Ljóð vega gerð
4.990 kr.Ljóð vega gerð er þriðja og síðasta bindi Ljóðvegasafns Sigurðar Pálssonar. Hann vakti snemma athygli fyrir persónulegan og ferskan ljóðstíl.
Fyrri bækur hans tvær, Ljóð vega salt og Ljóð vega menn eru meðal þess lífvænlegasta í íslenskum skáldskap síðustu ára. Í þessari nýju bók eru eins og í hinum fyrri ljóðaflokkar þar sem mismargar atrennur eru gerðar að einhverju heildarviðfangsefni enda þótt hvert ljóð standi sem sjálfstæð heild.
Yrkisefnin eru fjölbreytt og skírskotanir margvíslegar. Við sjáum að bernskuslóðir, höfuðborg og heimsborg eru enn á sínum stað og sömuleiðis hugsun Sigurðar um tíma og rými og ferðalag í margs konar skilningi.
Tungumálið er krafið sagna um sjálft sig og okkur hin og vegferð okkar á ljóðvegum.
Bernskubók
1.290 kr.Bernskubók byggir Sigurður Pálsson á bernskuárum sínum í Norður-Þingeyjarsýslu en þar bjó hann frá fæðingu til fjórtán ára aldurs þegar hann hóf hefðbundið skólanám í landsprófsdeild Hagaskólans.
Í Bernskubók teflir Sigurður fram lifandi fortíðarmyndum sem hafa mótað hann sem einstakling frá frumbernsku, lýsir því hvernig skilningarvitin vakna, hvernig barnið nemur og skynjar umhverfi sitt, fjölskyldu og sveitunga, náttúruna, tungumálið; hvernig dýr og menn og almættið sjálft leika hlutverk sín á leiksviði barnsins.
Bernskubók er endurminningaverk sem byggir á hæfileikum manneskjunnar til að muna, rifja upp minningar, staðfesta tilvist sína með því að segja frá. Og umfram allt með því að skapa texta, því eins og segir á einum stað:
„Sá sem ekki hefur breyst í texta hefur ekki lifað.“Sigurður Pálsson fékk Íslensku bókmenntaverðlaunin 2007 fyrir Minnisbók.
Táningabók
1.290 kr.Táningabók er síðasti hluti endurminningaþríleiks Sigurðar Pálsson. Fyrri bækurnar tvær, Minnisbók og Bernskubók, voru báðar lofaðar af gagnrýnendum auk þess hlaut Minnisbók íslensku bókmenntaverðlaunin.
