Englar alheimsins
1.290 kr.Englar alheimsins fjallar um ævi og endalok manns sem lendir í hremmingum geðveikinnar. Aðalpersónan, Páll, segir sögu sína frá vöggu til grafar; þegar sakleysi æskuáranna lýkur fellur skuggi geðveikinnar á líf hans og fjölskyldu hans. Dregin er upp mynd af bernsku Páls og lýst heimi þeirra sem dæmdir eru til einveru og afskiptaleysis. Hugarástandi Páls er lýst af mikilli næmni og inn í sögu hans fléttast sögur og örlög margra þeirra sem á vegi hans verða. Angurværar tilfinningar og harður veruleikinn mætast í frásögn og stíl.
Einar Már Guðmundsson er í hópi fremstu rithöfunda þjóðarinnar og hafa verk hans verið þýdd yfir á fjölmörg tungumál.
On the Calculation of Volume III
3.990 kr.Tara Selter is no longer alone. Tara Selter has lived the eighteenth of November 1,143 times when she notices a break in the pattern: a man has changed his shirt. The man is Henry Dale, and he remembers all the days that have come before.He knows that time has fallen out of joint. Now they are two of a kind – trapped in the eighteenth of November, but no longer alone.
Together they learn to share their present; their voices grow hoarse recounting their small battles against it and their bewilderment at the disintegrating world. Henry sees things differently to Tara: he does not think that time will put itself back together and he does not think that the future will come around. But he makes her realise that she is no longer the same person she was before this fault in time. And he makes her believe that there may be others to find within it.
- -21%
Undrarútan
Original price was: 9.990 kr..7.890 kr.Current price is: 7.890 kr..Stór-stór-stór-kostleg bók eftir höfund Ótrúlegu sögunnar um risastóru peruna sem sló í gegn hjá íslenskum lesendum. Jakob Martin Strid var 15 ár að skrifa og teikna Undrarútuna, magnað bókmenntaverk sem er sannarlega fyrir börn á öllum aldri, óður til ímyndunaraflsins og vináttunnar.
Sagan fjallar um Takú og vini hans sem smíða risavaxna rútu og ferðast með henni til hamingjulandsins Balanka til að bjarga lífi Tímós litla. Tíminn stendur í stað á þessari hættuför og ótal persónur koma við sögu, en áhrifamesta aðalsöguhetjan er Undrarútan sjálf, meistaralega teiknuð brunar hún, höktir, skröltir og glamrar á vegunum þar til hún tekst loks á loft.
Undrarútan hlaut Bókmenntaverðlaun Norðurlandaráðs 2024.
Spámennirnir í Botnleysufirði
1.290 kr.Nýlendustöðin Sykurtoppur, Vestur-Grænlandi, árið 1793.
Konu er spyrnt fram af hengiflugi svo hún hrapar til bana. Kristniboðinn Morten Falck er illa farinn á sál og líkama og efast um sjálfan sig og köllun sína. Hann vill umfram allt komast burt en óttast að verða sendur heim í hlekkjum. Grænlenskur aðstoðarprestur hans tekst á við sorg sína og reiði. Kaupmaðurinn hefur tögl og hagldir í nýlendustöðinni en undir kraumar óvild milli heimamanna og nýlenduherranna.
Inni í Botnleysufirði hafa kristnir Grænlendingar sagt sig úr lögum við Danaveldi undir forystu spámannanna Habakúks og Maríu Magdalenu. Þau hafa fundið sinn eigin sannleika og láta sig dreyma um frelsi, jafnrétti og bræðralag, þótt langt sé til byltingarborgarinnar Parísar.
Skáldsagan Spámennirnir í Botnleysufirði er lauslega byggð á sönnum atburðum í dansk-norska konungsveldinu í lok átjándu aldar. Söguefnið spannar mannlíf höfuðborgarinnar einsog það blasir við norskum guðfræðinema. Nýlendubyggðir Grænlands með sínum öfgum og endemum, sjómannslíf á langferðum, sveitir Noregs og logandi stræti brunans mikla í Kaupmannahöfn árið 1795. Kynngimögnuð frásögnin og einstakur stílgaldur Kims Leine tryggðu honum Bókmenntaverðlaun Norðurlandaráðs árið 2013.
Þessi margverðlaunaða dansk-grænlenska saga hefur komið út víða um heiminn og birtist nú íslenskum lesendum í frábærri þýðingu Jóns Halls Stefánssonar.
Kim Leine er danskur rithöfundur, fæddur 1961. Hann er hjúkrunarfræðingur að mennt og starfaði sem slíkur á Grænlandi árum saman. Fyrsta skáldsaga Leines, Kalak, kom út árið 2007. Í kjölfarið fylgdu Valdemarsdag, 2008, og Tunu, 2009. Spámennirnir í Botnleysufirði litu svo dagsins ljós árið 2012 og fyrir hana hlaut Leine m.a. Bókmenntaverðlaun Norðurlandaráðs 2013.
Ör
990 kr.Jónas Ebeneser er 49 ára fráskilinn, valdalaus og gagnkynhneigður karlmaður sem hefur ekki haldið utan um bert kvenmannshold – alla vega ekki viljandi – í átta ár og fimm mánuði.
En hann er handlaginn. Hann hefur flísalagt sjö baðherbergi og þegar hann leggur af stað í ferðalag sem hann hefur ekki hugsað sér að snúa aftur úr, tekur hann með sér borvél.
Auður Ava Ólafsdóttir fjallar um stærstu spurningar mannsins, um lífið, dauðann og sjálfa ástina sem öllu skiptir, í sinni fimmtu skáldsögu. Auður Ava hefur skrifað skáldsögur, leikrit, ljóð og er textahöfundur popphljómsveitarinnar Milkywhale. Hún er margverðlaunuð fyrir skáldsögur sínar sem hafa verið þýddar á fjölmörg tungumál.
Milli trjánna
4.890 kr.Milli trjánna er safn 47 fjölbreyttra og meitlaðra smásagna. Bókin hefur hlotið einróma lof og færði höfundinum Bókmenntaverðlaun Norðurlandaráðs árið 2011. Í kjölfarið hafa verk hans verið þýdd og gefin út víða um lönd og njóta vaxandi vinsælda og virðingar. Þessi nýja útgáfa er hluti af heildarsafni verka Gyrðis.
Rúmmálsreikningur III
4.690 kr.Rúmmálsreikningur III er þriðja bindi af sjö í skáldsögu Solvej Balle um Töru Selter sem situr föst í nóvemberdegi. Höfundurinn hlaut bókmenntaverðlaun Norðurlandaráðs 2022 fyrir fyrstu þrjú bindin sem nú eru öll komin út á íslensku í þýðingu Steinunnar Stefánsdóttur.
„Hann segist vera að reyna að venjast því að borða úrgang. Hann áttar sig alveg á að við notum heiminn upp til agna. Hann hefur séð það: tómu hillurnar. Hann hefur séð rétti strokaða út af töflum veitingastaða og kaffihúsa og hann hefur séð litlu plastpakkningarnar með apríkósumauki klárast af morgunverðarhlaðborði hótels en þá færði hann sig á annað hótel.“
On the Calculation of Volume II
3.990 kr.Tara Selter is searching for a way back into time. Tara has been stuck in the 18th of November for over a year’s worth of days. She still wakes up to the same newspapers, and the same blank faces when she explains that she has seen this all before.
Until one morning, she boards a train and finds herself in a new day. It is still the eighteenth of November, but the faces are different, the weather is colder. She realises that she has found a way out of her endless autumn.
By moving across Europe rather than through time, she can collect the ingredients for the seasons: the thin film of ice on puddles, the fresh spring breeze, the blazing summer sun. As she travels, she begins to hope for a new future, one that will run in parallel to the eighteenth of November, one that she must build for herself.
Grámosinn glóir
1.290 kr.„Þá ertu frjáls skáld… hvernig viltu hafa einn morðingja í sögu?“ segir unga skáldið við sjálft sig þegar það blaðar í gömlum málskjölum sem segja frá Jóni morðingja og reynir að gera sér í hugarlund hvernig slíkur maður er í raun.
Skáldið er lögfræðingur, höfðingsefni, og trúir á mátt einstaklingsins og endurreisn sinnar þjóðar, komið af hraðfleygri stund erlendra borga, úr kliðandi laufskálum og grónum menntasetrum í þungbúnar víðáttur átthaganna þar sem tíminn stendur nánast í stað og kotin gægjast upp úr landinu, á dreif milli þögulla fjalla og eyðilegra heiða.
Framundan er fyrsta embættisverkið: dómsmál, sifjaspell, morð.
Og áður en langt um líður situr skáldið sem dómari andspænis morðingja í annarri sögu; það sér og skynjar hver morðinginn í raun er en dómaranum ber einungis að dæma og semja sögulok; enginn spyr hvernig morðingja skáldið kysi sér.
Með skáldsögunni Grámosinn glóir mun Thor Vilhjálmsson eflaust koma mörgum skemmtilega á óvart. Hann sækir nú efnivið sinn til íslenskra sakamála á 19. öld og nýtir sér að nokkru tækni spennusagna en spinnur í sömu mund saman þrjár ástarsögur. Að auki er sagan epískari en flestar sögur hans aðrar á seinni árum, á sér dýpri rætur í íslenskri sagnahefð en þær og snýst meira um sérleika íslenskrar vitundar og veru.
Milli trjánna
990 kr.MILLI TRJÁNNA er safn 47 smásagna sem einkenn- ast allar af þeim áreynslulausa og myndríka stíl sem prýðir verk Gyrðis Elíassonar. Þá kallast umfjöllunarefni þessa safns á við fyrri sögur höfundar. Hér bregður fyrir líkt og áður ýmiskonar óhugnaði og furðum, einsemd, draumum, ferðalögum, bernskuminningum og framtíðarsýnum, auk þeirr- ar ísmeygilegu fyndni sem lesendur þekkja úr fyrri verkum.
MILLI TRJÁNNA undirstrikar þó jafnframt þá markvissu þróun sem orðið hefur í sagnaveröld Gyrðis í átt til eindregnari efnistaka, um leið og við erum minnt á grunngildi tilveru okkar í þessum fjöl- breyttu en þó heildstæðu smásögum.
Fyrir þessa bók hlaut Gyrðir Elíasson Bókmennta- verðlaun Norðurlandaráðs 2011.
„MILLI TRJÁNNA er verk samið af höfundi, sem hefur náð fullkomnum tökum á list sinni, liggur mikið á hjarta og kemur því til skila af leiftrandi sköpunargleði… breinn listgaldur.“ – Bergsteinn Sigurðsson, Fréttablaðið
„Helst er ég þó bara á því að Gyrðir sé upp á sitt allra besta í þessari bók. Hún er hreinasta gersemi.“ – Þröstur Helgason, Víðsjá
