Pómeló vex úr grasi
3.390 kr.Pómeló er lítill fíll með óvenjulangan rana sem uppgötvar að hann hefur stækkað. Breytingin færir honum gleði og kraft en vekur líka margar spurningar. Hvað ef hann vex ekki allur jafnt og getur hann orðið of STÓR? Sjálfstætt framhald af bókinni Pómeó líður vel undir biðukollunni.
Stund hanans
3.990 kr.Dag einn kemur Pétur heim með pappakassa sem í reynist vera hani. Hænurnar á bænum sjá ekki sólina fyrir honum en Brandur skilur ekkert í öllu fjaðrafokinu enda aldrei, ekki í eitt sekúndubrot, þurft á hana að halda. Lífið á bænum tekur miklum stakkaskiptum. Brandur fær ekki lengur að stríða hænunum og þarf að þola stanslaust hanagal alla daga.
Þessi tímalausa bók eftir verðlaunahöfundinn Sven Nordqvist er fullkomin fyrir börn og fullorðna til að njóta saman.
Jólagestir hjá Pétri
4.390 kr.Á litlum bæ í sænskri sveit er runninn upp Þorláksmessudagur og í nógu að snúast. Pétur á eftir að kaupa inn fyrir jólin en fyrst þarf að moka snjó. Síðan á eftir að höggva jólatréð, skúra eldhúsgólfið, baka piparkökur og finna jólaskrautið. En hvaða ansans vandræði eru þetta? Pétur verður fyrir slysi á versta tíma og kötturinn Brandur sér ekki fram á annað en gulrætur, kartöflur og sild í jólamatinn. Allt stefnir í heldur gleðisnauð jól hjá þeim félögum.
Hvíti ásinn
5.890 kr.Það er fátt venjulegt við Iðunni sem býr í felum og lítur ekki út eins og aðrir unglingar. En það er líka fátt venjulegt við hvernig heimurinn er orðinn. Þegar Iðunn flytur á Himinbjörg eftir óvænta atburðarás breytist líf hennar svo um munar. Hún sér í hillingum að fá loks að tilheyra umheiminum en í ljós kemur að ekki er allt sem sýnist í Vígisfirði og líf hennar á eftir að taka allt aðra stefnu en hún heldur.
Hvíti ásinn er fyrsta bók Jóhönnu Sveinsdóttur. Í bókinni fléttast heimur ása og vætta saman við framtíðina á spennandi og ævintýralegan hátt.
Þegar Egill hitti tröllin Úr og Búr og fór með þeim til Feneyja
4.690 kr.Bókin segir frá því þegar íslenski myndlistar- og tónlistarmaðurinn Egill Sæbjörnsson vingaðist við tröllin Úr & Búr. Í stað þess að borða Egil, eins og flest annað mannfólk, fóru þau að herma eftir honum að búa til list og tóku svo yfir þegar Egill átti að koma fram fyrir hönd Íslands á Feneyjatvíæringnum 2017.
Í sköpunarverkum Egils er leikgleðin gjarnan umlykjandi. Samspil efnisheims og alheimsvitundar spretta fram í formi tónlistar, innsetninga, lifandi skúlptúra og ímyndaðra vina.
Í heimi sem er leynt og ljóst stjórnað af ýmsum öflum, sakleysislegum eða háalvarlegum, eru ímyndaðir vinir Egils, Úr og Búr, kannski undanþegin. Þeim eru fá takmörk sett.
Egill fékk innblástur til að þýða bókina á íslensku í kjölfar einkasýningar hans Egill Sæbjörnsson og óendanlegir vinir alheimsins á Listasafni Island 2023 – 2024. Á þessari sýningu bauð Egill óendanlega mörgum ímynduðum vinum sínum að taka þátt í samveru í hinum endalausa leikherbergi listarinnar sem sló í gegn hjá yngri áhorfendum á Íslandi.
Inni
2.990 kr.Bendibækur eru fyrstu bækur barnsins og tengja saman hlut, orð og mynd. Þær þurfa því að endurspegla það umhverfi sem barnið er að átta sig á. Lestur í hlýju fangi eflir málþroska og skapar notalegar gæðastundir sem barn og lesandi njóta saman. Myndefni litskrúðugra og einfaldra klippimynda Ragnheiðar Gestsdóttur í bókunum Inni og Úti er sótt í hversdagslegt íslenskt umhverfi þar sem kúrt er inni og lesið með bangsa, sandurinn í sandkassanum er svartur og nauðsynlegt er að hafa húfu á höfði þegar farið er út! 
Úti
2.990 kr.Bendibækur eru fyrstu bækur barnsins og tengja saman hlut, orð og mynd. Þær þurfa því að endurspegla það umhverfi sem barnið er að átta sig á. Lestur í hlýju fangi eflir málþroska og skapar notalegar gæðastundir sem barn og lesandi njóta saman. Myndefni litskrúðugra og einfaldra klippimynda Ragnheiðar Gestsdóttur í bókunum Inni og Úti er sótt í hversdagslegt íslenskt umhverfi þar sem kúrt er inni og lesið með bangsa, sandurinn í sandkassanum er svartur og nauðsynlegt er að hafa húfu á höfði þegar farið er út! 
Til hamingju með að vera mannleg
5.190 kr.Til hamingju með að vera mannleg er kröftug og falleg, fyndin og átakanleg ástarjátning til lífsins eftir dansarann og danshöfundinn Sigríði Soffíu Níelsdóttur. Ljóðin skrifaði hún á meðan hún gekk í gegnum krabbameinsmeðferð í heimsfaraldri. Vorið 2023 var frumsýnt dansleikverk með sama nafni á stóra sviði Þjóðleikhússins, byggt á textum hennar.
Stórkostlega sumarnámskeiðið
5.590 kr.Pabbi hefur steingleymt að skrá Pétur á sumarnámskeið en Stefanía bjargar því og stofnar til sérsniðins námskeiðs fyrir vin sinn. Og þar með upphefst fjörugt sumar þar sem við sögu koma andsetin töfraþvottavél, vöffluturn, óútreiknanlegir ullarsokkar og rammskakkur leynikofi.
Sögur Tómasar Zoëga og Sólrúnar Ylfu Ingimarsdóttur um þau Pétur og Stefaníu eru óborganlega skemmtilegar og hafa hlotið ýmsar viðurkenningar. Þar á meðal eru tilnefningar til Barna- og unglingabókaverðlauna Norðurlandaráðs og Barnabókaverðlauna Reykjavíkurborgar. Þetta er þriðja sagan um vinina uppátækjasömu, ætluð lesendum á aldrinum 6–10 ára.
Bókin er upplögð fyrir þau sem eru farin að lesa sjálf, letrið er þægilegt og hver opna með skemmtilegum litmyndum.
Álfheimar 4: Gyðjan
4.990 kr.Konáll, Soffía, Pétur og Dagný hafa verið krýnd konungar í heimi álfanna. Konáll er alsæll í nýju hlutverki þótt hann kæri sig lítið um þær áskoranir sem starfinu fylgja. Fljótlega verða þau vör við ill öfl sem ef til vill hafa slæðst úr öðrum heimum. Auk heldur vofir yfir möguleikinn að hin ógurlega ófreskja Vritra losni úr álögum og þá er bæði konungsríkinu og heiminum hætt. Hvað hyggst galdrameistarinn Mestiok fyrir með ungmennin fjögur? Tekst þeim að rækta vináttuna í hvaða aðstæðumsem er? Og hvað er eiginlega Vritra?
Ófreskjan er þriðja bók af fjórum um fjögur ungmenni í heimi álfanna eftir prófessor Ármann Jakobsson en áður hafa komið út Bróðirinn og Risinn. Í bókaflokknum er tekist á við álfatrú á nýstárlegan og spennandi hátt.