Sæluvíma
3.590 kr.Enski mannfræðingurinn Andrew Bankson er einangraður á vettvangi við rannsóknir á ættbálki sem býr við Sepik-fljótið á Nýju-Gíneu og rannsóknir hans ganga illa. Úrkula vonar er hann að því kominn að stytta sér aldur þegar hann rekst á hina frægu og hrífandi Nell Stone og kaldhæðinn eiginmann hennar, Fen, en bæði eru þau mannfræðingar. Úr verður áhugavert samstarf og ástríðufullt samband en ekki líður á löngu uns afbrýðisemi og græðgi stefnir öllu í voða.
Sæluvíma (Euphoria) er margverðlaunuð skáldsaga eftir bandaríska rithöfundinn Lily King. Hún byggir á raunverulegum atburðum í lífi bandaríska mannfræðingsins Margaretar Mead þegar hún var við störf á Nýju-Gíneu árið 1933 ásamt þáverandi eiginmanni sínum, Reo Fortune, og Gregory Bateson sem hún átti eftir að giftast síðar.
Sæluvíma sló í gegn í Bandaríkjunum þegar hún kom út árið 2014 og fyrir hana hlaut höfundurinn Kirkus-skáldskaparverðlaunin, Bókmenntaverðlaun Nýja-Englands og Bandarísku gagnrýnendaverðlaunin, auk þess sem hún var valin ein af tíu bestu bókum ársins af The New York Times Book Review, tímaritinu TIME og Amazon. Sæluvíma hefur komið út í 15 löndum og er kvikmynd í bígerð.
Uggi Jónsson þýddi.
Amsterdam
1.290 kr.Tveir af fyrrum elskhugum Mollyar Lane biðu utan bálstofukapellunnar og sneru baki í napran febrúargjóstinn. Allt hafði þegar verið sagt, en þeir sögðu það samt á ný.
Á hrollköldum febrúardegi hittast tveir gamlir félagar, Clive Linley og Vernon Halliday, við útför Mollyar Lane. Clive er mikilsmetið tónskáld en Vernon ritstjóri útbreidds dagblaðs. Dagana eftir útförina þurfa þeir félagar að glíma við vanda sem hvorugur hafði séð fyrir og verða að taka afdrifaríkar, siðferðilegar ákvarðanir. En hvers vegna Amsterdam? Í hvaða hremmingum lenda þeir Clive og Vernon?
Ian McEwan hlaut virtustu bókmenntaverðlaun Breta, Booker-verðlaunin 1998, fyrir þessa bók.
Uggi Jónsson þýddi.