Það sem sannara reynist
1.990 kr.Eitt síðasta verkefni Svavars Gestssonar á löngum starfsferli var formennska í embættismannanefnd sem samdi um Icesave reikninga í Bretlandi og Hollandi eftir bankahrundið á Íslandi. Þeir samningar voru samþykkir á Alþingi og forseti Íslands undirritaði lögin. Bretar og Hollendingar höfnuðu hins vegar niðurstöðu Alþingis og fyrirvörum sem það hafði sett. Í framhaldi voru gerðir nýir samningar sem samþykktir voru á Alþingi en hafnað í þjóðaratkvæðagreiðslum 2010. Deilur um samningana urðu eldheitar og þar voru stór orð látin falla. Sumt forystufólk á pólitíska sviðinu sá í þeim tækifæri og kynti undir átökin. Í þessari bók rekur Svavar málið eins og það blasti við honum.
Babúska
990 kr.Unglingsstúlka verður fyrir bíl fyrir framan Þjóðleikhúsið og lætur lífið. Eina vitnið að þessum atburði er Svetlana, rússneskur bókmenntafræðingur sem skúrar gólfin í Arnarhvoli. Hún hjólar burt grunlaus um þær skelfingar sem af þessu hljótast. Norður í Urriðavík stendur öll sveitin á öndinni vegna dularfullra morða og reimleika. Birta var fjórtán ára niðursetningur sem hengdi sig úti í fjósi fyrir hundrað árum. Hún gengur nú aftur og er kennt um voðaverkin. Hvernig tengjast þessi mál?
Hallveig Thorlacius leysir gátuna í grípandi og spennandi frásögn sem er ekki laus við gráglettni og þjóðfélagsgagnrýni.
Mr. Awkward Show Present: Mr. Poser
7.490 kr.Anton Lyngdal sem gengur undir listamannanafninu Mr. Awkward show gefur út ljósmyndabók um Mr. Poser.
Mr. Poser er tískukóngur og sérlegur áhugamaður um vegglistasenuna á Íslandi. Hann á sér uppáhalds vegglistamann sem er einn sá stærsti og afkastamesti í senunni hér á landi, þ.e. Opes_vs_Vato. Í bókinni ferðast Mr. Poser um Höfuðborgarsvæðið og stillir sér upp í sínum bestu klæðum við vegglistaverk eftir Opes_vs_Vato.
Mr. Poser er einn af karakterum Antons sem vaknar til lífsins fyrir framan myndavélina, enda líður Mr. Poser best í sviðsljósinu og er handviss um að hann ætti heima á tískusýningunum í París.
Áttaskil – Ljóð og lausavísur
4.890 kr.Hér birtast ljóð og lausavísur úr fórum skáldsins og kvæðakonunnar góðkunnu, en þar eru náttúruljóð í fyrirrúmi þótt ýmislegt annað komi við sögu. Í eftirmála segir Ragnar Ingi Aðalsteinsson frá Vaðbrekku m.a.: Þegar ljóð hennar eru lesin er eins og landið Ísland, með öllum sínum dyntum, veðurfarssveiflum og skapbrigðum hafi valið hana til að túlka sjónarmið sín.
Kína frá fyrri öld – China Before
8.490 kr.Unnur Guðjónsdóttir rak um árabil ferðaskrifstofu sem sérhæfði sig í ferðum til Kína. Hún tók snemma ástfóstri við þetta stóra og mikla land, með „teljandi“ íbúum, og árunum 1983 og 1992 tók hún þar mikið magn mynda, sem finna má í þessari einstöku bók, sem sýnir okkur Kína frá síðustu öld, en margt hefur nú breyst þar og því nauðsynlegt að varðveita gamla tímann eins og kostur er.
Mynd örlaganna
1.290 kr.Isabel Allende hefur nú skrifað sjálfstætt framhald hinnar geysivinsælu sögu, Dóttir gæfunnar, og myndar þá þessi bók miðsöguna í þríleik sem endar á Húsi andanna, fyrstu bók Allende. Sú sem hér segir frá er Aurora del Valle, barnabarn Elísu Sommers og hins kínverska læknis Taos Chi’en. Sagan gerist bæði í San Francisco og Chile og við sögu koma meðal annarra undurfögur en ógæfusöm móðir Auroru, gerspilltur og lífsleiður faðir hennar, stórbrotin föðuramma og í fyllingu tímans eiginmaður sem býr yfir leyndarmáli og er þá fátt eitt talið af litríkum persónum sem fylla hér blaðsíðurnar eins og í fyrri bókum höfundar. Hér er sögð margþætt saga af stórbrotnum örlögum, ósviknum ástríðum og spaugilegum atvikum með samblandi af heitri samúð og stríðnisbliki í auga. Kolbrún Sveinsdóttir þýddi.
KRANT – 1. tölublað
990 kr.Krant.is er einföld og aðgengileg bloggsíða sem allir geta tekið þátt í. Á síðunni verða engar auglýsingar, engir óþarfa flipar, ekkert kommenntakerfi og engir persónulegir aðgangar, aðeins sköpunargleði. Fólk er beðið um að senda færslur á tölvupóstnetfangið okkar en færslurnar mega vera hvað sem er: skoðanapistlar, ljósmyndir, skapandi skrif, hugleiðingar, skemmtilegar staðreyndir, spurningaþrautir, menningargagnrýni eða hvað sem höfundum dettur í hug. Færslurnar geta verið eins langar og stuttar og höfundur vill, þær mega vera nafnlausar, undir dulnefni eða undir eiginnafni. Eina ritskoðun af okkar hálfu er ef um hatursorðræðu sé að ræða.
Seiglazine
1.800 kr.Seiglazine er árlegt tímarit gefið út í tengslum við tónlistarhátíðina Seiglu, sem fer fram í Hörpu aðra helgina í ágúst á hverju ári. Þetta er fyrsta tölublað ritsins en það kemur út í ágúst á hverju ári.
Í ritinu má finna aðsendar greinar, smásögur, ljóð, myndir og teikningar, hugleiðingar, slúður, verkalista og ýmislegt fleira sem barst ritinu í opnu kalli fyrr á árinu, og auk þess er þar að finna hátíðardagskrá Seiglu og upplýsingar um viðburði og flytjendur hátíðarinnar.
Höfundar efnis eru Ásta Kristín Pjetursdóttir, Edda Oskars, Erna Vala Arnardóttir, Guja Sandholt, Hlín Pétursdóttir Behrens, Kristín Einarsdóttir Mäntylä, Lee Marable, Þórgunnur Anna Örnólfsdóttir, Zygmund de Somogyi.
Vaxtarræktarkonan einmana
4.390 kr.Frumlegar smásögur úr japönskum samtíma sem fjalla um tengsl og samskipti á óvæntan hátt. Sögupersónurnar takast á við hið gróteska, framandi og ævintýralega í hversdeginum og frelsast úr viðjum vanans.
Yukiko Motoya (f. 1979) er ein ferskasta rödd japanskra samtímabókmennta. Hún skrifar skáldverk og leikrit og stýrir eigin leikfélagi, auk þess sem gerðar hafa verið kvikmyndir eftir verkum hennar. Motoya hefur unnið til virtra bókmennta- og leiklistarverðlauna í heimalandi sínu.
Flóra
5.990 kr.Flóra geymir myndir af flestöllum tegundum íslenskra blómplantna og byrkninga, alls um 460. Hér er megináherslan á að sýna plönturnar sjálfar, fegurð þeirra og sérkenni, fremur en vistfræði, útbreiðslu og flokkunarfræði – því hlutverki gegna fjölmörg önnur verk. Langflestar myndanna eru gerðar eftir lifandi eintökum en annars byggt á bestu heimildum sem völ er á til að gefa sem sannferðugasta mynd af hverri tegund auk þess sem ýmis einkenni eru dregin fram.
Myndir listamannsins Jóns Baldurs Hlíðberg af íslenskri náttúru, dýrum og foldarskarti, eru löngu kunnar hér á landi auk þess að hafa birst víða erlendis og hlotið þar margháttaða viðurkenningu.
Fátt jafnast á við að njóta skrúðs og fjölbreytileika blómanna í náttúrunni sjálfri en þegar því verður ekki við komið er gott að geta notið þeirra í myndasafni eins og því sem hér birtist.
Jarðtengd norðurljós
4.590 kr.Jarðtengd norðurljós inniheldur áður óbirt ljóð af ýmsu tagi, óbundin, háttbundin og yrkisefnin fjölbreytileg.
Eldri konur
4.590 kr.Ég hef alltaf verið rótlaus og vannærð. Þegar ég kynntist áfengi fannst mér eins og ég væri gróðursett í sólríkan lund. Tilveran fékk á sig fagurgulan blæ eins og horft væri gegnum litað gler. Allt varð bærilegra. Fljótlega fór ég þó út í harðara efni.
Efnið mitt gerir mig heila, fyllir mig krafti, lífi, fær mig til að engjast um af fráhvörfum og þráhyggju, lemja, slá, fær mig umsvifalaust til að steypa mér í glötun.
Efnið mitt er eldri konur.
Ung kona gefur rapport af þráhyggju sinni fyrir eldri konum og rekur líf sitt frá barnæsku til fullorðinsára gegnum frásagnir af konum sem hafa heltekið hana.
Eldri konur er röntgenmynd af ástandi. Við kynnumst konunni með ólíkum brotum af sögu hennar, uppvexti í flóknum heimilisaðstæðum, mismunandi vinnustöðum, vináttu, ástum, sigrum og ósigrum.
Himintungl yfir heimsins ystu brún (kilja)
4.590 kr.Hvort er mikilvægara, að segja sannleikann eða vernda þá sem maður elskar? Árið er 1615, og veröldin er gengin úr lagi, því jörðin er ekki lengur miðdepill alheimsins. Presturinn Pétur á Meyjarhóli skrifar bréf – eða skýrslu, jafnvel ákæruskjal – til að henda reiður á atburðum sem hafa skekið sveitina á Brúnasandi og kippt stoðum undan tilveru hans og ástvina hans.
Himintungl yfir heimsins ystu brún er saga sem talar til samtímans aftan úr öldum, um ástina, mennskuna og ábyrgðina sem við berum hvert á öðru. Hún dregur upp ljóslifandi mynd af opinni, forvitinni og ástríðufullri öld, þar sem ný vísindi takast á við trúna, og penninn er beittari en sverðið.
Jón Kalman Stefánsson er fæddur árið 1963. Himintungl yfir heimsins ystu brún er hans fimmtánda skáldsaga. Fjarvera þín er myrkur (2020) hlaut virt frönsk verðlaun LePoint og France Inter sem besta þýdda skáldsagan vorið 2022. Jón Kalman hlaut Íslensku bókmenntaverðlaunin árið 2005 fyrir Sumarljós, og svo kemur nóttin.
Bækur hans hafa verið þýddar á yfir 30 tungumál.
Óbærilegur léttleiki tilverunnar
1.290 kr.Hvað gerir maður þegar fallega þjónustustustúlkan á hótelinu úti á landi stendur allt í einu á tröppunum hjá honum í borginni með hafurtask sitt og er bara komin…? Tómas er góður læknir og ennþá betri kvennamaður og ákveður að hleypa hinni ástföngnu Teresu inn í líf sitt. En framhaldið er ekki á hans valdi – þau eru leiksoppar sögunnar, fórnarlömb ytri afla eins og heimaland þeirra, Tékkóslóvakía. Örlög þess í greipum grannans í austri fléttast óviðráðanlega saman við örlög persóna bókarinnar. Samt er þetta engin harmsaga: Óbærilegur léttleiki tilverunnar er full af óvæntri gamansemi og lýsir samhengi stjórnmála, kynlífs og dauða með grátbroslegum hætti. Léttleiki frásagnarinnar og frelsi draumsins verður athvarf mannshugans andspænis óbærilegum lögmálum sögunnar.
Friðrik Rafnsson íslenskaði.
Sagan af Ara Fróðasyni og Hugborgu konu hans
1.290 kr.Þetta er saga af nokkrum framsæknum nútíma Íslendingum sem lenda í ýmsum ævintýrum en bjargast úr hverjum háska með þjóðlegu hugviti og hreysti.
Langt er síðan Guðbergur Bergsson skipaði sér í röð allra fremstu rithöfunda þjóðarinnar, og verk hans hafa notið mikillar hylli. Þessi bók er nýr sproti á þeim meiði. Persónurnar hafa ekki birst áður í bókum Guðbergs og stíllinn er nýr. Spurning er hvort skáldgáfa hans nýtur sín ekki einmitt best í þeim ærsla- og fjarstæðustíl sem hér er að finna.
Öll í hóp á einum sóp
3.990 kr.Kötturinn malaði, kerlingin söng,
á kústi í rokinu ferðin var löng.Norn og köttur fljúga saman á töfrasóp um loftin blá – og þar er nóg pláss fyrir vinalegan hund, frosk og fugl sem vilja vera með. En þegar glorhungraður dreki birtist skyndilega verða nornin og vinir hennar að grípa til sinna ráða.
Öll í hóp á einum sóp er þriðja bók metsöluhöfundanna Juliu Donaldson og Axels Scheffler sem kemur út á íslensku en bæði Greppikló og Greppibarnið hafa átt miklum vinsældum að fagna meðal íslenskra barna. Sigríður Ásta Árnadóttir þýddi.
Greppibarnið
4.990 kr.„Engin Greppikló má,“ sagði Greppikló, „gera sér ferð inn í Dimmaskóg . . . “
Greppiklóin er ekki búin að gleyma músinni ógurlegu sem gabbaði hana eitt sinn og því harðbannar hún Greppibarninu að fara inn í skóginn. En Greppibarnið óttast ekki neitt og eina dimma vetrarnótt læðist það frá mömmu sinni.
Greppibarnið, í vandaðri þýðingu Þórarins Eldjárns, er nú loks fáanleg að nýju. Því fagna börn á öllum aldri, sérstaklega þau sem bæði eru hugdjörf og heimakær.
Greppikló
4.990 kr.,,Greppikló? Hvað er greppikló? Hva, greppikló! Það veistu þó!“
Þetta segir litla músin við refinn, ugluna og slönguna sem hún mætir á göngu sinni um skóginn. Þau verða hrædd og þjóta burt þótt músin viti vel að ekki sé til nein greppikló. Og þó …
Greppikló, í vandaðri þýðingu Þórarins Eldjárns, hefur notið gífurlegra vinsælda meðal barna á öllum aldri, sérstaklega þeirra sem óttast hið ókunna.
Loforðið
4.690 kr.Ásta og Eyvör. Eyvör og Ásta. Þær voru alltaf saman. Þær voru óaðskiljanlegar og ef einhver nefndi nafn annarrar fylgdi hitt iðulega á eftir. Svona hefur þetta alltaf verið en nú er það búið. Eyvör er farin. Hún er dáin og samt var hún bara nýorðin tólf ára.
Loforðið var valin besta sagan í samkeppninni um Íslensku barnabókaverðlaunin 2007. Að mati dómnefndar lýsir hún á einstæðan hátt þeim tilfinningum sem bærast með ellefu ára gamalli stelpu sem verður fyrir því að missa bestu vinkonu sína. Sagt er frá vináttu stelpnanna, áfallinu og söknuðinum, og síðast en ekki síst litla skrýtna lyklinum og loforðinu sem Ásta gefur vinkonu sinni og sver við leynistaðinn að standa við. Loforðið er áhrifarík og spennandi saga sem lætur engan ósnortinn.