Malarhjarta
4.190 kr.Yusuf er barn að aldri þegar auðugur kaupmaður af ströndinni tekur hann upp í skuldir foreldra hans. Hættuleg fegurð drengsins verður til þess að hann fylgir kaupmanninum í leiðangur inn í Tansaníu þar sem Yusuf kynnist töfrum fjallanna, víðáttu vatnanna, framandi siðum og hversu óvægið lífið getur verið. Merkilegt verk eftir Nóbelsverðlaunahafa.
Söguleg skáldsaga sem gerist í upphafi síðustu aldar eftir tansaníska rithöfundinn Abdulrazak Gurnah (f. 1948) sem hlaut Nóbelsverðlaunin í bókmenntum árið 2021. Paradís var tilnefnd til Booker-verðlaunanna og Whitbread-verðlaunanna.
Albertine-æfingarnar
4.790 kr.„3. Sjálf er Albertine viðstödd eða nefnd á nafn á 807
blaðsíðum sögunnar.
4. Á ríflega nítján prósentum þessara blaðsíðna er
hún sofandi.“
Albertine er ein dularfyllsta persóna Í leit að glötuðum tíma eftir Marcel Proust. Hún er ástmey sögumannsins, tákn fyrir þrá, afbrýðisemi og eignarhald. En hver er hún í raun?
Í þessu rómaða verki nálgast Anne Carson spurninguna með sínum hárbeitta stíl. Hugleiðingar, orðaleikir, vangaveltur og húmor – hér ægir öllu saman. Albertine-æfingarnar varpa óvæntu ljósi á Proust en ekki síður á flókið samband listar, ástar og valds.
Anne Carson er kanadískt-íslenskt skáld, rithöfundur og fræðimaður, heimsþekkt fyrir einstaka blöndu fræðilegrar texta og tilraunakennds skáldskapar. Verk hennar flétta saman gríska og rómverska menningu, samtímabókmenntir og ljóðlist og einkennast af skarpri innsýn í ást, langanir og ranghala tungumálsins. Meðal þekktustu bóka hennar eru Ævisaga Rauðs, Nox og Fegurð eiginmannsins. Hún hefur hlotið fjölda verðlauna og er eitt virtasta skáld samtímans.
Að jörðin skjóti upp kryppu
4.790 kr.„Þá skammaðist ég mín fyrir allt / það sem ég gerði
eða gerði ekki / eða bara hugsaði um
að gera eða gera ekki /
en framar öllu skammaðist ég mín fyrir föður minn /“
Að jörðin skjóti upp kryppu kom út árið 2022 og var valin ein af 10 bestu bókum ársins af Hotlist, lista óháðu bókaútgáfanna í Þýskalandi. Í bókinni minnist skáldið æsku sinnar og foreldranna en beinir einnig sjónum sínum að eyðileggingu plánetunnar og stöðu ljóðsins í heimi sem skortir samhyggð. Þetta er einlæg, sár og beitt bók sem ber lesandanum á borð óvænta rétti úr þýskum hversdagsleika. Sigrún Valbergsdóttir þýddi.
Wolfgang Schiffer fæddist árið 1946 við í Lobberich við neðanvert Rínarfljót. Hann er helsti sendiherra íslenskrar ljóðlistar á þýsku og hefur í samstarfi við Jón Thor Gíslason þýtt bækur og ljóð fjölda íslenskra skálda. Árið 1991 hlaut Wolfgang hina íslensku fálkaorðu fyrir kynningu og útbreiðslu íslenskrar menningar á þýskri tungu. Þá hefur Wolfgang skrifað skáldsögur, ljóð og leikrit.
Prinsinn minn, ég er gettóið
4.790 kr.„hún fæddi mig, eftir það byrjaði hún að deyja
hún drakk þrjú þúsund ára eitur mæðranna
og lagðist undir furutréð“
Dinçer Güçyeter fæddist árið 1979 í bænum Nettetal í Norðurrín-Vestfalía. Hann er sonur tyrkneskra innflytjenda, lauk miðskóla í kvöldskóla og lærði iðn að þýskum hætti, en hugurinn stóð til skáldskapar. Árið 2011 stofnaði hann bókaútgáfuna Elif Verlag, en vann fyrir sér á lyftara. Það var árið 2021 sem hann sló í gegn með bók sinni Prinsinn minn, ég er gettóið. Í þessari marglaga og einstöku bók flakkar skáldið á milli æsku sinnar og samtímans. Ljóðin eru í senn pólitískur spegill og fjölmenningarleg sjálfsskoðun: skörp og óvænt, ljúfsár og fyndin; ort af knýjandi þörf og innblæstri. Gauti Kristmannsson þýddi og ritaði eftirmála.
Í þessari marglaga og einstöku bók flakkar skáldið á milli æsku sinnar og samtímans. Ljóðin eru í senn pólitískur spegill og fjölmenningarleg sjálfsskoðun: skörp og óvænt, ljúfsár og fyndin; ort af knýjandi þörf og innblæstri. Gauti Kristmannsson þýddi og ritaði eftirmála.
Þar sem vegurinn endar
1.290 kr.„Ég hafði ekki verið lengi í Stóru-Ávík þegar Guðmundur bóndi segir mér að ganga á reka og athuga hvort norðanáttin hafi fært okkur nýjar gjafir frá Sovétríkjunum.“
Átta ára gamall fór Hrafn Jökulsson í sveit í Árneshreppi á Ströndum. Það er afskekktasta sveit á landinu – þar sem vegurinn endar.
Nokkrum áratugum síðar vitjar hann sveitarinnar að nýju. Í þessari fallegu bók stiklar Hrafn um sögu sveitarinnar frá örófi og fram á 21. öldina. Hann segir frá stórskornu fólki og sérkennilegu; frá niðursetningum, stórbændum og galdramönnum, frá fegurð lífsins og harðneskju lífsbaráttunnar.
En um leið er bókin einstæð saga Hrafns sjálfs. Á lifandi og fjörlegan hátt en um leið hrífandi og hjartnæman segir hann frá vegferð sinni um lífið og því fólki sem helst hefur haft áhrif á hann.
Þetta er í senn skemmtilegur óður til bernskunnar en um leið vegvísir um lífið sjálft.
Herörin og fleiri sögur
1.990 kr.Dauðvona lögfræðingur snæðir kjötsúpu með fyrrverandi eiginkonu sinni, AA-maður fer til að biðja gamlan bekkjarfélaga fyrirgefningar, húsgagnasmiður býður langveikri dóttur sinni í hvalaskoðun og átök leynifélaganna Rauðu rósarinnar og Svörtu handarinnar ná hámarki í blóðugum bardaga á Skólavörðuholti. Um þetta og margt fleira má lesa í tólf nýjum smásögum eftir Ólaf Gunnarsson. Stíllinn er knappur og oft launfyndinn, sögurnar ýmist bjartar eða dimmar, angurværar eða ærslafullar.
Ólafur Gunnarsson er einn virtasti höfundur þjóðarinnar. Hann hefur skrifað ljóð, smásögur og barnabækur en er þekktastur fyrir skáldsögur sínar. Ólafur hefur hlotið fjölda verðlauna og viðurkenninga fyrir verk sín, meðal annars Íslensku bókmenntaverðlaunin fyrir Öxina og jörðina árið 2003.
Here is Iceland!
4.590 kr.Every spring, over fifty species of migratory birds come to Iceland and lay their eggs in the mild and bright Arctic summer. In the winter snow covers the ground and Northern Lights light up the sky. In Here is Iceland you can read all about this volcanic island: its birds and mammals, mountains and shores, hot springs and geysers, people and culture – through spring, summer, fall and winter.
Here is Iceland! by Margrét Tryggvadóttir and Linda Ólafsdóttir was welcomed by Icelandic readers of all ages. The book was nominated for the Icelandic Literary Award and received the Women’s Literary Award, the Reykjavík City Literary Award for illustrations, and the award of the Association of Icelandic Graphic Designers.
Skáldreki
3.590 kr.Á síðustu áratugum hefur ört fjölgandi hópur innflytjenda á Íslandi auðgað menningu landsins og listir. Á meðal þeirra sem skolað hefur á land leynast rithöfundar og skáld. Sum hver eru enn svamlandi á grynningunum, önnur hafa náð landi, enn önnur hafa stigið inn á bókmenntasviðið. Þessir aðkomuhöfundar eru skáldreki, frjósöm gjöf hafsins. Í þessu ritgerðasafni segja tíu höfundar af erlendum uppruna frá sögu sinni, löngunum og þrám; fjalla um búferlaflutninga, að fóta sig í nýrri menningu, að skilja og finna rödd sína á íslensku eða að ná til nýrra lesenda á sínu eigin tungumáli. Hér er á ferð ferskt sjónarhorn, frumleg málbeiting og öðruvísi sögur. Hörund. Bein. Kjöt. Fita. Gjörðu svo vel.
Mara kemur í heimsókn
4.590 kr.Mara kemur í heimsókn fjallar um heimkomu til Rússlands eftir langa fjarveru, en er um leið uppgjör við pólitískt og menningarlegt ástand.
Natasha S. er íslenskur rithöfundur af rússneskum uppruna sem hefur vakið verðskuldaða athygli fyrir ljóð sín og greinar. Hún sló eftirminnilega í gegn með útgáfu fyrstu ljóðabókar sinnar Máltaka á stríðstímum, en fyrir hana hlaut hún Bókmenntaverðlaun Tómasar Guðmundssonar. Natasha hefur einnig verið öflugur talsmaður skálda af erlendum uppruna á Íslandi og ritstýrði ljóðasafninu Pólífónía af erlendum uppruna og ritgerðasafninu Skáldreka.
Svipur brotanna: Líf og list Bjarna Thorarensen
1.990 kr.Bjarni Thorarensen (1786–1841) er jafnan talinn til höfuðskálda Íslendinga. Einkum er hans minnst sem frumkvöðuls innlendrar rómantíkur, skálds sem orti jafnt kraftmikil ættjarðar- og orustukvæði, eldheit ástarljóð, lofsöngva til norræns vetrar og minningarljóð um fólk sem átti ekki samleið með fjöldanum.
Um leið var hann eitt þeirra þjóðskálda 19. aldar sem reyndu að efla sjálfsvitund landsmanna og menningarlegt og pólitískt forræði innan þess fjölþjóðlega danska konungsríkis sem þeir voru þá hluti af.
Undanfarna áratugi hefur lítið farið fyrir Bjarna og ljóðum hans. Sum þeirra lifa að vísu sjálfstæðu lífi í íslensku umhverfi, menningu og tungumáli en bera oft sama svip og veðraður og mosagróinn legsteinn Bjarna. Þar gildir einu hvort fjallkonan á í hlut, ekið er um Gullinbrú í Grafarvogi, gripið er til orðtaksins um að Ísalands óhamingju verði allt að vopni eða rætt um kynlega kvisti mannlífsins. Hvaðan koma þessi orð og fyrirbæri, í hvaða samhengi stóðu þau upphaflega og hver var höfundur þeirra? Í þessari bók er rýnt í líf og list Bjarna.
Þórir Óskarsson er bókmenntafræðingur og hefur um langt skeið sinnt rannsóknum á íslenskum bókmenntum 19. aldar.
In the Margins: On the Pleasures of Reading and Writing
4.390 kr.From the internationally acclaimed author of My Brilliant Friend, The Lying Life of Adults, and The Lost Daughter, come four revelatory pieces offering rare insight into the author’s formation as a writer and life as a reader. Ferrante warns us of the perils of “bad language”―historically alien to the truth of women―and advocates for a collective fusion of female talent as she brilliantly discourses on the work of her most beloved authors. A delightful collection of essays exploring reading and writing from the internationally acclaimed author of My Brilliant Friend and The Lying Life of Adults.
Ferrante’s writing has been described as compulsive (The Times) and astonishing (Guardian), her novels have sold millions and been translated into many languages as well as adapted for TV internationally.
Questions of Travel: William Morris in Iceland
3.490 kr.Morris’s intimate journals, written for a friend, unconsciously explore questions of travel, noting his reaction to the idea of leaving or arriving, to hurry and delay, what it means to dread a place you’ve never been to or to encounter the actuality of a long-held vision.
Poet Lavinia Greenlaw draws out these questions as she follows in the footprints of Morris’s prose, responding to its surfaces and undercurrents, extending its horizons. The result is a new and composite work, which brilliantly explores our conflicted reasons for not staying at home.
A Winter Book: Selected Stories
3.690 kr.Following the widely acclaimed and bestselling The Summer Book, here is A Winter Book collection of some of Tove Jansson’s best loved and most famous stories. Drawn from youth and older age, and spanning most of the twentieth century, this newly translated selection provides a thrilling showcase of the great Finnish writer’s prose, scattered with insights and home truths. It has been selected and is introduced by Ali Smith.
A Winter Book features 13 stories from Tove Jansson’s first book for adults, The Sculptor’s Daughter (1968) plus seven of her most cherished later stories (from 1971 to 1996), translated into English and published here for the first time.
Týr
4.990 kr.Týr er fjórða stóra bók bresku metsöluhöfundanna Juliu Donaldson og Axels Scheffler sem kemur út á íslensku, en þau eru höfundar hinnar geysivinsælu Greppiklóar sem íslensk börn elska og dá. Bækur þeirra hafa sópað að sér verðlaunum og verið þýddar á gríðarmörg tungumál.
Drekastrákurinn Týr er nýbyrjaður í drekaskólanum og þráir ekkert heitar en að læra að fljúga, öskra og spúa eldi eins og alvöru drekar gera. En allt gengur á afturfótunum hjá honum þar til hann eignast hjálpsama vinkonu sem býr yfir óvæntu leyndarmáli.
Textinn er í bundnu máli. Sigríður Ásta Árnadóttir þýddi.