Heimsmynd á hverfanda hveli II
4.990 kr.Saga vísinda frá Brúnó til Newtons+
Hvaða mynd getum við gert okkur af heiminum út frá því sem sést með berum augum? Hvernig þróaðist stjarnfræðin á bökkum Nílar? Hvernig gat atómhugmyndin orðið til með Forngrikkjum? Var bara myrkur á miðöldum? Hvernig litu kirkjufeðurnir á heiðna þekkingu? Hvað lögðu Arabar til mála? Í hverju fólst bylting Kóperníkusar? Þessar spurningar og margar fleiri ræðir Þorsteinn Vilhjálmsson í Heimsmynd á hverfanda hveli. Í þessu fyrra bindi verksins er rakin saga vísinda, með hliðsjón af þeirri mynd af heiminum sem þau gefa hverju sinni, frá öndverðu til Kóperníkusar. Frásögn Þorsteins er fróðleg og aðgengileg og bókin öll prýdd fjölda mynda og skýringarteikninga. Hún er skemmtileg aflestrar, án þess að slakað sé á fræðilegum kröfum, um leið og hún bregður birtu sögunnar á okkar eigin vísindaskilning og heimssýn.
Þorsteinn Vilhjálmsson (f. 1940) er dósent í eðlisfræði við Háskóla Íslands. Hann hefur numið og starfað við háskóla í Danmörku og Bandaríkjunum og kennt stjörnufræði og vísindasögu auk eðlisfræðinnar, en þær greinar fléttast saman í þessari bók.
Heimsmynd á hverfanda hveli I
4.990 kr.Heimsmynd vísinda frá öndverðu til Kóperníkusar
Hvaða mynd getum við gert okkur af heiminum út frá því sem sést með berum augum? Hvernig þróaðist stjarnfræðin á bökkum Nílar? Hvernig gat atómhugmyndin orðið til með Forngrikkjum? Var bara myrkur á miðöldum? Hvernig litu kirkjufeðurnir á heiðna þekkingu? Hvað lögðu Arabar til mála? Í hverju fólst bylting Kóperníkusar? Þessar spurningar og margar fleiri ræðir Þorsteinn Vilhjálmsson í Heimsmynd á hverfanda hveli. Í þessu fyrra bindi verksins er rakin saga vísinda, með hliðsjón af þeirri mynd af heiminum sem þau gefa hverju sinni, frá öndverðu til Kóperníkusar. Frásögn Þorsteins er fróðleg og aðgengileg og bókin öll prýdd fjölda mynda og skýringarteikninga. Hún er skemmtileg aflestrar, án þess að slakað sé á fræðilegum kröfum, um leið og hún bregður birtu sögunnar á okkar eigin vísindaskilning og heimssýn.
Þorsteinn Vilhjálmsson (f. 1940) er dósent í eðlisfræði við Háskóla Íslands. Hann hefur numið og starfað við háskóla í Danmörku og Bandaríkjunum og kennt stjörnufræði og vísindasögu auk eðlisfræðinnar, en þær greinar fléttast saman í þessari bók.
Aldrei nema vinnukona
1.290 kr.Aldrei nema vinnukona er sjálfstætt framhald bókarinnar Aldrei nema kona sem kom út 2020.
Höfundurinn, Sveinbjörg Sveinbjörnsdóttir, hefur þýtt bækur og sjónvarpsefni auk þess að gefa út söguna Aldrei nema kona. Sú bók hefur notið mikilla vinsælda, einkum fyrir glögga mynd af kjörum kvenna á 18. og 19. öld.
Eins og í fyrri bókinni eru öll nöfn, tímasetningar og stærri viðburðir sannleikanum samkvæmir og stuðst við bréf og opinber skjalagögn auk ýmissa rita og vefsíðna sem fjalla um þennan tíma.
Í þessari bók fer fram tvennum sögum, af ferðinni frá Íslandi til Ameríku og minningarbrotum Þuríðar Guðmundsdóttur úr vistum í Skagafirði og Húnavatnssýslum.
Einskismannsland – Ríkir þar fegurðin ein?
1.290 kr.Í tilefni sýningarinnar Einskismannsland – Ríkir þar fegurðin ein? hafa verið teknir saman fjölbreyttir textar eftir myndlistarmenn, skáld, hugsuði, fjallagarpa og fræðimenn frá upphafi 20. aldar til samtímans. Textarnir fjalla allir um víðerni Íslands og spretta úr frjóum jarðvegi þar sem afstaða höfunda endurspeglar tíðaranda en einnig tilfinningu þeirra fyrir ósnortinni náttúru landsins. Innblásnir og áhrifamiklir textar úr ýmsum áttum, ljóð, dagbókarfærslur og fræðigreinar – en einnig hversdagslegar hugleiðingar um hálendið.
Komdu í ferðalag með höfundunum um víðerni landsins!
Ástin á tímum kólerunnar
2.990 kr.Ný skáldsaga eftir kólumbíska Nóbelsverðlaunahafann Gabriel García Marquez, skáldsaga þeirrar gerðar sem lesandinn getur sökkt sér ofan í, og látið berast með straumi frásagnarinnar um leið og honum opnast nýir og hrífandi heimar.
Sagan gerist í litskrúðugri hafnarborg við Karíbahaf undir lok síðustu aldar og á fyrstu áratugum þessarar. Hún er einstæð ástarsaga um Florentino Aríza, mann sem bíður elskunnar sinnar í hálfa öld, svo gagntekinn verður hann á unga aldri af hinni ómótstæðilegu Fermínu Daza. Og meðan lesandinn bíður með honum, sífellt spenntari og vondaufari í senn, skemmtir Marquez honum með ótal frásögnum – af skákmanninum og útlaganum Jeremíah de Saint-Amour og kynblendingsstúlkunni, af Júvenal Úrbíno lækni og páfagauknum hans, af Kínverjanum sem vann bókmenntaverðlaun Gullorkideunnar, af baráttunni við kóleruna og mörgu fleiru – uns niðurstaða fæst í skipsferð með Karabíska fljótasiglingafélaginu eftir hinu mikla Magdalenufljóti.
um
Ástin á tímum kólerunnar kom út á spænsku á síðasta ári og hlaut afbragðsviðtökur. Guðbergur Bergsson hefur þýtt verkið.