Til landsins
1.490 kr.Ísland í ljóðum sautján nútímaskálda
Jóhann Hjálmarsson valdi
Í tilefni 1100 ára afmælis Íslandsbyggðar
Í ljóðasafninu Til landsins, sem gefið er út í tilefni ellefu hundruð ára afmælis Íslandsbyggðar, eru ljóð eftir sautján íslensk nútímaskáld. Jóhann Hjálmarsson hefur valið ljóðin og segir hann m.a. í inngangi:
„Tilgangur þessarar bókar er margþættur. Henni er fyrst og fremst ætlað að vera sýnishorn þess hvernig íslensk nútímaskáld yrkja um landið. Frá elsta skáldinu til hins yngsta virðist mér að unnt sé að greina samhengi. Hin nánu tengsl við náttúruna eru þau einkenni íslensks nútímaskáldskapar, sem hvað greinilegust eru. Þau eru sú hefð, sem íslensk skáld hafa ræktað með bestum árangri. Að eiga sér land, fjarri óhreinum borgum, menguðu andrúmslofti iðnaðarhverfa, er gjöf, sem við eigum að vera þakklát fyrir og okkur ber að standa vörð um. Um leið og þessi bók gefur hugmynd um hvernig ort er um landið ætti hún einnig að vísa veginn til framtíðarinnar. Sum ljóðin eru varnaðarorð. Þau brýna okkur til að sofna ekki á verðinum, minnast þeirrar gjafar, sem okkur hefur verið gefin, reyna að halda landinu óspilltu. Að náttúrunni steðjar hætta, jafnvel eyðing. Vistfræðingar hafa aðvarað okkur. Skáldin eru í þeim hópi, sem gefur orðum þeirra gaum. Enda þótt flest ljóðin í bókinni lýsi innileik, sem skapast milli manns og náttúru, nánu og hjartfólgnu trúnaðarsambandi, er umheimurinn með vandamál sín og kröfur aldrei fjarri.“
Í bókinni eru fjórar myndir eftir Sverri Haraldsson, listmálara.
Þykjustuleikarnir
1.490 kr.Í Þykjustuleikunum, nýjustu ljóðabók Antons Helga Jónssonar er okkur boðið í sirkus þar sem fer fram samfelld dagskrá og alls konar persónur, misjafnlega kunnuglegar, eru kynntar til leiks. Ólíkar raddir skiptast á, sumt er fyndið, sumt sorglegt og stundum lætur hryllingurinn á sér kræla. Þessi leikur með gervi og raddir endurspeglast að nokkru í útliti og uppsetningu þessarar nýstárlegu ljóðabókar. Anton Helgi hefur lengi verið í hópi okkar allra vinsælustu skálda, tilfinningaríkur, orðsnjall og uppátækjasamur. Þykjustuleikarnir eru tíunda ljóðabók hans.
Ljóðasafn – Guðrún Hannesdóttir
7.690 kr.Stórglæsilegt ljóðasafn með öllum tíu ljóðabókum skáldkonunnar ásamt greinargóðum eftirmála sem Bergljót Soffía Kristjánsdóttir ritar, en þar segir m.a.: „Af náttúruljóðum Guðrúnar lýsir einatt sjálf gleði lífsins og aðdáunin á undrum þess …“
Ljóðasafn II – Gyrðir Elíasson
7.390 kr.Annað bindið af ljóðasafni Gyrðis geymir 3 bækur sem hafa verið ófáanlegar um áratuga skeið en eru nú saman komnar í einu lagi í vandaðri heildarútgáfu á verkum skáldsins. Hér birtast Tvö tungl, Vetraráform um sumarferðalag og Mold í Skuggadal. Ómissandi verk í safn allra bókaunnenda.
Gleðileikurinn djöfullegi
1.490 kr.Húrra! Magnað! Loksins gleðileikur
um lífið í Reykjavík, stórbrotin atvik á börum
í miðbænum, þar sem logar af lífi kveikur
og skylmst er á götum, því skynsemin er á förum!
Rökkrið fer yfir, allt er á leið til fjandans,
alþingismenn verða orðlausir fyrir svörum
og upp að nýju synir og dætur landans
rísa frá dauðum og neista næturbál.
Mussju, nostalgískt ungskáld, leitar andans
og ástarinnar sem hvarf, og segir: Skál!
í slagtogi við Dauðann, Kafka og Krist,
Birgittu Haukdal, Harry Potter og Njál,
Foucault, Satan og fleiri er af stakri list
koma við sögu í grátlegum gleðileik Íslands . . .
Albertine-æfingarnar
4.790 kr.„3. Sjálf er Albertine viðstödd eða nefnd á nafn á 807
blaðsíðum sögunnar.
4. Á ríflega nítján prósentum þessara blaðsíðna er
hún sofandi.“
Albertine er ein dularfyllsta persóna Í leit að glötuðum tíma eftir Marcel Proust. Hún er ástmey sögumannsins, tákn fyrir þrá, afbrýðisemi og eignarhald. En hver er hún í raun?
Í þessu rómaða verki nálgast Anne Carson spurninguna með sínum hárbeitta stíl. Hugleiðingar, orðaleikir, vangaveltur og húmor – hér ægir öllu saman. Albertine-æfingarnar varpa óvæntu ljósi á Proust en ekki síður á flókið samband listar, ástar og valds.
Anne Carson er kanadískt-íslenskt skáld, rithöfundur og fræðimaður, heimsþekkt fyrir einstaka blöndu fræðilegrar texta og tilraunakennds skáldskapar. Verk hennar flétta saman gríska og rómverska menningu, samtímabókmenntir og ljóðlist og einkennast af skarpri innsýn í ást, langanir og ranghala tungumálsins. Meðal þekktustu bóka hennar eru Ævisaga Rauðs, Nox og Fegurð eiginmannsins. Hún hefur hlotið fjölda verðlauna og er eitt virtasta skáld samtímans.
Að jörðin skjóti upp kryppu
4.790 kr.„Þá skammaðist ég mín fyrir allt / það sem ég gerði
eða gerði ekki / eða bara hugsaði um
að gera eða gera ekki /
en framar öllu skammaðist ég mín fyrir föður minn /“
Að jörðin skjóti upp kryppu kom út árið 2022 og var valin ein af 10 bestu bókum ársins af Hotlist, lista óháðu bókaútgáfanna í Þýskalandi. Í bókinni minnist skáldið æsku sinnar og foreldranna en beinir einnig sjónum sínum að eyðileggingu plánetunnar og stöðu ljóðsins í heimi sem skortir samhyggð. Þetta er einlæg, sár og beitt bók sem ber lesandanum á borð óvænta rétti úr þýskum hversdagsleika. Sigrún Valbergsdóttir þýddi.
Wolfgang Schiffer fæddist árið 1946 við í Lobberich við neðanvert Rínarfljót. Hann er helsti sendiherra íslenskrar ljóðlistar á þýsku og hefur í samstarfi við Jón Thor Gíslason þýtt bækur og ljóð fjölda íslenskra skálda. Árið 1991 hlaut Wolfgang hina íslensku fálkaorðu fyrir kynningu og útbreiðslu íslenskrar menningar á þýskri tungu. Þá hefur Wolfgang skrifað skáldsögur, ljóð og leikrit.