Péturspostilla: Hugvekjur handa Íslendingum
990 kr.Dögum oftar er höfundurinn beðinn um álit, skoðun, ávarp, hugvekju, ræðu, grein eða erindi. Afstaða undirritaðs hefur jafnan verið á eina lund: að segja já – trúr því hugboði að hlutverk höfundarins sé að skipta sér af því sem honum kemur ekki við. Berhentur, umboðslaus, oftar en ekki ólaunaður, en sannfærður um að leitin að merkingu sé leiðin til að ljá lífi okkar merkingu.
Péturspostilla – hugvekjur handa Íslendingum geymir safn erinda og greina sem Pétur Gunnarsson hefur tekið saman í áranna rás. Hér er komið víða við, sjálfsagðir hlutir settir glænýtt samhengi og aðrir sem ekki hafa endilega verið efstir á baugi eru kynntir til sögu með minnisstæðum hætti. Útkoman er lík öðru sem komið hefur frá höfundinum full af húmor, frumlegri hugsun og föstum tökum þess sem kann að láta ‚hugvekju‘ rísa undir nafni og gildir þá einu hvort nærföt eru til umfjöllunar, samgöngumál eða staða íslenskrar tungu.
Persónur og leikendur
1.290 kr.PERSÓNUR OG LEIKENDUR er sjálfstæð skáldsaga í flokki sem hófst með PUNKTUR PUNKTUR KOMMA STRIK og ÉG UM MIG FRÁ MÉR TIL MÍN.
PERSÓNUR OG LEIKENDUR: Laxness, Hemingway, Steinn Elliði, Peter O’Toole ANDRI HARALDSSON. Diljá, Katrín, Hadley, Audrey Hepburn – BYLGJA ÆGISDÓTTIR. París er leikin af Reykjavík. Sögusviðið er Menntaskólinn, Borgin, Glaumbær, Vefarinn mikli frá Kasmír, síldarþorp úti á landi, Veisla í farángrinum. Þingvellir, m/s Gullfoss og París. Viðreisnarárin eru að telja út og síldarævintýrið á útgönguversinu. Andra dreymir um að komast á rétta hillu í bókaskápnum en kvenfólkið setur strik í reikninginn…
Punktur punktur komma strik
1.990 kr.Pétur Gunnarsson er fæddur í tvíburamerkinu 15. júní 1947. Hann byrjaði ungur að skrifa en ekki er að sjá að honum hafi farið mikið fram. Ljóðabókin „Splunkunýr dagur“ sem kom út 1973 var afleit. Hér birtir hann skáldsöguna „Punktur punktur komma strik“ sem hann hefur lesið úr með Listaskáldunum vondu og er eins víst að megninu sé stolið úr óvæntum áttum. Pétur reynir mikið að vera fyndinn og mest er það háð og grátt gaman um fólk sem hefur reynst honum vel og lýsir það innrætinu. Þó kastar tólfunum þegar höfundur byrjar að klæmast og eru oft áhöld um hvort hann sé með öllum mjalla, en þar sem virkilega er stungin tólg, bendir flest til að Pétur hafi prófað sóðaskapinn á sjálfum sér og sést af þessu hvernig maðurinn er.
Gylfi Gíslason bogmaður, fæddur 19. desember 1940, myndskreytir bókina og er ljótt af honum að bæta þannig gráu ofan á svart.
ÞÞ – í forheimskunarlandi
1.290 kr.Ævisaga Þórbergs Þórðarsonar, skráð af rithöfundinum Pétri Gunnarssyni, hefur vakið verðskuldaða athygli. Fyrra bindi sögunnar, ÞÞ – Í fátæktarlandi, kom út árið 2007 og hlaut þá tilnefningu til Íslensku bókmenntaverðlaunanna. Seinna bindið, ÞÞ – Í forheimskunarlandi, kom út árið 2009 og seldist upp.
Í bókunum endurskapar Pétur þroskasögu Þórbergs sem rithöfundar og einstaklings. Hann leitar víða fanga, m.a. í sendibréfum, dagbókum og óútgefnu ævisöguhandriti, svo og í útkomnum verkum Þórbergs. Pétur endurskapar andrúmsloft liðinna ára og dregur upp forvitnilega og heillandi mynd af einum merkasta rithöfundi okkar sem koma mun nýjum sem gömlum aðdáendum Þórbergs á
ÞÞ – í fátæktarlandi
1.290 kr.Þórbergur Þórðarson er án efa einn fremsti höfundur íslenskra bókmennta, en það vekur furðu hve seint hann „fór í gang“. Hann er orðinn 36 ára þegar Bréf til Láru kemur út og stendur á fimmtugu þegar hans fyrsta eiginlega skáldverk, Íslenskur aðall, lítur dagsins ljós.
Hvað hafðist hann að fram að því? Hann háði löngum tvísýna glímu við sárustu fátækt, gaf sig allan á vald háleitustu hugsjónum og átti í litríkum ástarævintýrum.
Í ÞÞ – í fátæktarlandi endurskapar Pétur Gunnarsson þroskasögu Þórbergs og leitar víða fanga, ekki aðeins í útkomnum verkum heldur líka ríkulegu óbirtu efni: sendibréfum, dagbókum og óútgefnu ævisöguhandriti. Hér er dregin upp mynd sem á eftir að koma nýjum sem gömlum aðdáendum Þórbergs á óvart.
