Ég heyrði ugluna kalla á mig
4.390 kr.Í Kingcome-byggð við norðvesturströnd Kanada hefur fólk búið öldum saman í sátt og samlyndi við náttúruna. En nútíminn hefur hafið innreið sína með tilheyrandi vandamálum og aldagamalt veiðimannasamfélagið á undir högg að sækja. Ungur prestur sest að í byggðinni og í samvistum við innfædda öðlast hann nýjan skilning á lífinu, ekki síst mætti kærleikans.
Fellihýsageymslan
4.990 kr.Eru krakkar skyldugir til að biðja fullorðna um aðstoð við allt sem er spennandi, skemmtilegt eða krefjandi?
Í Fellihýsageymslunni kynnumst við 6. bekkingunum og frændsystkinunum Þórunni og Santiago. Þau lenda í óvæntum aðstæðum og taka málin í sínar hendur og áður en langt um líður hafa þau spunnið lygavef sem erfitt er að vinda ofan af. Við tekur skrautlegt tímabil þar sem eini fasti punkturinn í tilverunni er sjónvarpsfréttaáhorf heima hjá ömmu og afa.
Hver opna inniheldur myndir. Til að gera textann læsilegri er hann í sans letri og skipt upp í tvo dálka, þá fylgir leshjálpari sem er spjald með glugga í miðjunni sem sýnir eingöngu eina setningu í einu og auðveldar lesanda að einbeita sér að þeim orðum er verið að lesa hverju sinni. Einnig tilvalið að nota þegar barn hlustar á fullorðinn lesa, til að barnið geti betur tengt hlustun við orðin á blaðsíðunum og greint samhengi.
Strákurinn sem las Jules Verne
4.390 kr.Ég tók upp bókina, sneri henni við og las nafnið Jules Verne og titilinn Grant skipstjóri og börn hans prentað gylltum stöfum á litaða kápumynd sem sýndi furðulegan leiðangur í undarlegu landslagi. „Hvar fékkstu þessa bók?“ spurði ég.
Strákurinn sem las Jules Verne er áhrifamikil söguleg skáldsaga sem gerist á Spáni á fimmta áratug síðustu aldar. Nino er níu ára gamall og elst upp í búðum Þjóðvarðliðsins í bænum Fuensanta de Martos. Sumarið 1947 kemur hinn dularfulli Pepe Portúgali til bæjarins og sest þar að í gamalli, yfirgefinni myllu. Pepe verður besti vinur hins veiklulega og lágvaxna Ninos.
Vinskapur þeirra og lestur bóka Jules Verne verður til þess að Nino fer að sjá skæruhernaðinn á heimaslóðum sínum undir forystu hins goðsagnakennda leiðtoga Cencerro í nýju ljósi. En Nino gætir þess vandlega að halda því fyrir sig hvers hann verður áskynja.
Við höfum alltaf átt heima í kastalanum
4.390 kr.Í þessari mögnuðu skáldsögu kynnumst við systrunum Merricat og Constance sem hefur verið útskúfað úr samfélagi þorpsbúa vegna skelfilegra atburða í fortíð þeirra. Þær lifa fábrotnu en hamingjuríku lífi á ættaróðali sínu í útjaðri þorpsins þar til tilveru þeira er ógnað af utanaðkomandi öflum.
Hrollvekjandi saga um múgæsingu, einangrun, ást og mannfyrirlitningu.
„Dulúðarfull og afar vel gerð saga.“ – The New York Times Book Review
Gunnhildur Jónatansdóttir íslenskaði.
Shirley Jackson (1916–1965) hefur stundum verið kölluð fánaberi gotneskra bókmennta. Áhrifa hennar gætir víða í verkum þekktra höfunda, svo sem Stephens King og Neils Gaiman. Ein bók hefur komið út eftir hana á íslensku, Líf á meðal villimanna í þýðingu Gyrðis Elíassonar. Við höfum alltaf átt heima í kastalanum er af mörgum talin hennar besta bók.
Gleði skipbrotanna
4.790 kr.Giuseppe Ungaretti (1888-1970) var eitt kunnasta ljóðskáld Ítala á liðinni öld. Með nýju og byltingarkenndu ljóðmáli tókst honum að tjá með einstökum hætti lífsreynslu fólks á umbrotatímum í Evrópu. Stíll hans er einfaldur, laus við mælskubrögð og ljóðin oftar en ekki stutt og hnitmiðuð, hlaðin merkingu með vísunum í ýmsar áttir.
Hér birtist í fyrsta sinn á íslensku úrval ljóða úr þekktasta verki hans Lallegria nær 100 árum eftir birtingu þess á frummálinu.
Nautnir
4.590 kr.Ljóðabálkur eftir Mario Bellatin.
Birta Ósmann Þórhallsdóttir útlagði á íslensku.
95 bls.
Nautnir eftir Mario Bellatin er kröftugur og stingandi ljóðabálkur þar sem hráblautur og gelaður raunveruleiki og yfirgengileg þráhyggja fyrir hreinleika renna saman á súrrealískan hátt í heimi þar sem hinir dauðu ráða ríkjum og ungur heimspekingur þráir að eignast heilagan hund.
Mario Bellatin er fæddur í Mexíkó árið 1960. Hann er talinn einn áhugaverðasti samtímahöfundur Rómönsku-Ameríku um þessar mundir. Bókina prýða einnig ljósmyndir eftir listamanninn Önnu Maggý.Bókin er riso-prentuð og handsaumauð á prentverkstæði Skriðu, eftir eftirspurn til þess að sporna gegn offramleiðslu og sóun.
Ariel
4.990 kr.Ljóðabók eftir Sylviu Plath.
Móheiður Hlíf Geirlaugsdóttir útlagði á íslensku.
155 bls.
Ariel eftir Sylviu Plath á 60 ára útgáfuafmæli í ár en bókin kom fyrst út árið 1965, tveimur árum eftir að hún lést aðeins þrítug að aldri. Sylvia er ein allra þekktasta skáldkona 20. aldarinnar. Bókin er tímamótaverk í menningarsögunni, þar sem Sylvía skoðar þemu eins og sjálfsmynd, mannlegt ástand og náttúruna. Líf hennar og dauðdagi hefur hlotið goðsagnakenndan blæ mikið til vegna þessarar kraftmiklu ljóðabókar.
Bókin er riso-prentuð og handsaumauð á prentverkstæði Skriðu, eftir eftirspurn til þess að sporna gegn offramleiðslu og sóun.
Dagatal
3.690 kr.Dagatal geymir níutíu og eina sögu á einföldu máli. Í stuttum og aðgengilegum frásögnum er dregin upp mynd af íslenskum veruleika allt árið um kring. Sögupersónur brjóta upp gráan hversdaginn með hátíðahöldum og fagna lífinu með rjómabollum, aprílgabbi, sjósundi, skötuveislu og sólbaði í snjókomu. Sögurnar varpa ljósi á fjölbreytileika mannlífsins, skilning og misskilning í samskiptum fólks og þau fjölmörgu tækifæri sem gefast til að gera sér glaðan dag.
Dagatal er sjálfstætt framhald af Árstíðum sem hefur notið mikilla vinsælda og verið kennd á ýmsum skólastigum á Íslandi sem og erlendis. Textarnir eru fjölbreyttir hvað varðar efnistök, form og stíl og flokkaðir eftir getustigi í samráði við sérfræðinga. Þar að auki fylgir viðauki með margskonar fróðleik um land og þjóð. Bókin nýtist jafnt til kennslu og yndislestrar.
Árstíðir
3.690 kr.Árstíðir geymir hundrað og eina sögu á einföldu máli. Í stuttum og aðgengilegum frásögnum er brugðið upp allskyns hliðum á íslenskum hversdagsleika. Sögupersónur læra nýja hluti, rækta vináttu, takast á við áskoranir og upplifa bæði gleði og sorg. Sögurnar varpa ljósi á margbreytileika mannlífsins og veita innsýn í gang árstíðanna í landi ljóss og myrkurs.
Þetta er fyrsta safn frumsaminna sagna ætlað þeim sem tileinka sér íslensku sem annað mál. Textarnir eru fjölbreyttir hvað varðar efnistök, form og stíl og flokkaðir eftir getustigi í samráði við sérfræðinga. Þar að auki fylgir viðauki með margskonar fróðleik um land og þjóð. Bókin nýtist jafnt við kennslu sem og til yndislestrar.
Dreymt bert
5.990 kr.Dreymt bert hefur að geyma prósaljóð og/eða örsögur sem áður hafa birst í bókum Þórarins Eldjárns.
Hér fá textarnir að viðra sig í nýju samhengi og í samspili við nýjar myndir eftir Ingu Maríu Brynjarsdóttur.
„Smáprósar Þórarins standa föstum fótum í raunveruleikanum og þurfa samt ekki á honum að halda; í þeirri þversögn blómstrar Þórarinn. Skemmtir þar sjálfum sér og lesendum“ segir Jón Kalman Stefánsson í káputexta.
Handbók fyrir ofurhetjur – Tíundi hluti: Allir ljúga
3.690 kr.Reyndu að segja alltaf sannleikann – en stundum má satt kyrrt liggja.
Lísa veit að þær Sandra geta ekki verið vinkonur lengur. Það er of hættulegt, Sandra er jú dóttir Wolfgangs, versta skúrks í sögu Rósahæðar! En þegar Sandra biður Rauðu grímuna um að hjálpa sér að fá að heimsækja pabba sinn í fangelsið getur Lísa ekki neitað. Börn verða að fá að hitta foreldra sína og Wolfgangs er vel gætt þannig að ekkert getur farið úrskeiðis. Eða hvað?
Handbók fyrir ofurhetjur hefur slegið í gegn á Íslandi, í Svíþjóð og víðar. Þetta er tíundi hluti sögunnar um Rauðu grímuna og vini hennar.
Hjartastopp #5
4.290 kr.Enginn skrifar um unglinga eins og Alice Oseman. Persónurnar eru raunverulegar og hún fer mjúkum höndum um vandamál þeirra: sambönd, kynlíf, samskipti við fjölskylduna, geðræn vandamál – öll umfjöllun hennar einkennist af virðingu og hlýju. #5 er fyndin, rómantísk og full af jákvæðni. Fullkomin bók fyrir táninginn í lífi þínu.
The Observer
Morð og messufall
4.690 kr.Sif hefur einföld markmið í lífinu. Hún vill bara halda foreldrum sínum á – eða að minnsta kosti nálægt – mottunni og hreppa prestsembætti svo hún geti tryggt syni sínum örugga framtíð. Fyrsta atvinnuviðtalið eftir útskriftina úr guðfræðinni endar þó með ósköpum þegar þau séra Reynir ganga fram á lík í altariströppunum. Í óðagotinu sem fylgir er Sif ráðin í tímabundið starf kirkjuvarðar og einsetur sér að sanna sig svo hún hljóti prestsvígslu í kjölfarið. En organistinn er hættur, bókhaldið í óreiðu og í ofan á lag virðist piltur úr ungmennastarfinu vera horfinn sporlaust. Hvað í ósköpunum var hinn látni, Kormákur Austfjörð, sérlegur aðstoðarmaður Reynis, að bralla á elliheimili hverfisins? Og hversu mörg boðorð er eiginlega hægt að brjóta í einni og sömu kirkjunni?
Morð og messufall er sprenghlægileg glæpasaga, full af eftirminnilegum persónum og óviðjafnanlegum uppákomum. Arndís Þórarinsdóttir og Hulda Sigrún Bjarnadóttir hafa getið sér gott orð sem barnabókahöfundar og hlotið fjölda viðurkenninga fyrir verk sín innanlands og utan en þetta er fyrsta bók þeirra fyrir fullorðna.
Dúkkuverksmiðjan
4.690 kr.Stína og Grímur láta drauminn rætast og opna veitingastað í afskekktum firði fyrir vestan. Brátt er Dúkkuverksmiðjan orðin hjarta Salteyrar og það eina sem skyggir á gleðina er barnleysið. Þegar dóttirin langþráða loksins birtist reynir hún mjög á ástríka foreldrana, enda er stúlkan eins og lítill hvirfilbylur; eirðarlaus, uppátækjasöm og þjökuð af martröðum.
Milla litla og Reynir besti vinur hennar vaxa úr grasi í öruggum faðmi þorpsins umkringd himinháum fjöllum og óblíðum náttúruöflum. Samband þeirra er afar náið en þegar þau stálpast kemst ástin í spilið og flækir málin svo um munar. En úr fjarlægð fylgist dularfullur maður með Millu og lúrir á leyndarmáli sem mun umturna öllu.
Júlía Margrét Einarsdóttir er sögumaður af guðs náð, í senn smellin og einstaklega næm á mannfólkið í öllum sínum breyskleika. Í þessari þriðju skáldsögu sinni færir hún okkur heilt þorp – segir sögu íbúanna á hlýlegan og nostalgískan hátt án þess að gefa nokkurn afslátt af stóru spurningunum um ástina, lífið og dauðann.
Herbergi í öðrum heimi & Sápufuglinn
4.690 kr.„Tími er efni sem verður til á svo miklu dýpi innra með manneskju að það er ekki hægt að skilja hann til fullnustu.“
Smásagnasöfnin Herbergi í öðrum heimi og Sápufuglinn slógu eftirminnilega í gegn þegar þau komu fyrst út, en sú síðarnefnda fékk sérstaka viðurkenningu Bókmenntaverðlauna Evrópusambandsins 2024. Hér eru allar sögurnar samankomnar í eina bók.
Sögur Maríu Elísabetar koma róti á huga lesanda og einkennast af djúpu innsæi, húmor og hugmyndaauðgi. Hún skrifar af öryggi um valdadýnamík í samböndum, flókna kynverund og dularfulla þrá fólks eftir því sem það getur ekki fengið.
Marginalía
4.390 kr.Mörgum árum eftir að leiðir þeirra skildu hittast íslenskufræðingurinn Styrkár og blaðakonan Garún í Eddu, nýju heimili handritanna og húsi íslenskunnar.
Ljós flökta, hurðir opnast og lokast án sýnilegrar ástæðu og ógnandi nærvera gerir vart við sig. Skyndilega eru Styrkár og Garún læst inni og verða að vinna saman til að komast aftur út. Áður en hryllingurinn nær yfirhöndinni þurfa þau að horfast í augu við fortíðardraug sem þau töldu sig hafa kveðið niður fyrir fullt og allt.
Höfundar: Áslaug Ýr Hjartardóttir, Unnar Ingi Sæmundsson, Katrín Mixa og Vala Hauksdóttir.
Ritstjórar: Anna Margrét Bragadóttir, Elías Rúni Þorsteins og Fjóla K. Guðmundsdóttir
Bókin er samstarfsverkefni nemenda í ritlist Hagnýtri ritstjórn og útgáfu við Háskóla Íslands.
Áður en ég brjálast – Játningar á miðjunni
4.390 kr.Kona á miðjum aldri flytur til Kalima þar sem ryk og sandur frá Sahara þyrlast um. Heimsmyndin er að molna og hún raðar saman minningarbrotum sem hafa umbreytt tilverunni. Dimmblár drykkfelldur hestur verður á vegi hennar og fylgir áleiðis að hvörfum.
Bókin er feminískt skáldverk um ástir, ólík breytingaferli og lífsreynslu róttækrar móður sem leitar heim í skáldskapinn þar sem goðsagnaverur vappa um. Úr verður mósaík minninga, áleitin samtímasaga sem er full af óslökkvandi ævintýraþrá, næmi og tragikómískum galsa.
Við tölum ekki um þetta
4.390 kr.Gríðarlega áhrifarík, hugrökk, erfið og átakanleg saga andspænis hinu versta sem getur gerst.
Hér vefur Alejandro Palomas kyrrlátan og rafmagnaðan þráð svo úr verður saga sem rekur erfiðar bernskuminningar, einstakt samband hans við móður sína, skugga ósýnilegs föður og óheft ímyndunaraflið. Þetta er einlægur vitnisburður manns sem valdi að lifa – þökk sé ástríðu hans fyrir að skrifa sögur. Af blaðsíðunum stafar blíðu og kímni, trega og ást.
Skáldskapurinn gerði honum kleift að skapa ímyndaða veröld sem var betri en myrkrið sem umlukti hann og í gegnum árin hefur þessi skáldskapur hjálpað honum að finna orðin til að segja frá sannleikanum – öllum sannleikanum.
„Og sannleikurinn er sá að án allra þessara kvenna í lífi mínu hefði ég líklega ekki faðmað aftur.“
Algerlega mögnuð bók
