Þú kemst ekki nær
6.690 kr.Þú kemst ekki nær er ljóðræn og marglaga saga um uppvöxt, ást, missi og einsemd. Minningar og smáatriði hversdagsins fléttast saman í áhrifamikla frásögn þar sem húmor og tregi, barnsleg undrun og tilvistarleg þreyta mætast. Sögumaðurinn leiðir lesandann í gegnum ævi sína fulla af ósögðum tilfinningum og hversdagslegum ævintýrum.
Þetta er saga um að rata eða týnast í sjálfu lífinu. Saga um að elska, missa, hlæja og þegja. Fjölskyldan birtist í allri sinni ófullkomnu fegurð og tilvera sögumannsins verður að spegli okkar eigin sögu. Við kynnumst fyrstu ástinni og leyndu sambandi sem logar á jaðri þess leyfilega. Í gegnum brotakenndar minningar af móður, systur, afa, ömmu og síðar eiginkonu sinni, birtist ævi sögumans þar sem hann leitar að tengslum, festu og merkingu í síbreytilegum heimi.
Með næmu auga fyrir hversdagslegri fegurð og óstöðugleika tilverunnar dregur höfundur upp myndrænan, hlýjan og líflegan heim þar sem hlátur og sorg búa hlið við hlið. Frásögnin einkennist af innsæi, djúpum skilningi á mannlegu eðli og stílfærðri notkun smáatriða sem öðlast líf og merkingu langt umfram eigið vægi.
ERODE
4.390 kr.ERODE is Biswamit Dwibedy’s fourth full-length collection of poetry and brings together his first out-of-print book, Ozalid, and the expansion and continuation of that work into Erode. As a single collection, these sequences unfold in movements of erasure and collage. What emerges is a poetics of accumulation and subtraction, a method of excavation that reveals the personal buried within the communal, the lyric submerged in the residual. If erasure is a form of attention, then ERODE listens acutely—to language, to silence, to the faint signal of the other. With a sensibility both spare and lush, ERODE traces the shifting terrain of meaning, where fragments flare into wholeness and then dissolve again.
Doris deyr
1.290 kr.Með Doris deyr kveður Kristín Eiríksdóttir sér hljóðs á eftirminnilegan hátt og smeygir sér af lipurð milli heims og orða. Hér getur að líta manneskjur í allri sinni fegurð og grimmd sem elska, reiðast, harma og vita að mennskan er ekki einungis brothætt heldur líka ósigrandi!
Kristín Eiríksdóttir er í hópi okkar athyglisverðustu ungu höfunda. Sögurnar í þessu fyrsta smásagnasafni hennar eru skrifaðar af næmi og ímyndunarafli og eru í senn vægðarlausar og ríkar af samúð.
Þegar sannleikurinn sefur
2.990 kr.Bergþóra, húsfreyja í Hvömmum, er nýlega orðin ekkja. Eftir rúmlega tuttugu ára hjónaband með mun eldri manni er hún loksins frjáls, stýrir búinu eftir eigin hyggjuviti og nýtur þess að ráða sér sjálf.
Þegar ung vinnukona finnst látin á lækjarbakka í nágrenni Hvamma áttar Bergþóra sig fljótlega á því að henni hafi verið drekkt. Einhvers staðar leynist morðinginn og brátt berast böndin að mági Bergþóru, stórbokkanum og skaphundinum Þorgeiri Hjálmarssyni. Þegar sýslumaðurinn tekur að yfirheyra vitni og grunaða verður þó fljótlega ljóst að flestir hafa eitthvað að fela – ekki síst Bergþóra sjálf.
Þegar sannleikurinn sefur er leyndardómsfull glæpasaga þar sem dregin er upp ljóslifandi mynd af samfélagi sem markað er af skelfilegu mannfallinu í Stórubólu, flækjukenndu réttarfari 18. aldar og siðferðisfjötrum Stóradóms. Undir þessum kringumstæðum þarf að leysa morðmál án nokkurra handbærra sönnunargagna en slitinnar kápu og útprjónaðs rósavettlings.
Neistar
3.490 kr.Sól og ský eiga saman dýrmætt blóm sem þau elska meira en allt.
En hvað verður um blómið þegar sólin og skýið geta ekki lengur búið saman?
Með því að skiptast á geta foreldrar blómsins enn veitt því alla þá næringu, hamingju, leik og vernd sem það þarf til að blómstra.
Hugljúf og myndræn saga um ást foreldra á barni sínu sem setur upplifun barnsins í forgrunn þegar kemur að skilnaði.
Huldukonan (forsala)
8.390 kr.Bókin er á kynningarverði í forsölu, aðeins 6.990 kr. með kóðanum „huldukonan“.
Konurnar í Lohr fjölskyldunni skilja ekki að Sigvaldi þeirra, með alla sína augljósu mannkosti, hafi aldrei gengið út. Ennfremur fá þær ekki skilið þá fráleitu ákvörðun hans að gerast einsetumaður í eyðivík. Þær eru raunar hættar að hnýsast í hagi Sigvalda, því í hvert skipti verður augnaráð hans átakanlega tregafullt.
Dag einn birtist Sigvaldi á dyraþrepi móður sinnar með mánaðargamla stúlku í fanginu og neitar að svara því hver sé móðir barnsins. Konurnar í fjölskyldunni hefja sína eigin rannsókn á málinu og smám saman hrannast sönnunargögnin upp: saga Lohr ættarinnar, þjóðsögurnar í Dýrleifarvík, leyndardómur um týnt barn og móður sem hvarf, undarlegir draumar, óvenjuleg hegðun Sigvalda og dulmagn hamranna í hlíðinni.
Bækurnar í forsölu verða áritaðar af höfundi. Ef óskað er eftir áritun með nafni viðtakanda er hægt að skrifa það í athugasemd með pöntun.
Von er á bókinni um miðjan nóvember.
Brandur flytur út
3.990 kr.Klukkan er fjögur að morgni í kyrrlátri sveit í Svíþjóð. Frá húsinu hans Péturs heyrast skelfileg óhljóð. Kötturinn Brandur hefur fengið nýtt rúm og er vaknaður fyrir allar aldir til að gera morgunæfingarnar. Pétur getur alls ekki sofið fyrir látunum og setur því Brandi úrslitakosti sem eiga eftir að hafa ófyrirséðar afleiðingar.
Travelling Passions: The Hidden Life of Vilhjalmur Stefansson
1.290 kr.Vilhjalmur Stefansson has long been known for his groundbreaking work as an anthropologist and expert on Arctic peoples. His three expeditions to the Canadian Arctic in the early 1900s, as well as his expertise in northern anthropology, helped create his public image as an heroic, Hemingway-esque figure in the annals of twentieth-century exploration. But the emotional and private life of Stefansson the man have remained hidden, until now.
New evidence of this other life has recently been discovered: a collection of love letters between Stefansson and his fiance Orpha Cecil Smith were found in a New Hampshire flea market; Stefansson’s field diaries have revealed elegant essays and insightful commentary on Inupiat society; baptismal records have revealed that Stefansson had a son, Alex, with his informant and guide, Fanny Pannigabluk; and through Web searches and a private detective, Palsson found and conducted interviews with the descendents of both Cecil Smith and Alex Stefansson.
Travelling Passions sheds new light on Stefanssonís life and work, focussing on the tension between his private life and the theories that brought his name to the halls of fame. Palsson draws a clear, vivid, and in many ways unexpected picture of the mythical figure of Stefansson.
Móðurlíf II
4.590 kr.– Beygja til hægri hérna, kalla ég.
– Ég veit ekkert hvað er hægri! æpir hún á móti.
– Þú skrifar með hægri.
– Ég er ekki með penna! öskrar hún upp í vindinn og ákveður að snarbremsa þegar hún kemur að gatnamótunum.Það munar ekki mörgum millimetrum að ég dúndrist aftan á hana en við náum að afstýra öllum árekstrum og höldum áfram.
Hér er komið sjálfstætt framhald örsagnasafnsins Móðurlíf og sem fyrr er umfjöllunarefnið hversdagsleikinn í allri sinni dýrð. Sögur um marga kossa, afmæli, kaldar kinnar og feitar iljar, langa daga og stutt ár.
The Penguin Book of French Verse 4
1.490 kr.The Penguin Book of French Verse 4
The Twentieth Century Introduced and edited by Anthony Hartley
Ferðabíó herra Saitos (notuð)
1.990 kr.„Ég var getin á dansgólfi í Buenos Aires árið 1927.“
Þannig hefst saga Litu sem fæðist og elst upp í nunnuklaustri ásamt kornungri móður sinni sem hefur lítinn áhuga á barnauppeldi en elskar tangó og fallega skó. Líf mæðgnanna tekur óvænta stefnu þegar þær þurfa að flýja heimkynni sín og enda óvænt á afskekktri eyju undan ströndum Kanada þar sem þær fá inni á sjómannaheimilinu Betlehem. Smám saman kynnast þær samfélagi eyjarinnar og þar eignast Lita vinkonu í fyrsta skipti, hina heyrnarlausu Oonu McGregor. En þegar herra Saito mætir til eyjarinnar með ferðabíóið sitt opnast nýr ævintýraheimur fyrir Litu og ekkert verður eins og áður.
Annette Bjergfeldt hefur hlotið afar góðar viðtökur fyrir Ferðabíó herra Saitos enda er hér á ferð heillandi saga með óvenjulegu sögusviði og eftirminnilegum persónum.
Jón St. Kristjánsson þýddi.
Diplómati deyr (notuð)
1.990 kr.Hópur kanadískra diplómata verður veðurtepptur í opinberri heimsókn í Vestmannaeyjum, þar á meðal sendiherra Kanada á Íslandi og eiginkona hans. Á meðan óveðrið geisar úti fyrir snæða gestirnir saman hátíðarkvöldverð – en svo hnígur aðstoðarsendiherrann niður fyrir framan viðstadda. Fljótlega kemur í ljós að um morð er að ræða og ýmsir liggja undir grun: athafnamaðurinn sem svífst einskis í samningum, meistarakokkurinn sem reiðir fram dýrindis máltíðir úr nærumhverfinu og dularfulla myndlistarkonan sem er að opna sýningu á byggðasafni bæjarins … svo nokkrir séu nefndir. En sendiherrafrúin er hvergi bangin og ákveður að komast til botns í málinu upp á eigin spýtur.
Diplómati deyr er fyrsta skáldsaga Elizu Reid, spennandi og listilega fléttuð glæpasaga þar sem leyndarmálin eru afhjúpuð hvert af öðru.
Magnea J. Matthíasdóttir þýddi.
A Woman Looks Over Her Shoulder
3.490 kr.In A Woman Looks Over Her Shoulder, written by contemporary Icelandic poet Brynja Hjálmsdóttir and translated by Rachel Britton, one woman lives in a glass ball that is being shaken by someone else. This book of poems, however, is always shaking itself up, leaping between the extreme and the daily, the gross and the delicious, between being scared and being scary. These surreal, visceral, and somehow polite poems explore what it can be like to be a woman and to slither through and away from threat to find voice and form and power, no matter how strange. The apocalyptic utopia we arrive at in this book—The Whore’s City—is a perfect model to move to in one’s head: feminist, funny, odd, and a little disgusting, all towards transformation.
Í túninu heima
1.290 kr.„Oft er ég í draumi aftur staddur í þessu túni bernskunnar, Laxnestúninu, og er nú ekki lengur til,“ segir Halldór Laxness í þessari minningasögu. Reyndar hefst sagan á Laugaveginum, sem enn stendur í blóma. Þar fæddist höfundurinn og þaðan eru hans fyrstu minningar. En Laxnestúnið er ímynd liðins heims, sem að vísu sér hindrunarlaust gegnum aftur í fornöld, aftur fyrir tímann, en er þó fyrst og fremst hinn epíski, íslenzki sveitaheimur 19. aldar, sem ég fyrir mitt leyti þekki bjartastan úr bókum Páls Melsteðs, þó að þær eigi að heita þýðingar og gerast í útlöndum. Á mótum þessa heims og nútímans tekur frásögnin viðmiðanir sínar. Og vel á minnzt: það eru aðrar fráleitari leiðir til nokkurs skilnings á Halldóri yfirleitt en að líta á hann frá þessum vegamótum. Frásögninni lýkur, þegar „strákurinn í Laxnesi“ heldur á stað út í heim til Reykjavíkur að leggja stund á tónlist og myndlist. En áður en þessi umgjörð tíma og landafræði lokast, hefir Halldór farið með oss um allar jarðir í hugmyndaheimi sínum. Auk margra smágjörðra, ógleymanlegra mannlýsinga eru mér af einstökum atriðum hugstæðastar athugasemdir hans um höfunda og bókakost á þessum tíma. Sérstaklega langar mig að taka undir viðurkenningu hans á Jóhanni Magnúsi Bjarnasyni og lofsyrðum um þýðingarnar gömlu í vestanblöðunum.
Ef til vill ætti heldur að tala um mismunandi fjarlægðir frá sjónarmiði höfundar en tímatal í sambandi við þessa bók. Á einum stað í bókinni drepur Halldór á það, að öllu máli skipti að vanda smáatriðin í list, hið stóra sjái um sig. Það á við hér. Ég ætla að leyfa mér að bæta því við til athugunar við lestur þessarar bókar, að „réttar“ fjarlægðir séu annað skilyrði vissrar frásagnarlistar og að bókin staðfesti það. En leikur að fjarlægðum er, eins og vér þekkjum, eitt áhrifamikið höfundareinkenni Halldórs Laxness.
K. K.
Eldar kvikna
1.290 kr.Eftir að hafa sigrað í Hungurleikunum og skilað bæði sér og Peeta, félaga sínum úr Tólfta umdæmi, heim í heilu lagi ætti Katniss að vera himinlifandi. Hún flytur inn í Sigurþorp, þarf aldrei framar að óttast hungur og getur aftur farið á veiðar með æskuvininum Gale.
En ekkert er eins og það á að vera: Gale er gerbreyttur, Peeta snýr við henni baki og vaxandi ólga í Panem veldur áhyggjum. Í sigurvegaraferðinni verða Katniss og Peeta að kæfa allar uppreisnartilraunir í fæðingu – hvort sem þau kæra sig um það eða ekki – annars er miklu meira í húfi en nýfengið ríkidæmi og þægindi.
Eldar kvikna er önnur bókin í þríleik Suzanne Collins um Hungurleikana sem farið hefur sigurför um heiminn. Hér kemur hún lesendum á óvart hvað eftir annað svo engin leið er að leggja bókina frá sér fyrr en að lestri loknum.
Guðni Kolbeinsson þýddi.
Jeppar í lífi þjóðar
14.990 kr.Samgöngubylting varð á Íslandi um miðja síðustu öld þegar þúsundir Willys-jeppa streymdu að hliðum gömlu herjeppanna, og brátt renndu Landróverar og Rússa – jeppar í hlað. Síðar bættust við enn fleiri gerðir, Gipsy, Scout og Bronco, og loks fjölbreytt úrval japanskra jeppa. Jeppinn greiddi leiðir um klungur og torfærur, enda með drif á öllum hjólum, og færði ferðafrelsi jafnt að sumri sem vetri.
Jeppar í lífi þjóðar bregður lifandi ljósi á þennan merkilega en lítt kannaða kafla íslenskrar samgöngusögu í máli en þó aðallega 600 einstæðum ljósmyndum sem koma nú margar í fyrsta sinn fyrir almannasjónir. Þetta er ómissandi bók fyrir bílaáhugamanninn og raunar alla þá sem unna ferðum um úfið landið.
Örn Sigurðsson hefur hlotið mikið lof fyrir bílabækur sínar sem eru orðnar átta talsins, þar á meðal metsölubækurnar Króm og hvítir hringir, Bílamenning og Bílar í lífi þjóðar.
Sýnir völvunnar: Goðheimar #15
4.990 kr.Sýnir Völvunnar er fimmtánda og síðasta bókin í bókaflokknum vinsæla um Goðheima þar sem sögur af norrænu goðunum sagðar á skýran og skemmtilegan hátt, kryddaðar óborganlegum húmor.
Fimbulvetur ríkir í Ásgarði og Fenrisúlfur er kominn aftur á kreik. Þegar æsir komast að því að jötnar standa að baki þessum eilífðarvetri rennur upp fyrir þeim að Ragnarök eru í nánd og ræsa þarf út her einherja. Loki er sendur til að kljást við úlfinn en fær óumbeðna aðstoð frá Röskvu, sem sýnir á sér nýja og afar óvænta hlið.
The Museum of Whales You Will Never See
3.490 kr.Welcome to Iceland, a very small nation with a very large number (two hundred and sixty five) of (mostly) very small museums. Founded in the backyards of houses, begun as jokes or bets or memorials to lost friends, these museums tell the story of an enchanted island where bridges arrived only at the beginning of the 20th century, and waterproof shoes only with the second world war. A nation formerly dirt poor, then staggeringly rich, and now building its way to affluence once again.
A nation where, in the remote and wild places, you might encounter still a shore laddie, a sorcerer or a ghost. From Reykjavík’s renowned Phallological Museum to a house of stones on the eastern coast; from the curious monsters which roam the remote shores of Bíldudalur to a museum of whales which proves impossible to find, here is an enchanted story of obsession, curation, and the peculiar magic of this isolated island.
Hyldýpi
4.890 kr.Hyldýpi er spennutryllir sem heldur lesandanum frá fyrstu blaðsíðu.
Dögg Marteinsdóttir er ungur læknir sem starfar í Súdan. Kristján er nýbúinn að stofna eigin lögfræðistofu í Reykjavík en verkefnin láta á sér standa. Pawel á von á barni með ungri íslenskri kærustu. Líf þessara þriggja ólíku einstaklinga eiga eftir að tvinnast saman. Dögg og Sarah, sem er ungur og frakkur læknir frá Brooklyn í New York, starfa báðar fyrir Lækna án landamæra og verða nánar vinkonur meðan þær takast á við hörmungarnar í flóttamannabúðunum þar sem þær starfa. Dögg fellir hug til yfirlæknis á svæðinu sem heitir Omar Mohammed. Dag einn fara Omar, Sarah og Dögg í sendiför til borgarinnar Nyala en sú för hefur hræðilegar afleiðingar í för með sér.
Mitt í hringiðu afkomuótta Kristjáns og kvíðakasta fær hann í hendurnar tvö athyglisverð mál. Annars vegar mál fylgdarlauss barns frá Súdan og hins vegar líkamsárásarmál ungs Pólverja sem heitir Pawel Nowak en sá á vægast sagt vafasama fortíð.
Eitt örlagaríkt kvöld eltir fortíð Pawels hann uppi og áður en hann veit af hafa meðlimir harðsvíraðra glæpasamtaka hann undir smásjánni. Uppgjör við fortíðina dregur dilk á eftir sér og Pawel dregst inn í atburðarás sem hann ræður engan veginn við.
Líf þessara þriggja ólíku einstaklinga eiga eftir að tvinnast saman. Með afdrifaríkum hætti.
Decreation
4.990 kr.Anne Carson’ s first full-length publication in Britain, Glass and God introduces an assured and challenging new voice: vivid, laconic, precise. Her ‘Short Talks’ are about everything from Sylvia Plath to Franz Kafka, from waterproofing to walking backwards; the brilliant long poem ‘The Glass Essay’ deals with the end of a contemporary love affair, but is haunted by the Brontë sisters. Blending the modern and the classical, Anne Carson writes with an intensity and an integrity that is transfiguring.
