Dýralíf
1.290 kr.Konu með mína starfsreynslu kemur fátt á óvart undir sólinni. Það er þá kannski helst maðurinn.
Í vetrarmyrkri, rétt fyrir jól, er áður óþekkt lægð í aðsigi. Á þriðju hæð við Ljósvallagötu býr ljósmóðir í íbúð sem hún erfði eftir einhleypa og barnlausa ömmusystur. Upp úr kassa undan Chiquita-banönum koma þrjú óútgefin handrit: Dýralíf, rannsókn á því sem mannskepnan er fær um, Sannleikurinn um ljósið og Tilviljunin.
Dýralíf fjallar um brothættasta og grimmasta dýrið: manninn. Og leitina að mennskunni.
Þetta er sjöunda skáldsaga Auðar Övu sem hlaut Íslensku bókmenntaverðlaunin og bókmenntaverðlaun Norðurlandaráðs fyrir Ör og hin virtu Médicis-verðlaun í Frakklandi fyrir Ungfrú Ísland. Skáldsögur Auðar Övu hafa verið þýddar á 33 tungumál.
Sofðu ást mín
1.290 kr.Barn í Lapplander-jeppa leitar að griðastað fyrir randaflugu uppi á hálendinu, ungur maður leitar að orði sem nær yfir ástina, nýbakaður faðir fer í pílagrímaferð til Lególands og allir draumar rætast þegar fjárfestir kaupir sér risaeðlu og heldur einkapartí með Duran Duran.
Sofðu ást mín geymir sjö raunsæjar og persónulegar sögur eftir Andra Snæ Magnason. Saman mynda þær einlægan streng sem fyllir upp í óvenju fjölbreytt höfundarverk hans.
Bækur Andra Snæs hafa notið gríðarlegra vinsælda og unnið til verðlauna innan lands og utan. Fyrir sléttum tuttugu árum sendi hann frá sér smásagnasafnið Engar smá sögur sem enn nýtur mikilla vinsælda. Hér koma loksins nýjar smásögur eftir þessa einstöku rödd í íslenskum bókmenntum.
