drenginn, skothylkið Jóhamar…
Smekkleysa 012
Miðnætursólborgin
19.990 kr.Fyrsta skáldsaga Jóns Gnarr.
„Þetta er okkar draumur, okkar einkamartröð og við getum gert allt sem okkur langar til!“
Miðnætursólborgin er óhugguleg og tæpitungulaus skáldsaga þrungin óslökkvandi losta og hamslausu ofbeldi. Hún segir frá Runólfi, foringja sjóræningjafélagsins, sem kemur til Miðnætursólborgarinnar að leita hefnda. Kynlíf og morð setja svip sinn á söguna alla. Og blóð sem hættir aldrei að renna . . Bók sem þú getur ekki lagt frá þér!
Í æsku var Jón Gnarr hjartveikur og taugaveiklaður drengur ofsóttur af jafnöldrum sínum sakir vanmáttar síns. En með lestri hollra ævintýrabóka öðlaðist hann þrá til sjálfsbjargar. Hann lærði af Konungi frumskóganna að sveifla sér kaðal af kaðli og af Hróa hetti og kátum köppum hans að skjóta ör af boga. Og með hjálp heilbrigðis- og aflkerfis Charles Atlas varð hann loks það sem allir heilbrigðir strákar þrá að verða: Útlagadrengurinn og Konungur ævintýranna!
Þetta er hans fyrsta skáldsaga.
Gangandi íkorni
9.990 kr.Draumsólir vekja mig – á þeim orðum hefst fyrsta skáldsaga Gyrðis Elíassonar. Svið hennar og persónur virðast í fyrstu hefðbundin: ungur drengur í afskekktri sveit hjá öldruðum hjónum, kaupstaðarferð, læknisvitjun, búverk. En lesandi finnur brátt einkennilega fjarlægð í þessu nána sambýli, eitthvað órætt bærist með drengnum. Dag einn sest hann við vaxdúklagt borðið og tekur að festa sýnir á brúnan maskínupappír: „Fyrst teikna ég flugvél og hákarl lónandi í gruggugu hafi undir. Síðan færi ég mig til á blaðinu. Ég leggst þungt á tréblýantinn og vanda mig. Allt í einu er orðinn til strákofi með garðskækli við, lítil lognvær tjörn, og íkorni.“ Fyrr en varir er lesandinn horfinn með íkornanum inn í óhugnanlegan heim. Uns draumsólir vekja hann . . .
Gyrðir Elíasson hefur áður sent frá sér fimm ljóðabækur og unnið sér sess sem eitt hugmyndaríkasta ljóðskáld yngri kynslóðarinnar.
Milli trjánna
4.890 kr.Milli trjánna er safn 47 fjölbreyttra og meitlaðra smásagna. Bókin hefur hlotið einróma lof og færði höfundinum Bókmenntaverðlaun Norðurlandaráðs árið 2011. Í kjölfarið hafa verk hans verið þýdd og gefin út víða um lönd og njóta vaxandi vinsælda og virðingar. Þessi nýja útgáfa er hluti af heildarsafni verka Gyrðis.
Suðurglugginn
4.890 kr.Hér tekur Gyrðir upp þráðinn þar sem frá var horfið í Sandárbókinni og spinnur nýja frásögn um hlutskipti listamanns, í þetta sinn er það rithöfundur sem dvelur í sumarhúsi í grennd við lítið þorp og glímir við að skrifa skáldsögu, verk sem neitar stöðugt að taka á sig þá mynd sem höfundurinn leitast við að skapa. Þessi útgáfa er hluti af heildarsafni verka Gyrðis.
Ljóðasafn II – Gyrðir Elíasson
7.390 kr.Annað bindið af ljóðasafni Gyrðis geymir 3 bækur sem hafa verið ófáanlegar um áratuga skeið en eru nú saman komnar í einu lagi í vandaðri heildarútgáfu á verkum skáldsins. Hér birtast Tvö tungl, Vetraráform um sumarferðalag og Mold í Skuggadal. Ómissandi verk í safn allra bókaunnenda.
The Galdrabók – Forbidden Icelandic Folk Magic
4.990 kr.„Write these letters on white vellum with your blood.“
Once forbidden by the church on penalty of severe punishment and even death, Iceland’s occult symbols have been subject to a remarkable transformation over the past few decades: They can now commonly be seen used as tattoos, in media such as video games, and even as components of business logos. Most books containing these symbols, known as grimoires, were confiscated and destroyed. However, a small number survived, most famously the Galdrabók. In this new and approachable edition of the Galdrabók, folklorist Kári Pálsson presents his original English translation and an edition of the grimoire’s original Icelandic text beside another grimoire never before published: the unique and quite mysterious Jarðskinna manuscript.
Guðrún Bergsdóttir – Hugarheimar / Inner Worlds
8.990 kr.Hugarheimar er bók um útsaumslistakonuna Guðrúnu Bergsdóttur. Guðrún var fædd árið 1970 og lést í janúar 2024. Hún var fædd með fötlun sem setti mark sitt á líf hennar en hindraði hana þó ekki í að gera einstök útsaumslistaverk þar sem flæða saman litir og form, sprottin úr hennar hugarheimi. Bókin inniheldur myndir af verkum Guðrúnar, auk greina um verk hennar og feril eftir Aðalstein Ingólfsson, Margréti M. Norðdahl og Eggert Pétursson. Harpa Björnsdóttir ritstýrði og Ármann Agnarsson hannaði.
Gleðileikurinn djöfullegi
1.490 kr.Húrra! Magnað! Loksins gleðileikur
um lífið í Reykjavík, stórbrotin atvik á börum
í miðbænum, þar sem logar af lífi kveikur
og skylmst er á götum, því skynsemin er á förum!
Rökkrið fer yfir, allt er á leið til fjandans,
alþingismenn verða orðlausir fyrir svörum
og upp að nýju synir og dætur landans
rísa frá dauðum og neista næturbál.
Mussju, nostalgískt ungskáld, leitar andans
og ástarinnar sem hvarf, og segir: Skál!
í slagtogi við Dauðann, Kafka og Krist,
Birgittu Haukdal, Harry Potter og Njál,
Foucault, Satan og fleiri er af stakri list
koma við sögu í grátlegum gleðileik Íslands . . .
Stuldur
990 kr.Samastúlkan Elsa verður vitni að því þegar sænskur nágranni drepur hreindýrskálfinn hennar, Nástegallu. Maðurinn ógnar henni og hún þorir aldrei að segja frá; veit líka að það er tilgangslaust, lögreglan skiptir sér ekki af því þótt ofbeldismenn misþyrmi og ræni hreindýrum Samanna og grannar þeirra hæðast að þeim og menningu þeirra og leggja þá í einelti. Hún þekkir það úr skólanum og samfélaginu. Áratug síðar er Elsa fullorðin og farin að berjast gegn sívaxandi misrétti og lítilsvirðingu sem Samar verða fyrir en ekki síður fyrir eigin réttindum í feðraveldissamfélagi þar sem ungar konur eiga ekki sömu möguleika og bræður þeirra. Svo ákveður maðurinn sem drap Nástegallu að kenna Elsu lexíu og þá skellur fortíðin á henni eins og snjóflóð og hún tekur til sinna ráða.
Stuldur var valin bók ársins í Svíþjóð 2021, hlaut mikið lof og hefur verið seld til nítján landa. Höfundurinn, Ann-Helén Laestadius, er sjálf Sami og byggir söguna á raunverulegum atvikum. Hún hefur skrifað fjölda barna- og unglingabóka og hlotið verðlaun fyrir þær en Stuldur er fyrsta skáldsaga hennar fyrir fullorðna.
Ísak Harðarson þýddi.
Öreindirnar
1.290 kr.Á síðari hluta tuttugustu aldar búa í Frakklandi tveir hálfbræður, Michel og Bruno. Þeir hafa alist upp hvor í sínu lagi hjá ættingjum og á stofnunum því foreldrarnir voru uppteknir við að breyta heiminum og boða frjálsar ástir. Michel er afburða erfðavísindamaður, en Bruno er menntaskólakennari sem lifir hamslausu og örvæntingarfullu kynlífi. Dag einn tekur Michel sér leyfi frá störfum til að hugsa. Það verður til þess að framþróun mannkyns tekur nýja og óvænta stefnu.
Öreindirnar er ein berorðasta og magnaðasta skáldsaga síðari ára. Hér er á nýjan hátt teflt saman sögu tuttugustu aldar, kynlífi, líkamsdýrkun, vísindahyggju og heimspeki uns eftir stendur einstök mynd af lokaskeiði vestrænnar menningar, eftirmáli við heiminn sem við byggjum. Fáar sögur hafa vakið jafn miklar deilur og umtal á seinni árum, jafnt í heimalandi höfundar, Frakklandi, sem öðrum Evrópulöndum. Hún sló í gegn í Frakklandi þegar hún kom út haustið 1998 og vermdi efstu sæti metsölulista mánuðum saman.
Michel Houellebecq (f. 1958) er landbúnaðarverkfræðingur að mennt en starfaði um árabil í tölvudeild franska landbúnaðarráðuneytisins og síðan hjá franska þinginu, en hann hefur alfarið helgað sig ritstörfum undanfarin ár. Hann hefur sent frá sér ljóðabækur, geisladiska með ljóðalestri, ritgerðasöfn og þrjár skáldsögur. Hann hefur hlotið margvísleg verðlaun og viðurkenningar fyrir þessa skáldsögu og hún hefur verið þýdd á hartnær þrjátíu tungumál.
Friðrik Rafnsson þýddi.