Sagan af bláa hnettinum

Á bláum hnetti lengst úti í geimi búa ótal börn sem fullorðnast ekki. Þar ráða þau sér sjálf, leika sér og njóta lífsins þar til óboðinn gestur lendir með brambolti í fjörunni. Þá hefst hættulegt ævintýri sem leiðir börnin um myrka skóga, djúpa dali og loftin blá.

Sagan af bláa hnettinum er hrífandi ævintýri eftir verðlaunahöfundinn Andra Snæ Magnason sem heillað hefur börn og fullorðna um allan heim. Sagan hlaut Íslensku bókmenntaverðlaunin fyrst allra barnabóka og leikrit eftir henni hefur meðal annars verið sett upp í Þjóðleikhúsinu.