Útgefandi: Uglan - Íslenski kiljuklúbburinn

Þetta er saga um pilt og stúlku samtímans, ást þeirra, leiki og hvunndagshamingju í sólríku evrópsku þorpi. En skammt undan lúrir skugginn, kannski í leynum hugans eða djúpi draumsins – og kannski á hann aðrar ættir.

Sumir munu kalla þetta ástarsögu, aðrir draugasögu, enn aðrir kenna hana við agaðan súrrealisma. Þetta er ljúf bók, fyndin og furðuleg, ærslafull og sorgleg.
Sjón hefur áður gefið út skáldsöguna Stálnótt og er löngu kunnur fyrir ljóð sín.