Nafnabókin
1.290 kr.Og þannig bar það til að hún varð virtasti tossi í Frakklandi.
Þegar Lucette varð ólétt var hún ákveðin í að barnið hennar fengi nafn sem hæfði stórkostlegri framtíð þess. Faðirinn hafði aðrar hugmyndir um nafngjöfina. Það varð þeirra beggja bani. Stúlka fæddist og fékk nafnið Plectrude og var komið í fóstur hjá móðursystur sinni.
Og Plectrude beið sannarlega glæst framtíð. Hún varð ballerína og önnur eins dansfegurð hafði ekki sést fyrr. En það er enginn dans á rósum að vera framúrskarandi ballerina.Amélie Nothomb er vinsælasti höfundur Frakklands um þessar mundir og eru bækur hennar þýddar á fjölmargar heimstungur. Áður hefur komið út eftir hana á íslensku bókin Undrun og skjálfti.
Guðrún Vilmundardóttir þýddi.
Svínshöfuð
1.290 kr.Af hverju fær eldri maður frá Breiðafirði viðurnefnið Svínshöfuð?
Kínversk mæðgin koma til Íslands um miðjan tíunda áratuginn. Nýja fjölskyldan á sér gamlar sorgir, sársaukinn liggur kynslóða á milli. Eins og strengur.
Sagan fléttast frá upphafi seinni heimsstyrjaldarinnar með viðkomu á lítilli, breiðfirskri eyju, suðurhluta Kína. Og útverfi Kópavogs.
Svínshöfuð er fyrsta skáldsaga höfundar, sem hlaut tilnefningu til íslensku bókmenntaverðlaunanna fyrir ljóðabókina Flórída.
Draumalandið
990 kr.Ég gerði mér grein fyrir því að ein bók gæti breytt einhverju en það væri ekkert víst að nokkuð myndi breytast. Þegar ég skrifaði bókina vildi ég að hún yrði heimild um þá tíma sem við lifum. Ég vildi að þegar menn læsu hana eftir 20 ár, 30 ár eða 50 ár þá væri fólki ljóst að hér bjó þjóð sem átti skýra valkosti sem hún annaðhvort sá ekki eða hafnaði og ekki þýddi að segja að við vissum ekki betur.
Andri Snær Magnason í eftirmála 2. útgáfu
Lovestar
990 kr.Alþjóðlega stórfyrirtækið LoveStar hefur komið Íslandi á heimskortið markaðssett dauðann, komið skipulagi á ástina og reist stórfenglegasta skemmtigarð sögunnar í Öxnadal þar sem LoveStar blikkar á bak við ský. Indriði og Sigríður eru handfrjálsir einstaklingar í þessu hátæknivædda samfélagi. Þau telja sig hafa fundið ástina upp á eigin spýtur þar til hræðilegt bréf berst frá stórveldinu. Á sama tíma er LoveStar sjálfur um það bil að gera stærstu uppgötvun allra tíma og stemningsdeildin hefur stórfenglegar áætlanir um hvernig megi fullkomna LoveStar veldið. Og tíminn er naumur
LoveStar var ein af metsölubókum jólanna 2002. Hún hlaut frábærar viðtökur bæði gagnrýnenda og lesenda, var kjörin skáldsaga ársins af íslenskum bóksölum, fékk Menningarverðlaun DV í bókmenntum og var tilnefnd til Íslensku bókmenntaverðlaunanna. Þau verðlaun hlaut Andri Snær árið 2000 fyrir Söguna af bláa hnettinum, sem komið hefur út víða um heim.
„Rosalega skemmtileg, mjög fyndin og frumleg hugsun. Ég hafði mikla ánægju af því að lesa þessa bók.“
Súsanna Svavarsdóttir, Ísland í bítið
