Archives: Vefverslun

Engin nótt er svo dimm að ekki komi dagur á eftir.

Innbrotaaldan í Rósahæð heldur áfram og ofurhetjurnar verða að finna endurheimtu börnin áður en það er um seinan! Nikki hefur einnig ákveðið að fara heim til að hjálpa vinum sínum en þá gerir hann lífshættulega uppgötvun … Kannski eru það eftir allt saman ekki börnin sem eru skúrkarnir?

Bókaröðin Handbók fyrir ofurhetjur hefur slegið í gegn á Íslandi, og víðar. Þetta er áttunda bókin um ofurhetjuna Rauðu grímuna og vini hennar.

Ef eitthvað virðist ekki í lagi er mjög líklegt að það sé ekki í lagi. Börnunum sem voru numin á brott hefur verið skilað og íbúar Rósahæðar geta andað léttar. En er ekki eitthvað skrítið við endurheimtu börnin? Haga þau sér ekki dálítið undarlega? Og af hverju ætli ræningjarnir hafi bara sleppt þeim? Lísa og hinar ofurhetjurnar eru sannfærð um að það sé eitthvað dularfullt á seyði og eru harðákveðin í að komast að sannleikanum! Bókaröðin Handbók fyrir ofurhetjur hefur slegið í gegn á Íslandi, og víðar. Þetta er sjöunda bókin um ofurhetjuna Rauðu grímuna og vini hennar.

Þegar það gerist sem maður óttaðist mest, þarf maður ekki lengur að vera hræddur við neitt.

Wolfgang, hættulegasti glæpamaðurinn í bænum, er búinn að ræna bæjarstýrunni og vill fá Rauðu grímuna í skiptum fyrir hana. Hann hefur lengi langað að hafa hendur í hári Lísu og nú virðist hann hafa fundið leið til að ná henni.

Lísa veit ekki hvað hún á að gera – reyna að bjarga sjálfri sér eða fórna sér til að bjarga bæjarstýrunni? Hjálpin berst úr óvæntri átt en spurningin er hvort Lísa geti treyst þessum nýju vinum sínum.

Hröð, spennandi og skemmtileg saga um stúlku sem tekur málin í sínar eigin hendur.

Að vera ofurhetjan Rauða gríman hefur breytt öllu fyrir Lísu. Hún hefur öðlast áður ófundið sjálfstraust – en er samt ennþá einmana.

Á sama tíma óttast allir ræningjar og aðrir glæpamenn í Rósahæð að verða handsamaðir af hinni dularfullu ofurhetju. Allir nema Wolfgang, hættulegasti glæpaforinginn í bænum. Hann er orðinn þreyttur á afskiptum Rauðu grímunnar og ákveður að stöðva hana í eitt skipti fyrir öll.

Hröð, spennandi og hjartnæm saga um litla stelpu sem tekur málin í eigin hendur“

Upprennandi rithöfundur bankar upp á hjá frú Vigdísi Finnbogadóttur og býður sér í kaffi því hún ætlar að skrifa bók um fyrstu konuna í heiminum sem kosin var forseti. Í heimsókninni verður stúlkan margs vísari um frumkvöðulinn Vigdísi og forsetahlutverkið. Hún rekst líka á alvöru sverð frá Finnlandi, lærir hrafl í frönsku og kemst að því að einu sinni bjuggu kindur í Reykjavík.

Bók um merkilega konu sem dreymdi um að verða skipstjóri en endaði sem forseti.

Rán Flygenring er einn fremsti teiknari landsins. Hér kynnir hún Vigdísi Finnbogadóttur fyrir nýjum kynslóðum í máli og myndum. Fyrir hvert selt eintak af bókinni verður gróðursett tré í samstarfi við Yrkjusjóð Vigdísar og Skógræktarfélag Íslands.

Sólin skín og álfarnir Þorri og Þura ætla í tjaldferðalag saman. Skyndilega kemur hellidemba en vinirnir finna lausn á því eins og öðru, enda láta þau ekkert stoppa sig í ævintýraleitinni.

Þorri og Þura hafa heimsótt leikskólabörn, komið fram á bæjarhátíðum og birst á skjám landsmanna.Þessir bráðskemmtilegu fjörkálfar eru nú orðnir að litríkum söguhetjum og bjóða lesendum með sér í óvenjulega útilegu.

Við höfum öll okkar fjölbreyttu blæbrigði og styrkurinn felst í því að þykja vænt um fjölbreytileikann og nýta allt sem við höfum til að gera lífið betra. Við getum verið stór, lítil, hávær, hljóð, góð á bókina og handlagin. Sumir tala mikið á meðan öðrum þykir betra að hlusta. Allt eru þetta kostir ef við leyfum okkur að sjá þá sem slíka og það er einmitt verkefnið sem Óliver tekst á við í þessari bók. Eitt af sérkennum Ólivers er að hann stamar og fá lesendur að sjá hvernig honum tekst að finna sjálfstraustið og leyfa samferðafólki sínu að njóta þess að heyra allt það áhugaverða sem hann hefur frá að segja.