squat
6.990 kr.Byggingin sjálf var óvenjuleg. Um var að ræða fyrrum heilsugæslustöð sem stóð við gatnamót í Saint-Gilles hverfinu í Brussel, mynduð úr tveimur samliggjandi húsum sem stóð til að breyta í íbúðaeiningar […] Uppsetning sýningarinnar tók hins vegar aðeins einn dag. Eins og venjulega var framkvæmdin einföld og unnin í þögn, án þess að aukatekið orð væri sagt, samkvæmt því óskráða verklagi sem við höfum margoft fylgt og felur í sér endurteknar og nánast ósjálfráðar hreyfingar sem við kunnum utanbókar og kenna má við innsæi. Í þessu tilviki voru staðsetningar þegar ákveðnar. Eftir að hafa dvalið fimmtán daga í byggingunni þar sem við höfðum hreiðrað um okkur í huganum í hverju skoti, má segja að teikningarnar, málverkin og ljósmyndirnar hafi nánast fundið sinn stað sjálfkrafa. Um leið og við skröpuðum hvern flöt, grannskoðuðum við hann og þá má segja að hann hafi kallað á tiltekið verk. Veggirnir tóku ákvörðun fyrir okkur, við þurftum einungis að leggja við hlustir.
Valtýr Pétursson
2.990 kr.Bókin um Valtýr Pétursson Í er nýjasta útgáfuverk Listasafns Íslands. Valtýr Pétursson var í hópi þeirra listamanna sem settu hvað strekastan svip á eftirstríðsárin á Íslandi. Hann var meðal brauðryðjanda abstraktlistar hér á landi, afkastamikill málari, gagnrýnandi og virkur þáttakandi í félagstarfi listamanna.
Bókin um Valtý og verk hans er samvinnuverkefni Listasafn Íslands og Listaverkasafns Valtýs Péturssonar.
Hvaðan og hvert / Wherefrom and Whereto
9.990 kr.Þessi bók sýnir málverk Jóhönnu Boga frá margra áratuga tímabili. Auk þess eru að finna hugleiðingar Jóhönnu og annarra um ýmislegt sem tengist list hennar.
Þula
11.990 kr.Bókin Þula varð til meðfram vinnu við einkasýninguna Huldukona/Hidden lady, sem opnaði í janúar 2025 á Listasafninu á Akureyri. Hulda valdi myndirnar í bókina og texta í samstarfi við Maríönnu Björk Ásmundar hönnuð og Soffíu Bjarnadóttir, rithöfund og ljóðskáld. Soffía á svo allan annan texta í bókinni. Spessi tók myndirnar og Maríanna vann þær svo myndirnar hæfi forminu.
Bókin kemur út í 500 eintökum.
Jörð / Earth
9.290 kr.Bryndís Jónsdóttir sækir innblástur í náttúruna og leitast við að ná fram hinu lífræna úr ólíkum efnivið. Hún horfir til táknkerfis íslensku fjármarkanna, sem fylgt hafa þjóðinni frá fornu fari. Sýlthamrað, þrístigað eða heilrifað, hún útfærir mörkin í volduga leir- og járnskúlptúra, massíft gler og viðkvæm grafíkverk. Efniskenndin er áþreifanleg.
Rhythm of labor / Taktur í verki
5.990 kr.Hulda Rós Guðnadóttir (b. Reykjavík, Iceland, 1973; lives and works in Berlin) creates work across video, photography, performance, installation art, and others. Central to her practice is a conceptual approach that fluidly transitions between various artistic mediums. Her work is deeply influenced by anthropological research methods as well as her own personal experiences. She employs strategies of dislocation and defamiliarization to interrogate narratives about labor, class, and urban development and their entanglements with art.
Guðnadóttir’s first monograph Rhythm of Labor is dedicated to her artistic research project Keep Frozen. The project, which has been ongoing for over fifteen years, analyzes the operation of the global economy in the specific local example of the dynamics of industrialized fishing in Iceland. An extensive essay section sheds light on Guðnadóttir’s exploratory performances and films. Heiða Björk Árnadóttir charts the historical and social contexts of the Keep Frozen series. Elisabeth Brun shows how the artist challenges clichéd visualizations of the Arctic and Subarctic, while Anamaría Garzón Mantilla underscores the need to integrate the Arctic north into a critique of coloniality. Katla Kjartansdóttir discusses Guðnadóttir’s series of works that focus on the puffin, a seabird native to the North Atlantic, which has been co-opted by the booming tourism industry as an Icelandic symbol. With a foreword by Julia Gwendolyn Schneider.
Spessi: Tóm
13.490 kr.Tóm er ný ljósmyndabók eftir Sigurþór Spessa Hallbjörnsson. Spessi er einn af mikilvægustu sjónrænu annálahöfundum Íslands. Bókin inniheldur um 100 myndir teknar í Öræfunum og formála eftir Ófeig Sigurðsson, rithöfund.
Steinunn Þórarinsdóttir: Maður
15.990 kr.Nýtt og veglegt yfirlitsrit um list Steinunnar Þórarinsdóttur. Bókin inniheldur myndir af öllum helstu verkum Steinunnar, auk þess sem bæði innlendir og erlendir sérfræðingar fjalla um listferil hennar og verk frá fjölbreyttum sjónarhornum. Snæfríð Þorsteins hannaði. Bókin inniheldur um 250 myndir af verkum Steinunnar, auk annarra mynda frá ferli hennar.
Mr. Awkward Show Present: Mr. Poser
7.490 kr.Anton Lyngdal sem gengur undir listamannanafninu Mr. Awkward show gefur út ljósmyndabók um Mr. Poser.
Mr. Poser er tískukóngur og sérlegur áhugamaður um vegglistasenuna á Íslandi. Hann á sér uppáhalds vegglistamann sem er einn sá stærsti og afkastamesti í senunni hér á landi, þ.e. Opes_vs_Vato. Í bókinni ferðast Mr. Poser um Höfuðborgarsvæðið og stillir sér upp í sínum bestu klæðum við vegglistaverk eftir Opes_vs_Vato.
Mr. Poser er einn af karakterum Antons sem vaknar til lífsins fyrir framan myndavélina, enda líður Mr. Poser best í sviðsljósinu og er handviss um að hann ætti heima á tískusýningunum í París.
Guðrún Bergsdóttir – Hugarheimar / Inner Worlds
8.990 kr.Hugarheimar er bók um útsaumslistakonuna Guðrúnu Bergsdóttur. Guðrún var fædd árið 1970 og lést í janúar 2024. Hún var fædd með fötlun sem setti mark sitt á líf hennar en hindraði hana þó ekki í að gera einstök útsaumslistaverk þar sem flæða saman litir og form, sprottin úr hennar hugarheimi. Bókin inniheldur myndir af verkum Guðrúnar, auk greina um verk hennar og feril eftir Aðalstein Ingólfsson, Margréti M. Norðdahl og Eggert Pétursson. Harpa Björnsdóttir ritstýrði og Ármann Agnarsson hannaði.
Þegar Egill hitti tröllin Úr og Búr og fór með þeim til Feneyja
4.690 kr.Bókin segir frá því þegar íslenski myndlistar- og tónlistarmaðurinn Egill Sæbjörnsson vingaðist við tröllin Úr & Búr. Í stað þess að borða Egil, eins og flest annað mannfólk, fóru þau að herma eftir honum að búa til list og tóku svo yfir þegar Egill átti að koma fram fyrir hönd Íslands á Feneyjatvíæringnum 2017.
Í sköpunarverkum Egils er leikgleðin gjarnan umlykjandi. Samspil efnisheims og alheimsvitundar spretta fram í formi tónlistar, innsetninga, lifandi skúlptúra og ímyndaðra vina.
Í heimi sem er leynt og ljóst stjórnað af ýmsum öflum, sakleysislegum eða háalvarlegum, eru ímyndaðir vinir Egils, Úr og Búr, kannski undanþegin. Þeim eru fá takmörk sett.
Egill fékk innblástur til að þýða bókina á íslensku í kjölfar einkasýningar hans Egill Sæbjörnsson og óendanlegir vinir alheimsins á Listasafni Island 2023 – 2024. Á þessari sýningu bauð Egill óendanlega mörgum ímynduðum vinum sínum að taka þátt í samveru í hinum endalausa leikherbergi listarinnar sem sló í gegn hjá yngri áhorfendum á Íslandi.
Safnasafnið – Kiko Kiorrio – Sýnisbók safneignar IV
5.490 kr.Í bókinni er sagt frá alþýðulistamanninum Þórði Valdimarssyni (1922- 2002) sem ávallt kallaði sig Kiko Korriro. Bókin er prýdd myndum af verkum listamannsins sem var afar afkastamikill. Lífshlaup og listsköpun Kiko er rakin í greinandi textum eftir Níels Hafstein, Aðalstein Ingólfsson og Þórð Sverrisson.
Safnasafnið – Svava Skúladóttir – Sýnisbók safneignar VIII
5.490 kr.Svava Skúladóttir (1909-2005) byrjaði að skapa þegar hún var komin á efri ár og hóf að nýta sér verkstæði fyrir félagsstarf eldri borgara. Í bókinni er teikningar, málverk og skúlptúrar Svövu til umfjöllunar en þau bera þess merki að vera sköpuð hratt og af einurð, óttaleysi og lífsorku.
Bókin geymir æviágrip listakonunnar, greiningu verka hennar eftir Níels Hafstein sem og texta eftir Sigríði Ágústdóttur.
Safnasafnið – Ragnar Hermannsson – Sýnisbók safneignar VII
5.490 kr.Í bókinni eru kynnt verk eftir alþýðulistamanninn Ragnar Hermannsson (1992-2009) sem var frá Flatey á Skjálfanda. Bókin er prýdd fjölda ljósmynda ef verkum Ragnars ásamt greinandi úttekt á verkum hans og starfsaðferðum eftir Níels Hafstein.
Safnasafnið – Mannsmynd – Sýnisbók safneignar IX
5.490 kr.Bókin sýnir valin listaverk úr safneign Safnasafnsins sem eiga það sameiginlegt að spegla og formgera hugmyndir fólks af mannslíkamanum og mannsmyndinni í ýmsum miðlum. Níels Hafstein ritaði ítarlega greiningu á viðfangsefninu.
Safnasafnið – Ingvar Ellert – Sýnisbók safneignar X
5.490 kr.Í bókinni eru kynnt verk eftir Ingvar Ellert Óskarsson (1944-1992). Þó myndheimur Ingvars væri flókinn dró hann ýmsar persónur og fyrirbæri fram í dagsljósið, oft með einföldum hætti en líka í flúri og útúrdúrum.
Bókin er prýdd fjölda ljósmynda af verkum hans ásamt úttekt á lífshlaupi hans og viðkynnum af geðheilbrigðisþjónustu á Íslandi. Níels Hafstein ritar greiningu um listamanninn og Guðmundur Vignir Óskarsson um lífshlaup hans.
Safnasafnið – GÍA – Sýnisbók safneignar XI
5.490 kr.GÍA fjallar um verk og listferil Gígju Guðfinnu Thoroddsen (1957-2021), eða GÍU eins og hún kallaði sig. Verk GÍU hafa ríkar skírskotanir til listasögunnar, samfélagsins, andlegra þátta, þekktra einstaklinga, arkitektúrs og svo í eigin reynsluheim, sem hún miðlaði af áræðni og örlæti, þá sérstaklega sem virkur notandi geðheilbrigðisþjónustu hér á landi.
Bókin er prýdd fjölda ljósmynda af verkum hennar ásamt greinandi úttekt eftir Margrét M. Norðdahl og textum frá Atla Bollasyni, Ástu Thoroddsen og Níelsi Hafstein.