Lífið er undantekning

Lífið er undantekning er níunda bók Sigurlínar Bjarneyjar. Fjölbreytt ljóðabók í efni og formi eftir eitt af okkar athyglisverðustu skáldum, sem síðast sendi frá sér nóvelluna Sólrúnu (2022) sem vakti mikla athygli.

Við skulum faðmast inni og úti,

uppi á heiði, úti í móa, í fjöru, ofan í dal,

uppi á fjalli og í fjallshlíð,

í grænni lautu, á gróinni umferðareyju, eyðieyju, eldfjalli,

jökli, í snjóhúsi

djúpt ofan í myrkum skógi

við fossa, læki og vötn (uppistöðulón)

í sjónum

í náttúrulaugum og hverum

byggðasafninu á Skógum

á veiðilendum

á söguslóðum, hálendi, láglendi

skrúðgörðum og kartöflugörðum

innan um rabarbara

með mosa í hárinu og mold á milli tánna