Langelstur í bekknum
3.690 kr.Það getur verið dálítið skrítið að byrja í nýjum skóla þar sem maður þekkir engan. En það eiginlega stórfurðulegt þegar níutíu og sex ára gamall karl sest við hliðina á manni og enginn kippir sér upp við það!
Fljótlega verða bekkjarfélagarnir Eyja og Rögnvaldur ágætis vinir þrátt fyrir níutíu ára aldursmun. Þegar Eyja kemst að leyndarmáli Rögnvaldar gera þau með sér samning en tekst Eyju að standa við hann?
Langelstur að eilífu
3.690 kr.Dag einn er lífi Eyju snúið á hvolf. Mamma og pabbi færa henni gleðifréttir – sem gleðja bara alls ekki neitt.
Á sama tíma hrakar heilsu Rögnvaldar, hins 97 ára gamla besta vinar hennar og bekkjarfélaga. Eyju finnst eins og allt sé að breytast, allt of hratt!
Svo fær Eyja frábæra hugmynd! Eftir dálitlar samningaviðræður tekst henni að sannæra Rögnvald og vinirnir halda í skemmtileg, hættuleg og spennandi ævintýri!
Eyja lærir að oft er stutt á milli sorgar og gleði og að stórar breytingar þurfa alls ekki að vera svo slæmar.
Kepler 62 – 6: Leyndarmálið
1.390 kr.Leyndarmálið er sjötta bókin í hinum æsispennandi bókaflokki: Kepler62
Allt er í upplausn í búðunum á Kepler62e. Vopnabúrið er tómt og öll móteiturhylkin horfin. Laumufarþeginn er greinilega á bak við þetta allt, en hver er hann?
Börnin hafa komist að því að þau voru bara tilraunadýr og þurfa nú að berjast fyrir tilveru sinni.
Kepler 62 – 5: Veiran
1.390 kr.Veiran er fimmta bókin í hinum æsispennandi bókaflokki: Kepler62.
Ólivía ljóstrar loksins upp leyndarmáli sínu og það er skelfilegt. Á jörðinni verða tölvur sífellt öflugri og eru þegar orðnar óstöðvandi.
Mannfólkið, sem er þeirra helsti keppinautur um orku, er tekið til fanga og drepið. Til að lifa af þarf mannkynið að flýja Jörðina og koma sér fyrir á Kepler62.
Kepler 62 – 4: Landnemarnir
1.390 kr.Landnemarnir er fjórða bókin í hinum æsispennandi bókaflokki: Kepler 62
Aðeins tvö af þremur skipum ná á áfangastað leiðangursins. Í ljósa kemur að plánetan er jafnvel enn lífvænlegri en nokkur hefði getað ímyndað sér. Eins og paradís í samanburði við hrjóstruga Jörðina sem krakkarnir flúðu.
Landnemarnir ungu taka til við að koma sér fyrir en sjá fljótlega merki um að aðrar lífverur á plánetunni. Eru þær vinveittar þeim eða ekki?
Kepler 62 – 3: Ferðalagið
1.390 kr.Ferðalagið er þriðja bókin í hinum æsispennandi bókaflokki: Kepler62
Eftir erfiða þjálfun á leynilegri herstöð í Nevada eru aðalpersónurnar Ari, Jonni og María send af stað í lengsta ferðalag sem nokkur manneskja hefur tekið sér fyrir hendur.
Með þeim í för eru níu önnur börn, sérvalin til að verða fyrstu landnemarnir á plánetunni Kepler62, 1200 ljósár frá jörðinni. Ferðalagið sjálft er fullt af hættum en mögulega er mesta hættan um borð í einu geimskipinu …
Kepler 62 – 2: Niðurtalningin
1.390 kr.Börn um allan heim keppast að að klára þennan undarlega tölvuleik. María, 14 ára dóttir vellauðugs vopnaframleiðanda, notar óhefðbundnar leiðir til að klára leikinn og vinna. En vinna hvað?
Henni er flogið til Area 51 í Nevada þar sem hún er í fámennum hópi útvalinna barna. Krökkunum er ætlað að yfirgefa jörðina til að rannsaka og nema land á fjarlægri plánetur sem gæti mögulega verið lífvænleg. Area 51 er allt sem sagt er og meira til. María uppgötvar hvíslarann, veru frá annarri plánetu sem varar hana við að halda í geimferðina. En María virðist ekki hafa val …
Kennarinn sem sneri aftur
4.390 kr.Stefanía, Hekla Þöll, Sara, Fannar, Óli Steinn og Axel eru komin í 8.bekk. Þótt þau hafi myndað þéttan vinahóp treystir Stefanía engum fyrir því sem gengur á heima. Dag einn eignast hún trúnaðarvin á netinu sem hún segir öll sín myrkustu leyndarmál. Þegar krakkarnir fara á hrekkjavökuhátíð í miðbænum fer af stað röð dularfullra atburða og Stefanía þarf að kafa djúpt eftir hugrekki sínu til að takast á við skelfilegar og krefjandi ógnir. Hvað gerist ef þú ert grafinn lifandi?Eru skuggaverur í kirkjugarðinum? Er lögreglunni treystandi?
Bækurnar um krakkana í BÖ bekknum hafa hlotið ýmis verðlaun, tilnefningar og viðurkenningar. Í bókunum fylgjumst við með sex nemendum sem hver á sína rödd í mismunandi bók.
Bækurnar fjalla á afar næman hátt um þau fjölbreyttu málefni sem börn og unglingar þurfa að fást við í nútímasamfélagi. Málefni eins og einelti, einhverfu, kynhneigð, vináttu, ofbeldi og ýmsu öðru misalvarlegu. Skilaboðin eru þó ávallt þó að best sé að hafa vináttu, samheldni, samvinnu og skilning að leiðarljósi, þannig eru manni flestir vegir færir.
Hættuför í Huldubyggð
4.490 kr.Þegar Kata horfir á eftir Bröndu hverfa út í nóttina, grunar hana að konan sem hefur annast hana síðan pabbi hvarf sé ekki öll sem hún er séð. Kata kemst að því að Branda á sér leyndarmál sem á eftir að breyta öllu í lífi hennar.
Fyrr en varir eru Kata og Jarkó lögð af stað í háskalega ferð með skeljaskrímslinu í leit að heiminum sem er hulinn mannfólki.
Hættuför í huldubyggð er beint framhald af bókinni Skrímslin vakna. Spennandi framtíðarsaga sem gerist á Íslandi árið 2222.
Hundurinn með hattinn 2
3.190 kr.Þegar glæpur er framinn á voldugu sveitasetri er hundurinn með hattinn fyrstur á vettvang.
Spæjarinn Spori og kettlingurinn Tási þurfa að vinna saman til að komast til botns í dularfullri ráðgátu, þar sem allir liggja undir grun. Óvæntar flækjur, svakaleg heilabrot og kolvitlaus geit koma við sögu í þessu þrælskemmtilega ævintýri.
Í Ljósaseríunni eru bækur sem eru sniðnar að þörfum nýrra lesenda og kjörnar fyrir þá sem eru að æfa sig í lestri. Bækurnar eru misþungar en hafa allar þægilegt letur og rúmt línubil. Góða skemmtun!
Hundurinn með hattinn
3.190 kr.Allir vita að enginn er betri í að leysa ráðgátur en Spori, hundurinn með hattinn.
En þegar dularfullur þjófnaður dregur úr honum kjarkinn þá lendir það á kettlingnum Tása að stappa í hann stálinu.
Saman lenda þeir í lævísum refum, skuggalegum smáhundum og svakalegum heilabrotum í þessu þrælskemmtilega ævintýri.
Græna geimveran
3.190 kr.Dísa er á leið í Mývatnssveit til ömmu og afa. Þar ætti hún að vera óhult fyrir geimverum sem eru alltaf að reyna að ná valdi á fólki. Það var hins vegar eins gott að hún tók með sér álklæddu derhúfuna, vatnsbyssuna og stækkunarglerið og kynntist Dreng því það er eitthvað stórundarlegt á seyði í sveitinni!
Gestur úr geimnum
4.490 kr.Enn gerast undarlegir atburðir í Mývatnssveit! Amma hringir í Veðurstofuna og kemst að því að engar jarðhræringar hafa mælst á svæðinu síðustu klukkutíma. Það hlýtur því að vera önnur skýring á skjálftanum sem þau fundu öll. Dísa nær í stækkunarglerið, Drengur sér um nestið og amma sýnir að hún er ekki dauð úr öllum æðum.
Þetta verður ævintýri!
Fríríkið
2.590 kr.Þar sem endur drekka kvöldkaffi við eldhúsborðið, froskar slaka á í klósettinu, háttatímum er breytt í gítarpartí, kassabílum í klessubíla og heimalærdómi í leikrit er aldrei dauð stund. Og ef hún drepst óvart þá sér Allamma um að lífga hana við!
Já, í Fríríkinu hennar Öllömmu er allt óvenjulegt venjulegt og leiðinlegt skemmtilegt. En mitt í gleði og galsa Fríríkisfaðmsins finna Allamma og krakkarnir Asili, Alex, Bella og hundurinn Frændi sig skyndilega í baráttu um það verðmætasta í öllum heiminum. Baráttu við þann sem hefur völd, peninga og svífst einskis til að fá sínu framgengt. Hvað ætlar hann sér? Hvað gerist þegar Allamma ræsir út ellihrellana til að komast að því? Er hægt að vinna bardaga með kleinuvörpum og stafaskylmingum? Getur Magnús í öllu sínu nefháraveldi hjálpað þeim? Hvaðan kom svínski herinn? Hver á augun í fossinum? Baráttan kallar á stofnun andspyrnuhreyfingar, innbrot, f lótta og endar á stað sem engan gat órað fyrir. Á stað sem geymir tvær lokaspurningar: Hver er ég? Og hvað verður um Fríríkið?
Ég heiti Kosmó
2.490 kr.Fjölskyldan er að liðast í sundur og hlutverk Kosmós er að koma í veg fyrir að það gerist. Hann veit nákvæmlega hvað hann þarf að gera. Það er bara eitt vandamál: Kosmó er hundur.
Dásamlega hugljúf og fyndin saga um viðleitni hunds til að bjarga fjölskyldunni sinni, verða stjarna og borða eins mikið og tönn á festir.
Ég er Jazz
3.190 kr.Frá því að hún var tveggja ára gömul vissi Jazz að hún væri stelpa þó að allir héldu að hún væri strákur. Hún elskaði bleikan og að klæða sig eins og hafmeyju og leið ekki eins og henni sjálfri þegar hún klæddist fötum eins og flestir strákarnir voru í. Þetta var ruglingslegt fyrir fjölskyldu hennar, þar til þau fóru með hana til læknis sem greindi Jazz sem trans og útskýrði að hún væri fædd á þennan hátt. Trans börn eru allskonar eins og önnur börn. Þau hafa misjafnan fatasmekk og misjöfn áhugamál. En þetta er saga Jazz sem byggir á upplifun hennar. Hún segir frá á einfaldan og skýran hátt sem höfðar vel til barna, foreldra og kennara.
Eldurinn
2.590 kr.Hefur þig alltaf langað að leika lausum hala í skólanum eftir lokun? Fara í feluleik, setja teiknibólu í kennarastólinn, aftengja skólabjölluna. Halla, Hildigunnur, Kári og Skarpi eru ein í skólanum, hvert með sína ástæðu. Það stóð samt aldrei til að kveikja í … eða hvað? Æsispennandi unglingabók!
Dularfulla hjólahvarfið
3.190 kr.Enn er eitthvað dularfullt á seyði í hverfinu. Reiðhjól hverfa úr hjólaskýlinu við blokkina sem Katla, Hildur og Bensi búa í. Krakkarnir taka til sinna ráða og reyna að komast til botns í málinu.Rannsóknin tekur óvænta stefnu en skyldi þeim takast að leysa gátuna, aftur?
Dreim: Fall Draupnis
4.990 kr.Tvisvar hefur sálum þessa heims stafað ógn af myrkrinu hinum megin. Tvisvar hafa fulltrúar raunheima verið sendir í gegnum skilin. Einu sinni hefur dreimförum tekist ætlunarverkið, einu sinni mistekist.
Bella þráir fátt heitar en að komast burt af heimili sínu – burt frá myrkrinu í mömmu. Nóttina eftir að hún, Alex og Asili, lenda í undarlegu atviki uppi við fossinn fær Bella ósk sína uppfyllta. Aldrei hefði hana þó órað fyrir að þau myndu vakna handan skilanna. Hvað þá að líf þeirra, og allra sem þau elskuðu, ylti á baráttu þeirra í nýrri veröld, í nýjum sporum, með nýja krafta – en gamlan óvin sér við hlið.
Í Dreim, þar sem draumarnir eiga heima, ráða tunglin fjögur gangverki heimsins. Aðeins á jafntunglum opnast fossarnir á mörkum landanna fjögurra. Aðeins þá eiga þau von um að komast undan Valdinu, þjónum þess og herrum.
Hvað gerist þegar Draupnir, máttugasta vera Dreim, fellur? Hvað verður um dreimfarana ef fossinn lokast áður en þau stökkva?
Fanney Hrund er fædd árið 1987. Eftir útskrift úr lögfræði starfaði hún sem lögfræðingur í nokkur ár. Síðla árs 2016 lagði Fanney inn héraðsdóms-lögmannsréttindi sín og hélt af stað í ferðalag um Afríku, Asíu og Eyjaálfu, ásamt eiginmanni sínum. Eftir ár á faraldsfæti komu þau sér fyrir í Ástralíu þar sem Fanney hófst handa við uppbyggingu ævintýraheims sem byggir á kenningu réttarheimspekingsins John Rawls um fávísisfeldinn; kenningu um hvernig byggja megi samfélag á grunni sanngirni og réttlætis og þar með veita öllum þegnum samfélagsins jafnan rétt til að blómstra.
Dredfúlíur! Flýið!
3.190 kr.Hávarður, Maríus og Bartek eru mættir aftur. Það styttist í jól og holupotvoríurnar hafa ekki gefist upp. Þeim hefur meira að segja borist andstyggilegur liðsauki. Og hver er þessi Ófelía? Er hún holupotvoría í dulargervi? Útsendari þeirra? Eða eitthvað MIKLU hættulegra? Strákarnir mæta samt öllum áskorunum eins og þeim er einum lagið. Þessi jól bjarga sér ekki sjálf.
Draumurinn
2.590 kr.Atvikið sem breytti lífi mínu átti sér stað viku áður en Íslandsmótið í 4. Flokki hófst. Refsingin virtist í fyrstu alveg hræðileg og gera endanlega út um drauminn … en reyndist síðan það besta sem hefur komið fyrir mig. Alveg þangað til ég ákvað að hætta í fótbolta.
Ég hljóp í geðshræringu frá markinu, bjó mig undir geðveikar móttökur hjá strákuknum og fagnaðaróp áhorfenda. En það var bara þögn. Liðsfélagar mínir stóðu í hnapp, ringlaðir á svip og andstæðingarnir – þeir voru brjálaðir! Þeir hópuðust að mér og kölluðu mig öllum illum nöfnum. Dómarinn kom aðvífandi, líka Gunni þjálfari og þjálfari Glámsmanna líka … það var allt að verða vitlaust og ég skildi ekkert. Vorum við ekki að vinna leikinn?
Doddi: Ekkert rugl
1.590 kr.Munið þið eftir fyrri bókinni um mig?
Í þessari bók held ég áfram að fjalla um æsilegt líf mitt og vina minna. Til dæmis fjalla ég um:
Þegar hitastigið í sambandi okkar Huldu Rósar fór niður að frostmarki.
Áhyggjur mínar af sambandi mömmu við dularfullan útlending.
Árangur minn á sviði skordýrafræða og glæsilega framkomu í sjónvarpsþætti.
Þátttöku í brjóstabyltingu.
Þegar lögreglan handtók mig á Austurvelli.
Brásól Brella: Gildrur, gátur og Glundroði
3.990 kr.Brásól Brella hefur náð tökum á galdrakröftunum sínum. Eða svona nokkurn veginn. Það kemur nefnilega enn fyrir að hún galdri sig í örlítil vandræði. En núna er Kata systir hennar horfin og Brella kannast ekki við að eiga neinn þátt í því. Brella heldur af stað í leit að systur sinni. Vísbendingarnar leiða hana gegnum hinn stórhættulega Stóraskóg þar sem heyrst hefur af varasömum vampíruveiðurum.
TEKST BRELLU AÐ FINNA KÖTU OG STÖÐVA ILL RÁÐABRUGG VEIÐARANNA ÁÐUR EN AÐ VERÐUR UM SEINAN?
Ásrún Magnúsdóttir er með MA-gráðu í enskukennslu og hefur mikinn áhuga á ævintýrum og þjóðsögum. Hún hefur einnig einstakt dálæti á dýrum. Skemmtilegast þykir henni þegar það tvennt blandast saman.