Síðdegi

Fyrsta ljóðabók Vilborgar Dagbjartsdóttur var Laufið á trjánum sem kom út árið 1960 og var hún þá ein af fáum konum sem ortu atómljóð. Vilborg á fjölda ljóða og greina í tímaritum og safnritum á Íslandi og í útlöndum auk þess að vera mikilvirkur þýðandi.

Síðdegi er níunda ljóðabók Vilborgar og enn eru yrkisefnin áþekk og forðum. Í ljóðunum er þessi galdur sem gerir mannlífið fallegra.