Útgefandi: Hetjumyndasögur

Þór er ungur og áhyggjulaus drengur í Ásgarði sem leikur sér við félaga sína en reynir öðru hverju að lyfta Mjölni en án árángurs.

Óðinn Alfaðir sendir Þór, Baldur og Sif í sendiför til að safna efni í nýtt heilagt vopn en þau lenda í ýmsum ævintýrum og óvæntum hættum. Vinátta þeirra er sterkasta vopn en með samstöðu og samvinnu tekst þeim að ná takmarki sínu.

Hér er um að ræða bráðskemmtilega og spennandi bók fyrir alla aldurshópa.

Þýðandi: Kristján Ingólfsson

Við kynnumst Max Eisenhardt þar sem hann er ungur drengur af gyðingaættum í þýskalandi í aðdraganda heimstyrjaldarinnar síðari. Það sem Max veit ekki er að hann er stökkbreyttur. Hann hefur krafta sem aðrir eru ekki með. Í heimi þar sem fordómar ríkja gegn fólki sem er öðruvísi, þarf Max að berjast fyrir lífi sínu á hverjum degi.

Eftir að heimstyrjöldinni lýkur fæðast fleiri stökkbreytir einstaklingar og ríkisstjórnir víða um heim vita ekki hvernig á að höndla þessar aðstæður. Þegar ríkisstjórn Bandaríkjanna fer að handsama stökkbreytt börn, þá reyna Logan — einnig þekktur sem Wolverine, og Victor Creed — einnig þekktur sem Sabretooth — að finna leiðir til þess að bjarga þeim. Þeir reyna að fá fleiri í lið með sér, þar á meðal Max Eisenhardt sem nú ber nafnið Magneto! Ná þeir að stoppa ógnina sem þau standa frammi fyrir — þar á meðal Sentinel vélmennin?

Bruce Banner er vísindamaður sem er að vinna á Gamma herstöð þar sem hann hefur verið beðinn um að hanna nýja sprengju sem á að koma í stað kjarnorkuvopna. Þegar tilraunasprengja er sprengd þarf Banner að leggja líf sitt í hættu til að bjarga vandræðaunglingnum Rick Jones sem hefur flækst út á tilraunasprengjusvæðið í óleyfi.

Bruce Banner lifir sprenginguna af – en á næturnar breytist á óskiljanlegan og ótrúlegan hátt í skrímsli – hann breytist í Hulk! Það sem gerist eftir það er hluti af einni stærstu sögu myndasöguheimsins en Hulk mun síðar ganga til liðs við ofurhetjurnar hjá Marvel sem stofna Avengers.

Í bókinni tekst Bruce Banner á við afleiðingar sprengjunnar og hið nýja hlutverk sem Hulk, á meðan hann berst við herinn, hin illræmdu ‘þau’, Da Halperin og Gargoyle! Bókin er kærkomin lesning fyrir gamla Hulk aðdáendur og spennandi saga fyrir þá sem hefja ný kynni við hann.