M-samtöl: úrval
2.990 kr.Matthías Johannessen, ritstjóri Morgunblaðsins og skáld skrifaði mörg samtöl við valinkunna einstaklinga í blaðið. Margt af því var venjulegt fólk. Aldraðir sjómenn, hundrað ára konur í sveit, hestamaður eða bóndi, miðill eða kokkur, málari eða flugstjóri. Aðrir voru þjóðþekktir Steinn Steinarr, Halldór Laxness, Páll Ísólfsson, Kjarval. Sama hvort var Matthías sýndi öllum virðingu og hver og einn fékk að njóta sín á sinn hátt.
Í þessari bók birtist úrval 30 samtala sem Matthías skrifaði, flest á árunum frá 1960-70. Tvö hafa aldrei birst áður á bók.
Walden eða lífið í skóginum
5.790 kr.Meistaraverk eins merkasta höfundar og hugsuðar Norður-Ameríku. Þau málefni sem Thoreau voru hugleikin eiga ekki síður við nú á dögum, enda hefur Walden allt frá því verkið kom fyrst út árið 1854 veitt mönnum innblástur og verið uppspretta nýrra hugmynda. Nú í fyrsta sinn á íslensku, þegar 200 ár eru liðin frá fæðingu höfundarins.
Stormur
1.290 kr.Eyvindur Jónsson Stormur; gustmikill sagnamaður en lítill iðjumaður, er í forgrunni þessarar nýju og kraftmiklu samtímasögu. Að Eyvindi Stormi safnast alls konar lið; drykkjumenn, hippar, bissnessmenn, bókaútgefendur, landeyður og íslenskir námsmenn erlendis. Og fyrir eina jólavertíðina vantar bókaforlag litríkan höfund og vinunum verður hugsað til Storms …
Rétt eins og fyrri verkum tekst Einari frábærlega vel í þessari nýju sögu að lýsa tíðaranda og hugmyndum, um leið og hann skemmtir lesendum með svipmiklum persónum og kostulegum uppákomum.
Aldrei nema kona
1.290 kr.Aldrei nema kona er heimildaskáldsaga sem fylgir þremur ættliðum kvenna í Skagafirði á átjándu og nítjándu öld. Þetta eru fátækar konur og lífsbaráttan er hörð en með þrautseigju og æðruleysi tekst þeim að komast af þrátt fyrir hart árferði og harðneskjulegt samfélag.
Höfundurinn Sveinbjörg Sveinbjörnsdóttir var kennari í nær 40 ár. Í þessari sögu rekur hún æviferil langmæðgna sinna í Skagafirði og byggir þar á heimildum úr kirkjubókum, manntölum, æviskrám, dómabókum og ýmsum heimildum öðrum. Sögutíminn spannar meira en hundrað ár, frá miðri átjándu öld fram yfir miðja hina nítjándu.
Íslenzkir þjóðhættir
2.990 kr.Stórvirkið Íslenzkir þjóðhættir kom fyrst út árið 1934 og hlaut strax geysigóðar viðtökur. Þegar bókin var endurútgefin árið 1945 var fullyrt á bókarkápu að þar færi „…sú bók íslenzk sem tvímælalaust hefur hlotið bezta dóma“. Bókin hefur verið ófáanleg um nokkurt skeið, sem hefur verið til vansa.
Séra Jónas vann sannkallað afreksverk með skráningu þjóðháttanna samhliða öðrum tímafrekum störfum og verk hans hefur réttilega skipað virðingarsæti í íslenskri bókmenningu. Það er einkar læsilegt og skemmtilegt, lipurlega skrifað og höfðar til alls almennings. Jónasi sjálfum auðnaðist ekki að leggja lokahönd á verkið meðan hann lifði og það kom í hlut Einars Ól. Sveinssonar að búa verkið til prentunar og fylgja því úr hlaði með greinargóðum inngangi. Tryggvi Magnússon myndskreytti verkið af sínu kunna listfengi.
Sú útkoma sem nú kemur fyrir almenningssjónir telst 4. útgáfa verksins, en byggir á upprunalegu útgáfunni. Halldóra J. Rafnar, sonarsonardóttir séra Jónasar, fylgir þessari útgáfu úr hlaði með aðfararorðum.
Þessi merka bók séra Jónasar frá Hrafnagili er meðal hornsteinanna í íslenskri bókmenningu og kemur nú út í 4. útgáfu eftir að hafa verið ófáanleg um langt skeið. Íslenzkir þjóðhættir mörkuðu þáttaskil í þjóðfræðum hér á landi og bókin hefur staðist tímans tönn með einskærum glæsibrag, enda er hún afar skemmtileg aflestrar og stútfull af tímalausum fróðleik um líf forfeðra okkar. Fjölmargar og margrómaðar skýringarmyndir Tryggva Magnússonar prýða bókina.
Opna gefur út.
Gargantúi og Pantagrúll
3.990 kr.Gargantúi og Pantagrúll er eitt þekktasta skáldverk sem ritað hefur verið á franska tungu fyrr og síðar. Þetta er flokkur fimm skemmtisagna eftir munkinn, lækninn, húmoristann og mannvininn François Rabelais (1484-1553), en fyrir þetta verk hefur Rabelais löngum verið settur á stall með klassískum höfundum á borð við Shakespeare, Dante og Cervantes. Hugmyndaflugið og frásagnargleðin er slík að lesandinn sogast inn í frásögnina og lendir með persónunum í ótrúlegustu ævintýrum, tekur þátt í spaklegum vangaveltum um aðskiljanlegustu málefni og skemmtir sér konunglega. Hann kynnist þar fjölda skrautlegra persóna, m.a. risahjónunum Grandgussa og Gargamelu og syni þeirra, átvaglinu Pantagrúl, raunum Panúrgs í kvennamálum og ferðalögum hans til furðulegra staða. En að baki glettninni býr þekking, viska og snörp ádeila höfundar sem var fjölfróðari en flestir samtímamenn hans. Ádeila hans á valdapot, menntasnobb, vanahugsun og helgislepju hverskonar kom illa við kaunin á samtímamönnum hans, einkum valda- mönnum kóngs og kirkju. Allar götur síðan hafa menn skipst í tvö horn í afstöðunni til verka Rabelais. Enda eru verk hans háskaleg fyrir þá sem ekkert skopskyn hafa. Fyrir alla aðra eru þau veisla.
Adventus Domini
4.190 kr.Það lak úr hálsinum á höfuðlausum manninum. Vínrautt teppið framan við rúmið var gegndrepa af blóði, sem hafði einnig sprautast yfir á vegginn andspænis. Annars leit herbergið á hótelinu í miðbæ Þórshafnar bara friðsamlega út. Hér hafði greinilega ekki verið neinn bardagi. Bara hrein aftaka.
Stuttu fyrir jól hringir umboðsmaður stórmeistarans í Möltureglunni í Hannis Martinsson og biður hann að taka á móti sér á umferðarmiðstöðinni, þegar hann kemur til Þórshafnar. Frá því að Maltverjinn kemur til Færeyja og til jóla, fara undarlegir og ofbeldisfulli atburðir að gerasr á ýmsum stöðum landsins. Þræðir liggja aftur til krossriddaranna á Rhodos á 16. öld og til S/S Sauternes sem sökk í Fugleyjarfirði í desember 1941. Múrinn í Kirkjubæ gegnir einnig hlutverki.
Íslensk myndlist og fólkið sem ruddi brautina
2.990 kr.Í þessari fróðlegu og fallegu bók kynnumst við eldhugum sem héldu út í heim til að læra myndlist – þeim sem lögðu grunninn að íslenskri listasögu um og upp úr aldamótunum 1900 og fram eftir 20. öld. Þau höfðu áhrif á allt það listafólk sem fylgdi í kjölfarið og einnig okkur sem njótum myndlistarinnar; á söfnum, í skólum, undir berum himni eða á heimilum. Þetta er bók fyrir alla fjölskylduna.
Ég skapa – þess vegna er ég
1.990 kr.Þórbergur Þórðarson fjallaði mikið um sjálfan sig í sínum skrifum, en líka samferðafólk, hugmyndir samtímans, trúarbrögð og stjórnmál.
Mörk skáldskapar og ævisögu eru ekki glögg en stíllinn og listfengið í frásögninni hafa tryggt vinsældir bóka hans.
Soffía Auður Birgisdóttir hefur lengi rannsakað skrif Þórbergs. Ég skapa – þess vegna er ég er aðgengilegt rit um skrif þessa makalausa ritsnillings, Þórbergs Þórðarsonar. Bókin byggir á margra ára rannsóknum og er yfirgripsmikil heildarútekt á höfundarverki Þórbers.
