Vefverslun

Sía

Sýna

Njála the short
Kristín Ragna Gunnarsdóttir
Highlights from the most popular saga of Icelanders!
This illustrated book is based on one of the most beloved sagas of Icelanders, The Saga of the Burning of Njál, Njál’s Saga or Njála. The saga is believed to have been written around 1270-1290 although the events of the story took place 300 years earlier.
Here the award-winning artist and author Kristín Ragna Gunnarsdóttir has depicted the broad outlines of Njála in a short text and pictures so that readers can become acquainted with some of the colourful characters and get a grasp of the main storyline. This is not the first time that Kristín Ragna has interpreted Njál’s Saga as she designed and illustrated The Njál’s Saga Tapestry; a 90-metre-long tapestry that was embroidered at Hvolsvöllur (njala.is).
5.690 kr.
Setja í körfu
Paradísareyjan
Embla Bachmann
Eyjuhátíðin er haldin árlega en í þetta sinn fer allt úr böndunum … Vinirnir Freyja og Hallgrímur eru yfir sig spennt og mæta niður á bryggju að taka á móti gestunum. En þeir eru fleiri en vanalega og líka dónalegri! Þegar Freyja og Hallgrímur fara að rannsaka málið komast þau að því að fæstir eru komnir til að taka þátt í hátíðinni.
Af hverju kom þetta fólk á eyjuna?
Hefur það eitthvað að gera með nýja bæjarstjórann?
… og hvað er eiginlega Paradísareyjan?
Paradísareyjan er þriðja bók Emblu Bachmann. Fyrstu tvær: Stelpur stranglega bannaðar (2023) og Kærókeppnin (2024) voru báðar tilnefndar til Íslensku bókmenntaverðlaunanna. Embla hefur líka umsjón með Krakkafréttum og útvarpsþáttunum Hvað ertu að lesa? Árið 2024 hlaut hún Vorvinda IBBY á Íslandi fyrir framlag sitt til barnamenningar.
Bókin er myndlýst af hinni hæfileikaríku og margverðlaunuðu Bergrúnu Írisi, rithöfundi og teiknara
5.690 kr.
Setja í körfu
Einn góðan veðurdag
Ævar Þór Benediktsson, Lóa Hlín Hjálmtýsdóttir
Góðan daginn! Eigum við að koma saman í sveitina? Hér er á ferðinni falleg harðspjaldabók eftir Ævar Þór með myndum eftir Lóu Hlín fyrir yngstu kynslóðina.
Það er gott veður í dag. Eigum við að kíkja í sveitina?
Ævar Þór Benediktsson hefur skrifað ótrúlega margar barnabækur og búið til alls konar efni fyrir bæði sjónvarp og útvarp. Hann ólst líka upp í sveitinni sem þú lest um þessari bók!
Lóa Hlín Hjálmtýsdóttir skrifar og teiknar bækur fyrir börn og stundum semur hún líka brandara fyrir fullorðna og syngur í hljómsveit. Þegar hún var lítil hjálpaði hún til við sauðburðinn í sveitinni hjá frænku sinni.
3.890 kr.
Setja í körfu
Sjáandi
Ester Hilmarsdóttir
Þegar dularfull spákona úr austri birtist í friðsælum dal í íslenskri sveit fara ævintýralegir hlutir að gerast og allt sem áður var fer úr skorðum. Saman við komu spákonunnar fléttast barátta kotbænda við auðvaldið úr nærliggjandi kaupstað, hrifnæmni fjósastráks, forboðnar ástir heimasætu og förukona sem enginn veit hvort er að koma eða fara.
Ester Hilmarsdóttir er bóndadóttir úr Aðaldal. Hún hlaut tilnefningu til Fjöruverðlaunanna fyrir ljóðabók sína Fegurðin í flæðinu en Sjáandi er fyrsta skáldsaga hennar. Hún segir frá uppvexti, ást sem er alheimsfasti, vaxtarverkjum nýrra tíma, samstöðu og baráttu fyrir afkomu og verndun náttúrunnar. Harmur og húmor liðast um söguna líkt og áin sem rennur um dalinn – stundum gjöful en stundum brigðul, þar sem auðvelt er að festast í slýinu og missa fótanna.
7.790 kr.
Setja í körfu
Heimsins besti dagur í helvíti
Lilja Ósk Snorradóttir
„Ég get skipt lífinu upp í þrjá kafla.
Fyrir, eftir og ferðalagið þar á milli.“
Þegar Lilja Ósk flækir fæturna í hundabúri í miðju matarboði og dettur á höfuðið er hún sannfærð um að hún muni jafna sig fljótt og örugglega, enda hefur hún hvorki tíma né þolinmæði til annars. Raunin verður þó önnur. Hvað tekur kona til bragðs sem týnir sjálfri sér? Hvenær ætli heimsins besti dagur í helvíti komi?
Hrá, einlæg, átakanleg og á köflum fyndin frásögn af því hvernig lífið getur breyst á einu andartaki.
6.890 kr.
Setja í körfu
Ísbirnir
Sólveig Pálsdóttir
Það er órói í samfélaginu. Eitthvað slæmt liggur í loftinu. Þegar Dagbjört, samfélagsmiðlastjarna í blóma lífsins, hverfur sporlaust þarf Guðgeir að hafa sig allan við að leysa málið. Hver klukkustund telur og eftir því sem líður á rannsóknina rætist versta martröð lögreglunnar. Hvarf Dagbjartar er ekki einangrað tilvik.
„Það var gripið fast um axlir hennar. Hún fann heitan másandi andardrátt við hálsinn. Klær klipu í holdið. Rispuðu og rifu í það. Sársaukinn var nístandi sár en Dagbjört streittist á móti af öllu afli. Hún var sterk, fann fyrir hverjum vöðva líkamans en allt kom fyrir ekki. Hrammarnir þrýstu henni niður, neglurnar boruðu sig inn fyrir húðina. Hún var keyrð niður í gólfið af villidýri.“
Ísbirnir er níunda bók Sólveigar Pálsdóttur en bækur hennar hafa komið út í nokkrum löndum og hlotið mikið lof. Sólveig hlaut Blóðdropann, hin íslensku glæpasagnaverðlaun, fyrir bók sína Fjötrar. Sama ár var hún útnefnd bæjarlistamaður Seltjarnarness, fyrst rithöfunda.
8.490 kr.
Setja í körfu
Njála hin skamma
Kristín Ragna Gunnarsdóttir
Þessi myndabók byggist á einni ástsælustu Íslendingasögunni, Brennu-Njáls sögu, sem rituð var seint á þrettándu öld en lýsir atburðum sem gerðust þrjú hundruð árum fyrr. Njáls saga er æsispennandi örlagasaga sem hverfist m.a. um ást, öfund, vinskap, svik, forlagatrú, hefnd, hetjudáðir, sæmd, lagaklæki og sættir.
Hér hefur listakonan og rithöfundurinn Kristín Ragna Gunnarsdóttir dregið Njálu saman í stuttu máli og myndum til að fólk geti kynnst nokkrum af litríkum persónum hennar og áttað sig á þræði sögunnar í grófum dráttum.
5.690 kr.
Setja í körfu
Mzungu
Simon Okoth Aora, Þórunn Rakel Gylfadóttir
Eftirvænting ríkir í loftinu þegar Hulda kemur til Kenía þar sem hún ætlar að starfa á heimili fyrir munaðarlaus börn. Íslendingurinn Skúli er í forsvari fyrir heimilið og virðist stýra því af miklum myndarskap og hlýju. Þegar líða tekur á dvölina fer Huldu þó að gruna að ekki sé allt með felldu.
Mzungu er hörkuspennandi og áleitin frásögn um hvert góður vilji og löngun til að bæta heiminn getur leitt. Verðlaunahöfundurinn Þórunn Rakel Gylfadóttir og Simon Okoth Aora meðhöfundur hennar draga af næmni og skarpskyggni upp æsilega atburðarás byggða á sönnum atburðum um líf og örlög fólks í Kenía.
Mzungu: Sá eða sú sem ráfar stefnulaust um, upphaflega notað í Austur-Afríku til að lýsa landkönnuðum á 18. öld. Í dag er þetta hugtak aðallega notað um Vesturlandabúa.
7.790 kr.
Setja í körfu
Mamma og ég
Kolbeinn Þorsteinsson
Mamma og ég er saga mæðginanna Kolbeins Þorsteinssonar og Ástu Sigurðardóttur rithöfundar. Ásta var þjóðþekkt sem rithöfundur og nánast goðsögn vegna skrifa sinna.
Einkalíf hennar var þó enginn dans á rósum og undirstrikar að sitt hvað er gæfa eða gjörvileiki. Ásta glímdi við óreglu lengst af ævi sinni og barðist við þá djöfla sem fylgja fíkninni. Börnin voru tekin af henni og send í fóstur. Barnsfaðir hennar lét sig börnin litlu varða.
Kolbeinn segir söguna frá sjónarhóli barnsins og lýsir þeim mikla sársauka sem fylgir því að vera móðurlaus í umsjón barnaverndarnefndar og vandalausra og horfa upp á mömmu sína hverfa inn í myrkur stjórnlausrar neyslu.
7.490 kr.
Setja í körfu
Dorgað í djúpi hugans
Skúli Thoroddsen
Allt sem þú ert er frá öðrum komið. Lögfræðingurinn Skúli Thoroddsen pælir í meiningu þessara orða og fiskar upp lifandi atvik bernsku- og æskuáranna á myndrænan hátt hvort heldur sem krakki á barnaheimili, unglingur í brúarvinnu eða sveitastrákur hjá Konunni í dalnum og dætrunum sjö. Þá segir Skúli frá fyrstu ástinni og fer út í heim auk þess að bregða upp lifandi myndum af ættmennum sínum ýmsum og samferðarfólki. Ljóðrænar lýsingar hans á náttúru landsins, tónlist og skáldskap tilverunnar gera þessa bók að sannkölluðum yndislestri.
Athyglisverð uppvaxtarsaga um veröld sem var á sjötta og sjöunda áratug síðustu aldar.
8.290 kr.
Setja í körfu
Andrými – kviksögur
Eiríkur Jónsson
Sögur þessarar bókar kallar höfundur kviksögur. Þær eru gjarnan óvæntar og skrítnar, sumar sannar og aðrar augljóslega lognar. Sögurnar spretta úr kviku tilverunnar, staða mannsins í heiminum er hér sínálægt viðfangsefni, en eru annars síkvikar í eðli sínu og efni.
Hér stíga fram sérstæðar persónur af ýmsu tagi og fá rödd og rými. Þar má til dæmis nefna hvíslarann sem liggur svo lágt rómur, lækni sem gerðist flísaleggjari hjá Handvömm ehf., þann dagfarsprúða sem umhverfist við skákborðið, litla fjárfestinn sem fær borgað fyrir að mæta ekki á aðalfundi vegna erfiðra spurninga, gírkassasérfræðinginn sem sífellt skiptir um skoðun, lækni sem einungis getur greint sjúkdóma í gegnum nefið, klæðskerann með röntgenaugun …
Klæðskeraiðn varð fyrir valinu af hagnýtum ástæðum. Fjölskyldu minni þótti langskólanám tímafrekt og krafðist þess að ég drægi björg í bú. Klæðskerar hafa verið í ætt minni mann fram af manni og rökrétt að ég legði þá iðn fyrir mig. Ég hafði hins vegar brennandi áhuga á því að verða læknir en lét mér nægja að lesa þau fræði í tómstundum. Mér gengur vel í mannlegum samskiptum og hef myndað sterkt samband við marga viðskiptavini. Karlar trúa mér fyrir sínum leyndustu málum þegar þeir standa á nærfötunum einum …
Eiríkur Jónsson er læknir.
7.890 kr.
Setja í körfu
Galdrastafir – Historical Icelandic magic symbols
Giorgia Sottotetti, Kári Pálsson
In the 1800s and early 1900s, the tradition of Icelandic magical symbols (galdrastafir) was in decline. At the same time, these symbols, once forbidden upon penalty of death, became the subject of increased interest in the scholarly community. One such scholar was Jónas Jónasson, a priest, folklore collector, and antiquarian who collected and compiled historical Icelandic symbols before his death in 1918. His labors resulted in a manuscript he titled simply Galdrastafir. Now, for the first time, this lush and beautiful book translates and reproduces material and presents
4.990 kr.
Setja í körfu