Flokkur: Nýjar bækur

Alvöru vinir bregðast manni aldrei.

Það hefur aldrei verið svona rólegt og friðsælt í bænum Rósahæð. Það versta sem gerist er að einhver spilar tónlist of hátt eða leggur bíl ólöglega. Einn daginn kemur Lísa auga á stúlku sem hún hefur aldrei séð áður. Innan skamms fer þessi dularfulla stúlka að birtast á óvæntum stöðum. Hún er liðugri, sterkari og hugrakkari en nokkur manneskja sem Lísa þekkir. Hver er hún? Geta hún og Lísa kannski orðið vinkonur?

Handbók fyrir ofurhetjur er bókaröðin sem hefur lagt Ísland, gjörvalla Svíþjóð og fleiri lönd að fótum sér. Þetta er níundi hluti sögunnar um Rauðu grímuna og vini hennar.

Engin nótt er svo dimm að ekki komi dagur á eftir.

Innbrotaaldan í Rósahæð heldur áfram og ofurhetjurnar verða að finna endurheimtu börnin áður en það er um seinan! Nikki hefur einnig ákveðið að fara heim til að hjálpa vinum sínum en þá gerir hann lífshættulega uppgötvun … Kannski eru það eftir allt saman ekki börnin sem eru skúrkarnir?

Bókaröðin Handbók fyrir ofurhetjur hefur slegið í gegn á Íslandi, og víðar. Þetta er áttunda bókin um ofurhetjuna Rauðu grímuna og vini hennar.

Handbók fyrir ofurhetjur er bókaröð sem hefur farið eins og stormsveipur um Ísland og hin Norðurlöndin. Hér er fimmta æsispennandi bókin og upphafið á nýju ævintýri! Aðeins þau sem eru raunverulega sterk þora að sýna veikleika. Stórglæpamaðurinn Wolfgang situr á bak við lás og slá í Rósahæð. Það þýðir þó ekki að Lísa og Max geti slakað á. Dag einn gerist dálítið hræðilegt. Börn fara að hverfa um nætur. Eitt af öðru, algjörlega sporlaust. Fólkið í bænum er reitt af hverju finna Rauða gríman og Villta býflugan ekki börnin? Á sama tíma reynir Lísa að kenna Nikka og Róbert ofurkrafta en það gengur ekki vel. Allt í einu er hún búin að fá alla upp á móti sér. Hverjum getur hún treyst?

Þegar það gerist sem maður óttaðist mest, þarf maður ekki lengur að vera hræddur við neitt.

Wolfgang, hættulegasti glæpamaðurinn í bænum, er búinn að ræna bæjarstýrunni og vill fá Rauðu grímuna í skiptum fyrir hana. Hann hefur lengi langað að hafa hendur í hári Lísu og nú virðist hann hafa fundið leið til að ná henni.

Lísa veit ekki hvað hún á að gera – reyna að bjarga sjálfri sér eða fórna sér til að bjarga bæjarstýrunni? Hjálpin berst úr óvæntri átt en spurningin er hvort Lísa geti treyst þessum nýju vinum sínum.

Hröð, spennandi og skemmtileg saga um stúlku sem tekur málin í sínar eigin hendur.

Skyndilega sá Lísa að einn bókarkjölurinn í hillunni var næstum glóandi. Á honum stóð „Handbók fyrir ofurhetjur.“ Það var eins og bókin talaði til hennar, bæði hana að taka sig upp og byrja að fletta…

Lísu líður illa í nýja skólanum. Nokkrir strákanna leggja hana í einelti og á hverjum degi leitar hún skjóls á bókasafninu. Einn daginn rekst hún á bók sem inniheldur 101 æfingu fyrir þau sem vilja verða ofurhetjur. Getur verið að það sé hægt?

Hröð, spennandi og skemmtileg saga um stúlku sem tekur málin í eigin hendur.

Upprennandi rithöfundur bankar upp á hjá frú Vigdísi Finnbogadóttur og býður sér í kaffi því hún ætlar að skrifa bók um fyrstu konuna í heiminum sem kosin var forseti. Í heimsókninni verður stúlkan margs vísari um frumkvöðulinn Vigdísi og forsetahlutverkið. Hún rekst líka á alvöru sverð frá Finnlandi, lærir hrafl í frönsku og kemst að því að einu sinni bjuggu kindur í Reykjavík.

Bók um merkilega konu sem dreymdi um að verða skipstjóri en endaði sem forseti.

Rán Flygenring er einn fremsti teiknari landsins. Hér kynnir hún Vigdísi Finnbogadóttur fyrir nýjum kynslóðum í máli og myndum. Fyrir hvert selt eintak af bókinni verður gróðursett tré í samstarfi við Yrkjusjóð Vigdísar og Skógræktarfélag Íslands.

Við höfum öll okkar fjölbreyttu blæbrigði og styrkurinn felst í því að þykja vænt um fjölbreytileikann og nýta allt sem við höfum til að gera lífið betra. Við getum verið stór, lítil, hávær, hljóð, góð á bókina og handlagin. Sumir tala mikið á meðan öðrum þykir betra að hlusta. Allt eru þetta kostir ef við leyfum okkur að sjá þá sem slíka og það er einmitt verkefnið sem Óliver tekst á við í þessari bók. Eitt af sérkennum Ólivers er að hann stamar og fá lesendur að sjá hvernig honum tekst að finna sjálfstraustið og leyfa samferðafólki sínu að njóta þess að heyra allt það áhugaverða sem hann hefur frá að segja.